ಇಸ್ಲಮಾಬಾದ್: ಪಾಕಿಸ್ತಾನದ ನಾಗರಿಕ ವಿಮಾನಗಳ ಪೈಲಟ್ಗಳಲ್ಲಿ ಶೇ.30ರಷ್ಟು ಪೈಲಟ್ಗಳು ನಕಲಿ ಲೈಸೆನ್ಸ್ ಹೊಂದಿದ್ದಾರೆ ಎಂಬ ಸತ್ಯವನ್ನು ಅಲ್ಲಿನ ವಿಮಾನಾಯನ ಸಚಿವ ಗುಲಾಂ ಸರ್ವರ್ ಖಾನ್ ಅವರೇ ತಿಳಿಸಿದ್ದಾರೆ.
ನಾಗರಿಕ ವಿಮಾನದ ಪ್ರತಿ ಮೂವರು ಪೈಲಟ್ಗಳಲ್ಲಿ ಓರ್ವ ಪೈಲಟ್ ನಕಲಿ ಲೈಸನ್ಸ್ ಹೊಂದಿದ್ದಾನೆ. ವಿಮಾನ ಹಾರಿಸಲು ಅರ್ಹತೆ ಹೊಂದಿರುವುದಿಲ್ಲ ಎಂದು ಮಾಹಿತಿ ನೀಡಿದ್ದಾರೆ.
ನ್ಯಾಷನಲ್ ಅಸೆಂಬ್ಲಿಯನ್ನುದ್ದೇಶಿಸಿ ಮಾತನಾಡಿದ ಸಚಿವ, ಪಾಕಿಸ್ತಾನದಲ್ಲಿ 260ಕ್ಕೂ ಹೆಚ್ಚು ಪೈಲಟ್ಗಳು ಹಣ ಕೊಟ್ಟು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದಾರೆ. ನಕಲಿ ಲೈಸೆನ್ಸ್ ಪಡೆದಿದ್ದಾರೆ. ಇದಕ್ಕಾಗಿ ಗಣ್ಯರ ಪ್ರಭಾವನ್ನು ಬಳಸಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ಭಾರತ-ಚೀನಾ ಗಡಿ ಬಿಕ್ಕಟ್ಟು: ಪರಿಸ್ಥಿತಿ ಗಂಭೀರವಾಗಿದೆ ಎಂದ ಬ್ರಿಟಿಷ್ ಪ್ರಧಾನಿ
ಹಾಗೇ ನಕಲಿ ಲೈಸೆನ್ಸ್ ಹೊಂದಿದ್ದವರನ್ನು ಪತ್ತೆ ಹಚ್ಚಿ, ಅವರನ್ನು ಕೆಲಸದಿಂದ ತೆಗೆಯುವ ಕೆಲಸವನ್ನು ಪಾಕಿಸ್ತಾನ ಅಂತಾರಾಷ್ಟ್ರೀಯ ಏರ್ಲೈನ್ಸ್ ಮಾಡಿದೆ ಎಂದಿದ್ದಾರೆ.
ಪಾಕಿಸ್ತಾನದಲ್ಲಿ ದೇಶೀಯ ವಿಮಾನಗಳು, ಅಂತಾರಾಷ್ಟ್ರೀಯ ವಿಮಾನಗಳೆಲ್ಲ ಸೇರಿ 850ಕ್ಕೂ ಹೆಚ್ಚು ಪೈಲಟ್ಗಳು ಇದ್ದಾರೆ. ಇತ್ತೀಚೆಗೆ ಕರಾಚಿಯ ಜನವಸತಿ ಪ್ರದೇಶದಲ್ಲಿ ವಿಮಾನ ಬಿದ್ದು ಸುಮಾರು 97 ಮಂದಿ ಸತ್ತಿದ್ದರು. ಅದಾದ ಬಳಿಕ ಪಿಐಎಯಿಂದ ತನಿಖೆ ಕೈಗೊಳ್ಳಲಾಗಿತ್ತು. ಈ ತನಿಖೆಯ ವೇಳೆ ಶೇ.30ರಷ್ಟು ಪೈಲಟ್ಗಳ ಬಳಿ ಇರುವುದು ನಕಲಿ ಪರವಾನಗಿ ಎಂಬುದು ಬೆಳಕಿಗೆ ಬಂದಿದೆ ಎಂದು ಮಾಹಿತಿ ನೀಡಿದ್ದಾರೆ. ಇದನ್ನೂ ಓದಿ: ಕರಾಚಿಯಲ್ಲಿ ಅಪಘಾತಕ್ಕೀಡಾದ ವಿಮಾನದಲ್ಲಿ ಬ್ಯಾಗ್ನಲ್ಲಿ ಸಿಕ್ಕ ವಸ್ತುವನ್ನು ನೋಡಿ ತಬ್ಬಿಬ್ಬಾದ ರಕ್ಷಣಾ ಸಿಬ್ಬಂದಿ
ಮೇ 22ರಂದು ನಡೆದ ಕರಾಚಿ ವಿಮಾನ ದುರಂತಕ್ಕೆ ಪೈಲಟ್ನ ಅತಿಯಾದ ಆತ್ಮವಿಶ್ವಾಸ ಮತ್ತು ಏಕಾಗ್ರತೆ ಇಲ್ಲದಿರುವುದೇ ಕಾರಣ. ಅಂದು ಏರ್ ಟ್ರಾಫಿಕ್ ಕಂಟ್ರೋಲರ್ಗಳು ನೀಡಿದ್ದ ಮಾರ್ಗದರ್ಶನವನ್ನು ಪೈಲಟ್ ನಿರ್ಲಕ್ಷ್ಯ ಮಾಡಿದ್ದ. ವಿಮಾನ ಎಂಜಿನ್ನಲ್ಲಿ ಉಂಟಾಗಿದ್ದ ಘರ್ಷಣೆ ಬಗ್ಗೆ ಮಾಹಿತಿ ನೀಡಿರಲಿಲ್ಲ. ಅಂದು ವಿಮಾನದಲ್ಲಿದ್ದ ಪೈಲಟ್ಗಳು ಕರೊನಾ ಬಗ್ಗೆ ಚರ್ಚೆ ಮಾಡುತ್ತಿದ್ದರು. ಹಾಗಾಗಿ ತಮ್ಮ ಕೆಲಸದ ಮೇಲೆ ಗಮನ ಇರಲಿಲ್ಲ. ಆಗ ಪ್ಲೇನ್ನ್ನು ಇನ್ನಷ್ಟು ಮೇಲಕ್ಕೆ ಹಾರಿಸುವಂತೆ ಏರ್ ಟ್ರಾಫಿಕ್ ಕಂಟ್ರೋಲರ್ನಿಂದ ಸೂಚನೆ ಹೋಗಿದೆ. ಆದರೆ ಅದನ್ನು ನಿರ್ಲಕ್ಷಿಸಿದ ಪೈಲಟ್ಗಳು ನಾವು ಮ್ಯಾನೇಜ್ ಮಾಡುತ್ತೇವೆ ಎಂದಿದ್ದಾರೆ. ಇದೆಲ್ಲದರ ಪರಿಣಾಮ ದುರಂತ ಸಂಭವಿಸಿದೆ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
ನಟ ಸುಶಾಂತ್ ಸಿಂಗ್ ರಜಪೂತ್ ಹಾದಿ ತುಳಿದ 16 ವರ್ಷದ ಟಿಕ್ಟಾಕ್ ನಟಿಯ ದುರಂತ ಅಂತ್ಯ..!