ನವದೆಹಲಿ: ಸೆಲೆಬ್ರಿಟಿಗಳು, ಗಣ್ಯರ ಮಕ್ಕಳು ಏನು ಮಾಡಿದರೂ ಸುದ್ದಿಯಾಗುವುದು ಸಾಮಾನ್ಯ. ಆದರೆ ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ ಅವರ ಮಗಳು ಅಂಜಲಿ ಬಿರ್ಲಾ ಬಗ್ಗೆ ಬೇರೆಯದ್ದೇ ತರದ ಸುದ್ದಿಯಾಗಿದೆ. ಆಕೆ ಯುಪಿಎಸ್ಸಿ ಪರೀಕ್ಷೆ ಬರೆಯದಿದ್ದರೂ ಅಪ್ಪನ ಹೆಸರಿನಿಂದಾಗಿ ಐಎಎಸ್ ಪಾಸ್ ಆಗಿದ್ದಾರೆ ಎನ್ನುವ ಸುದ್ದಿ ಹರಿದಾಡಿದೆ. ಅಷ್ಟಕ್ಕೂ ಇದು ನಿಜವೇ? ಅಂಜಲಿ ಪರೀಕ್ಷೆ ಬರೆದಿಲ್ಲವೇ ಎನ್ನುವುದಕ್ಕೆ ಇಲ್ಲಿದೆ ಮಾಹಿತಿ.
ಇದನ್ನೂ ಓದಿ: ನರೇಗಾ ಕೆಲಸದ ದಿನ 100ರಿಂದ 150ಕ್ಕೆ ಹೆಚ್ಚಳ; 15 ದಿನಗಳೊಳಗೆ ವರದಿ ಸಲ್ಲಿಕೆ
ಅಂಜಲಿ ಬಿರ್ಲಾ ಬಗ್ಗೆ ಹುಟ್ಟಿಕೊಂಡ ಈ ಸುದ್ದಿಯನ್ನು ಎಎಫ್ಪಿ ಸುದ್ದಿ ಮಾಧ್ಯಮ ಫ್ಯಾಕ್ಟ್ ಚೆಕ್ ಮಾಡಿದೆ. ಫ್ಯಾಕ್ಟ್ ಚೆಕ್ನಲ್ಲಿ ನಿಜಾಂಶ ಹೊರಬಿದ್ದಿದೆ. ಅಂಜಲಿ ಯುಪಿಎಸ್ಸಿಯ ಮೂರೂ ಪರೀಕ್ಷೆಗಳನ್ನು ಬರೆದಿದ್ದಾರೆ. ಆ ಪರೀಕ್ಷೆಯಲ್ಲಿ ಪಾಸ್ ಆಗಿದ್ದಾರೆ. ಮೆರಿಟ್ ಪಟ್ಟಿಯಲ್ಲಿ ಅವರ ಹೆಸರು ರೋಲ್ ನಂಬರ್ನೊಂದಿಗೆ ಕಾಣಿಸಿಕೊಂಡಿದೆ. ಯುಪಿಎಸ್ಸಿ ಅಧಿಕೃತ ವೆಬ್ಸೈಟ್ನಲ್ಲೂ ಅದು ಲಭ್ಯವಿದೆ.
ಇದನ್ನೂ ಓದಿ: ವಿಮಾನಕ್ಕೇ ಕಾಂಪಿಟೇಶನ್ ಕೊಡುತ್ತೆ ಈ ರೈಲು! ಒಂದೇ ಗಂಟೆಯಲ್ಲಿ 620 ಕಿಮೀ ಪ್ರಯಾಣ
ಅಂಜಲಿ ಅವರ ಬಗ್ಗೆ ಸುಳ್ಳು ಸುದ್ದಿಗಳು ಹರಿದಾಡುತ್ತಿದ್ದಂತೆಯೇ ಆಕೆ ಕೂಡ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಮೂರು ಪರೀಕ್ಷೆಗಳನ್ನು ಬರೆದು ಪಾಸ್ ಆಗುವುದು ಅಷ್ಟು ಸುಲಭವಲ್ಲ. ಯುಪಿಎಸ್ಸಿ ತೀರಾ ಪಾರದರ್ಶಕವಾಗಿ ಕೆಲಸ ಮಾಡುವ ಇನ್ಸ್ಟಿಟ್ಯೂಟ್. ಕನಿಷ್ಟ ಪಕ್ಷ ಅದಕ್ಕಾದರೂ ಗೌರವ ಕೊಡಿ ಎಂದು ಹೇಳಿದ್ದಾರೆ. ನಾನು ಒಮ್ಮೆ ಕೇವಲ ಎಂಟು ಅಂಕಗಳಿಂದಾಗಿ ಐಎಎಸ್ ಅಧಿಕಾರಿಯಾಗುವ ಅವಕಾಶ ತಪ್ಪಿಸಿಕೊಂಡಿದ್ದೆ. ಈ ರೀತಿಯ ಪಾರದರ್ಶಕ ಅಧಿಕಾರಗಳು ಯಾರ ರಕ್ತ ಎನ್ನುವುದರ ಮೇಲೆ ನಿರ್ಧರಿತವಾಗಿರುವುದಿಲ್ಲ ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
ಸ್ನೇಹಿತೆಯ ದೈಹಿಕ ಸಂಪರ್ಕ ಮಾಡಿದಾಗ ಕೆಲವು ಅನುಮಾನ ಶುರುವಾಗಿದೆ; ಹೇಗೆ ಬಗೆಹರಿಸಿಕೊಳ್ಳಲಿ?
ಪಂಚರ್ ಟೈಯರ್ನಲ್ಲೇ ಪತ್ನಿ ಮನೆಗೆ ಪ್ರಯಾಣ ಬೆಳೆಸಿದ ಯುವಕನಿಗೆ ಕಾದಿತ್ತು ಶಾಕ್! ಅಪಘಾತವಂತೂ ಅಲ್ಲ