ನವದೆಹಲಿ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಿಂದ (ಪಿಎನ್ಬಿ) ಸಾವಿರಾರು ಕೊಟಿ ರೂ. ಸಾಲ ಪಡೆದು ಇಂಗ್ಲೆಂಡ್ಗೆ ಹಾರಿದ್ದ ನೀರವ್ ಮೋದಿ ಕಡೆಗೂ ಭಾರತಕ್ಕೆ ಮರಳಲಿದ್ದಾರೆ.
51 ವರ್ಷದ ನೀರವ್ ಮೋದಿ 2018ರಲ್ಲಿ ಭಾರತ ಬಿಟ್ಟು ಇಂಗ್ಲೆಂಡ್ ತಲುಪಿದ್ದರು. ವಜ್ರ ವ್ಯಾಪಾರಿ ಆಗಿದ್ದ ಇವರು ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಿಂದ ಬರೊಬ್ಬರಿ ಹನ್ನೊಂದು ಸಾವಿರ ಕೋಟಿ ರೂ. ಸಾಲ ಪಡೆದಿದ್ದರು. ಸಾಲದ ಜೊತೆಗೆ ಬಡ್ಡಿಯೂ ಬೆಳೆದು ಈಗ ಹಣವನ್ನು ಪಿಎನ್ಬಿಗೆ ಪಾವತಿಸಲಾಗದ ಸ್ಥಿತಿಗೆ ತಲುಪಿದ್ದಾರೆ.
ಅವರನ್ನು ಭಾರತಕ್ಕೆ ಕರೆತರಲು ಸುಮಾರು 4 ವರ್ಷಗಳಿಂದ ಪ್ರಯತ್ನಿಸಲಾಗುತ್ತಿತ್ತು. ಅದರ ವಿರುದ್ಧವಾಗಿ ನೀರವ್ ಮೋದಿ ಇಂಗ್ಲೆಂಡ್ನ ಹೈಕೋರ್ಟ್ನಲ್ಲಿ ಮೇಲ್ಮನವಿ ಸಲ್ಲಿಸಿದ್ದರು. ನೀರವ್ ಮೋದಿ, ತಮ್ಮ ಮಾನಸಿಕ ಸ್ಥಿತಿ ಮತ್ತು ಇಂಗ್ಲೆಂಡ್ ನ್ಯಾಯ ಸಂಹಿತೆಯ ಸೆಕ್ಷನ್ 91 ರ ‘ಅನ್ಯಾಯ ಅಥವಾ ದಬ್ಬಾಳಿಕೆಯಿಂದ ಯಾರನ್ನೂ ಹೊರ ಹಾಕುವಂತಿಲ್ಲ’ ಎನ್ನುವ ಕಾರಣ ಮುಂದಿಟ್ಟುಕೊಂಡು ತಮ್ಮನ್ನು ಹಸ್ತಾಂತರಿಸುವುದು ತಪ್ಪಾಗುತ್ತದೆ ಎಂದು ಇಂಗ್ಲೆಂಡ್ ಹೈಕೋರ್ಟ್ನಲ್ಲಿ ವಾದ ಮಂಡಿಸಿದ್ದರು.
ಇದಕ್ಕೆ ಸಂಬಂಧಿಸಿದಂತೆ ಮೇಲ್ಮನವಿ ವಿಚಾರಣೆಯ ಅಧ್ಯಕ್ಷತೆ ವಹಿಸಿದ್ದ ಲಾರ್ಡ್ ಜಸ್ಟೀಸ್ ಜೆರೆಮಿ ಸ್ಟುವರ್ಟ್ ಸ್ಮಿತ್ ಮತ್ತು ನ್ಯಾಯಮೂರ್ತಿ ರಾಬರ್ಟ್ ಜೇ ನೀರವ್ ಮೋದಿಯನ್ನು ಗಡಿಪಾರು ಮಾಡುವಂತೆ ತೀರ್ಪು ನೀಡಿದ್ದಾರೆ. (ಏಜೆನ್ಸೀಸ್)