ಮುಂಬೈ: ಸಿನಿಮಾ ನಟಿಯ ಹುಟ್ಟುಹಬ್ಬವೆಂದರೆ ಸಾಕಷ್ಟು ಶುಭಾಶಯಗಳು ಹರಿದು ಬರುವುದು ಸಾಮಾನ್ಯ. ಆದರೆ, ಇಲ್ಲೊರ್ವ ನಟಿ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದು, ಬರ್ತಡೇ ಆಚರಿಸಿಕೊಂಡ ರೀತಿ ವ್ಯಾಪಕ ಟೀಕೆಗೆ ಗುರಿಯಾಗಿದೆ.
ಬಾಲಿವುಡ್ ನಟಿ ನಿಯಾ ಶರ್ಮಾ ಗುರುವಾರವಷ್ಟೇ ತಮ್ಮ 30ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ಮುಂಬೈನಲ್ಲಿರುವ ತಮ್ಮ ನಿವಾಸದಲ್ಲಿ ಕೆಲವೇ ಆಪ್ತರೊಟ್ಟಿಗೆ ಸಂಭ್ರಮಾಚರಣೆ ಮಾಡಿದರು. ಕೇಕ್ ಕತ್ತರಿಸಿದ ವಿಡಿಯೋ ಸಹ ವೈರಲ್ ಆಗಿದ್ದು, ಅನೇಕರು ಶುಭಾಶಯಗಳನ್ನು ತಿಳಿಸಿದ್ದಾರೆ. ಆದರೆ, ಅದೇ ವಿಡಿಯೋ ಅಭಿಮಾನಿಗಳ ಮುಜುಗರಕ್ಕೂ ಕಾರಣವಾಗಿದ್ದು, ನಟಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಸೆಪ್ಟೆಂಬರ್ 17ರ ರಾತ್ರಿ ನಿಯಾ, 18 ಕೇಕ್ ಕತ್ತರಿಸಿ ಬರ್ತಡೇ ಆಚರಿಸಿಕೊಂಡರ. ಅದರಲ್ಲಿ ಒಂದು ಕೇಕ್ ಪುರುಷರ ಮರ್ಮಾಂಗದ ಮಾದರಿಯಲ್ಲಿತ್ತು. ಇದಕ್ಕೆ ಸಂಬಂಧಸಿದ ವಿಡಿಯೋವನ್ನು ಸಹ ನಿಯಾ ಪೋಸ್ಟ್ ಮಾಡಿಕೊಂಡಿದ್ದಾರೆ. ಕೇಕ್ ಕತ್ತರಿಸುವಾಗ ಮುಜುಗರ ಅನುಭವಿಸಿದ ದೃಶ್ಯವು ವಿಡಿಯೋದಲ್ಲಿದೆ. ಇದೀಗ ಇದೇ ವಿಡಿಯೋ ಅಭಿಮಾನಿಗಳನ್ನು ಮುಜುಗರಕ್ಕೀಡುಮಾಡಿದ್ದು ನಟಿಯ ವಿರುದ್ಧ ಅಸಮಾಧಾನ ಹೊರಹಾಕಿದ್ದಾರೆ.
ನೀವು ಬರ್ತಡೇ ಆಚರಿಸಿಕೊಂಡಿರುವುದೇನೋ ಸರಿ. ಆದರೆ, ಇಂತಹ ವಿಡಿಯೋ ಮತ್ತು ಫೋಟೋಗಳನ್ನು ಜಾಲತಾಣಗಳಲ್ಲಿ ಪೋಸ್ಟ್ ಮಾಡಬಾರದಿತ್ತು ಎಂದು ಅನೇಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ವಿಡಿಯೋ ಪೋಸ್ಟ್ ಮಾಡಿರುವ ನಿಯಾ ಇದು ನನ್ನ 30ನೇ ವರ್ಷದ ಡರ್ಟಿ (ಕೊಳಕು) ಬರ್ತಡೇ ಎಂದು ಅಡಿಬರಹ ಬರೆದುಕೊಂಡಿದ್ದಾರೆ. ನಿಜಕ್ಕೂ ಬೇಸರದ ಸಂಗತಿಯಾಗಿದೆ. ನೀವು ಈ ರೀತಿಯ ಅಶ್ಲೀಲ ಕೇಕ್ ಚಿತ್ರಗಳನ್ನು ಪೋಸ್ಟ್ ಮಾಡಬಾರದಿತ್ತು ಎಂದು ನೆಟ್ಟಿಗರೊಬ್ಬರು ಕಿಡಿಕಾರಿದ್ದಾರೆ.
ಟ್ರೋಲ್ ಆಗುತ್ತಿದ್ದಂತೆ ಇತ್ತ ಎಚ್ಚರವಹಿಸಿರುವ ನಿಯಾ, ವಿಲಕ್ಷಣ ಅಥವಾ ಯಾವುದೇ ಇರಲಿ. ಅದನ್ನು ಅಲ್ಲಿಯೇ ಬಿಟ್ಟು ಶಾಂತವಾಗಿ ಮುನ್ನಡೆಯುತ್ತಿರಿ ಎಂದು ಇನ್ಸ್ಟಾಗ್ರಾಂನಲ್ಲಿ ವಿಡಿಯೋ ಜತೆಗೆ ಪೋಸ್ಟ್ ಮಾಡಿಕೊಂಡಿದ್ದಾರೆ. (ಏಜೆನ್ಸೀಸ್)