ನವದೆಹಲಿ: ಗ್ರಂಥಾಲಯವು ಜ್ಞಾನದ ದೇವಾಲಯ. ಪುಸ್ತಕಗಳನ್ನು ಓದುವ ಆಸಕ್ತಿ ಇರುವ ಪ್ರತಿಯೊಬ್ಬರಿಗೂ ಇಲ್ಲಿ ಬಹುತೇಕ ಎಲ್ಲಾ ರೀತಿಯ ಪುಸ್ತಕಗಳು ಲಭ್ಯವಿರುತ್ತವೆ. ಕೆಲವರು ಲೈಬ್ರರಿಯಿಂದ ಓದಲು ಪುಸ್ತಕಗಳನ್ನು ಮನೆಗೆ ತೆಗೆದುಕೊಂಡು ಹೋಗುತ್ತಾರೆ. ಓದು ಮುಗಿಸಿದ ತಕ್ಷಣ ಹಿಂದಿರುಗಿಸಿದರೆ, ಇನ್ನು ಕೆಲವರು ಮರೆಯುತ್ತಾರೆ. ಅಂತಹ ಒಂದು ಘಟನೆ ಇದೀಗ ಸುದ್ದಿಯಾಗಿದೆ.
ಅಮೆರಿಕದ ಜಿಮ್ಮಿ ನ್ಯೂಯಾರ್ಕ್‌ನ ನಿವಾಸಿಯಾಗಿದ್ದಾರೆ. ಇವರಿಗೆ ಪುಸ್ತಕ ಓದುವ ಹವ್ಯಾಸ ಇರುತ್ತದೆ. ಹೀಗಾಗಿ 1933 ರಲ್ಲಿ ಗ್ರಂಥಾಲಯದಿಂದ ಪುಸ್ತಕವನ್ನು ಮನೆಗೆ ತೆಗೆದುಕೊಂಡು ಹೋಗಿದ್ದರು. ಈ ಪುಸ್ತಕ ಹಲವು ವರ್ಷಗಳಿಂದ ಅವರ ಮನೆಯಲ್ಲಿತ್ತು. ಈ ಪುಸ್ತಕವನ್ನು ಹಿಂತಿರುಗಿಸಲು ಮರೆತಿದ್ದಾರೆ. ಜಿಮ್ಮಿ 1978 ರಲ್ಲಿ ನಿಧನರಾದರು. ಜಿಮ್ಮಿಯ ಮರಣದ ನಂತರವೂ, ಅವರ ಮಗಳು ಜೋನಿ ಮೋರ್ಗನ್ ಅದನ್ನು ಗಮನಿಸುವವರೆಗೂ ಪುಸ್ತಕವು ವರ್ಷಗಳ ಕಾಲ ಮನೆಯಲ್ಲಿಯೇ ಇತ್ತು.
ಒಂದು ದಿನ ಜಿಮ್ಮಿಯ ಮಗಳು ಜಾನಿಯ ಮನೆಯನ್ನು ಸ್ವಚ್ಛಗೊಳಿಸುತ್ತಿದ್ದಾಗ ಪುಸ್ತಕವನ್ನು ನೋಡಿದಳು. ಅದೇನು ಎಂದು ನೋಡುವ ಕುತೂಹಲದಿಂದ ಪುಸ್ತಕದ ಮೇಲಿದ್ದ ಲಾರ್ಚ್ಮಾಂಟ್ ಪಬ್ಲಿಕ್ ಲೈಬ್ರರಿ ಎಂಬ ಟ್ಯಾಗ್ ಗಮನಿಸಿದ್ದಾಳೆ. ಈ ಪುಸ್ತಕವು ತುಂಬಾ ಹಳೆಯದು ಎಂದು ಸಹ ಕಂಡುಬಂದಿದೆ. ಹಾಗಾಗಿ ಪುಸ್ತಕವನ್ನು ಗ್ರಂಥಾಲಯಕ್ಕೆ ಹಿಂತಿರುಗಿಸಲು ಜಾನಿ ನಿರ್ಧರಿಸಿದಳು.
ಲೈಬ್ರರಿಯನ್ ಕ್ಯಾರೊಲಿನ್ ಕನ್ನಿಂಗ್‌ಹ್ಯಾಮ್ ಮಾತನಾಡಿ, ಜಾನಿ ಮೋರ್ಗಾನ್ ಕರೆ ಮಾಡಿ ಗ್ರಂಥಾಲಯಕ್ಕೆ ಸಂಬಧ ಪಟ್ಟ ಹಳೆಯ ಪುಸ್ತಕ ಮನೆಯಲ್ಲಿದೆ ಎಂದು ಹೇಳಿದರು. ಸುಮಾರು 90 ವರ್ಷಗಳ ಹಿಂದೆ ಆಕೆಯ ತಂದೆ ತೆಗೆದುಕೊಂಡ ಪುಸ್ತಕ ಇದಾಗಿತ್ತು. ಈ ಪುಸ್ತಕವನ್ನು ತಡವಾಗಿ ಹಿಂದಿರುಗಿಸಿದ್ದಕ್ಕಾಗಿ, ಗ್ರಂಥಾಲಯವು ಜಾನಿಗೆ 5 ಡಾಲರ್‌ಗಳನ್ನು ವಿಧಿಸಿತು, ಅಂದರೆ ಸುಮಾರು ರೂ. 417 ದಂಡ ವಿಧಿಸಲಾಗಿದೆ. ಜಿಮ್ಮಿ ತನ್ನ ಮಲತಂದೆ ಮತ್ತು ಅವನೇ ಪುಸ್ತಕವನ್ನು ತೆಗೆದುಕೊಂಡಿದ್ದಾನೆ ಎಂದು ಜಾನಿ ಹೇಳುತ್ತಾರೆ. ಜಿಮ್ಮಿ ತನ್ನ ಮೊದಲ ಹೆಂಡತಿ ಮತ್ತು ಇಬ್ಬರು ಮಕ್ಕಳೊಂದಿಗೆ ಲಾರ್ಚ್ಮಾಂಟ್ ಲೈಬ್ರರಿ ಬಳಿ ವಾಸಿಸುತ್ತಿದ್ದರು ಎನ್ನಲಾಗಿದೆ.