ದುಬೈ: ಕರೊನಾ ಸೋಂಕಿನ ಭೀತಿಯಿಂದಾಗಿ ಕ್ರಿಕೆಟಿಗರು ಚೆಂಡನ್ನು ಪಾಲಿಶ್ ಮಾಡಲು ಎಂಜಲು ಹಚ್ಚಬಾರದು ಎಂಬ ನಿಯಮವನ್ನು ಜಾರಿಗೆ ತಂದಿರುವ ಐಸಿಸಿ, ಅಂಪೈರ್ಗಳ ಎಚ್ಚರಿಕೆಯ ಹೊರತಾಗಿಯೂ ಈ ರೀತಿ ಮಾಡುವುದನ್ನು ಮುಂದುವರಿಸಿದರೆ ಆ ತಂಡಕ್ಕೆ 5 ರನ್ ದಂಡ ವಿಧಿಸುವುದಾಗಿ ತಿಳಿಸಿದೆ. ಕರೊನಾ ಲಕ್ಷಣ ಕಂಡ ಆಟಗಾರನ ಬದಲಿಗೆ ಅವನಂಥದ್ದೇ ಕೌಶಲದ
ಆಟಗಾರನನ್ನು ನೀಡುವ ನಿಯಮದ ಜತೆಗೆ ಐಸಿಸಿ, ಚೆಂಡಿಗೆ ಎಂಜಲು ಹಚ್ಚುವುದನ್ನು ನಿಷೇಧಿಸಿದೆ. ಇದರ ಹೊರತಾಗಿಯೂ ಆಟಗಾರರು ಎಂಜಲು ಹಚ್ಚುವುದನ್ನು ಮುಂದುವರಿಸಿದರೆ, ಪ್ರತಿ ಇನಿಂಗ್ಸ್ಗೆ ಮೊದಲೆರಡು ಬಾರಿ ಅಂಪೈರ್ ಆ ತಂಡಕ್ಕೆ ಎಚ್ಚರಿಕೆ ನೀಡಲಿದ್ದಾರೆ. 3ನೇ ಬಾರಿ ಬ್ಯಾಟಿಂಗ್ ತಂಡದ ಖಾತೆಗೆ 5 ರನ್ ಹೆಚ್ಚುವರಿಯಾಗಿ ಸೇರಿಸಲಿದ್ದಾರೆ. ಇದಲ್ಲದೆ ಎಂಜಲು ಹಚ್ಚಲಾಗಿರುವ ಚೆಂಡನ್ನು ಅಂಪೈರ್ ಸಂಪೂರ್ಣವಾಗಿ ಸ್ವಚ್ಛಗೊಳಿಸಿದ ನಂತರವೇ ಮತ್ತೆ ಆಟ ಮುಂದುವರಿಯಲಿದೆ ಎಂದು ಐಸಿಸಿ ತಿಳಿಸಿದೆ.
ನಷ್ಟ ನೀಗಿಸಲು ಹೆಚ್ಚುವರಿ ಲಾಂಛನಕ್ಕೆ ಅವಕಾಶ: ಕರೊನಾ ಹಾವಳಿ ನಡುವೆ ಆರ್ಥಿಕ ಮುಗ್ಗಟ್ಟಿನಲ್ಲಿರುವ ಕ್ರಿಕೆಟ್ ಮಂಡಳಿಗಳಿಗೆ ವಾಣಿಜ್ಯ ಲಾಭ ಮಾಡಿಕೊಳ್ಳಲು ಅವಕಾಶ ಮಾಡಿಕೊಡುವ ಸಲುವಾಗಿ ಐಸಿಸಿ, ರಾಷ್ಟ್ರೀಯ ತಂಡಗಳ ಜೆರ್ಸಿಯಲ್ಲಿ 32 ಇಂಚಿನ ಹೆಚ್ಚುವರಿ ಲಾಂಛನವನ್ನು ಬಳಸಲು ಅನುಮತಿ ನೀಡಿದೆ. ಮುಂದಿನ 12 ತಿಂಗಳು ಈ ಅವಕಾಶ ನೀಡಲಾಗುವುದು ಎಂದು ಐಸಿಸಿ ತಿಳಿಸಿದೆ. ಅಲ್ಲದೆ ಲಾಂಛನದ ಅಳತೆ 32 ಇಂಚಿಗಿಂತ ಹೆಚ್ಚಿರಬಾರದು, ಟೆಸ್ಟ್ ಪಂದ್ಯದ ವೇಳೆ ಆಟಗಾರರ ಜೆರ್ಸಿಯ ಎದೆ ಭಾಗದಲ್ಲಿರಬೇಕು ಎಂದು ಐಸಿಸಿ ತಿಳಿಸಿದೆ. -ಪಿಟಿಐ/ಏಜೆನ್ಸೀಸ್
ಇಶಾಂತ್ ಶರ್ಮಗೆ ಸಂಕಷ್ಟ ತಂದ 6 ವರ್ಷ ಹಿಂದಿನ ಇನ್‌ಸ್ಟಾಗ್ರಾಂ ಪೋಸ್ಟ್!