ನವದೆಹಲಿ: ಭಾರತ ಮತ್ತು ಇಸ್ರೇಲ್ ಜಂಟಿಯಾಗಿ ಹೈಟೆಕ್ ಶಸ್ತ್ರಾಸ್ತ್ರ ಉತ್ಪಾದನೆ ಮಾಡಲು ನಿರ್ಧರಿಸಿವೆ. ಈ ನಿಟ್ಟಿನಲ್ಲಿ ಉಭಯ ದೇಶಗಳ ರಕ್ಷಣಾ ಸಚಿವಾಲಯಗಳು ಸಬ್ ರ್ವಂಗ್ ಗ್ರೂಪ್
(ಎಸ್ಡಬ್ಲ್ಯುಜಿ) ರಚಿಸಿವೆ. ತಂತ್ರಜ್ಞಾನ, ಅಭಿವೃದ್ಧಿ ಮತ್ತು ಉತ್ಪಾದನೆ, ತಂತ್ರಜ್ಞಾನ ಭದ್ರತೆ, ಕೃತಕ ಬುದ್ಧಿಮತ್ತೆ, ನಾವೀನ್ಯತೆ ಮತ್ತು ಜಂಟಿ ರಫ್ತು ಸೇರಿ ಹಲವು ಅಂಶಗಳನ್ನು ಎಸ್ಡಬ್ಲ್ಯುಜಿ ನಿರ್ವಹಿಸಲಿದೆ. ಭಾರತದ ರಕ್ಷಣಾ ಸಚಿವಾಲಯದ ಜಂಟಿ ಕಾರ್ಯದರ್ಶಿ (ರಕ್ಷಣಾ ಕೈಗಾರಿಕೆಗಳ ಉತ್ಪಾದನೆ) ಸಂಜಯ್ ಜಾಜು ಮತ್ತು ಇಸ್ರೇಲ್ನ ಇಯಾಲ್ ಕ್ಯಾಲಿಫ್ ಇದರ ನೇತೃತ್ವ ವಹಿಸಲಿದ್ದಾರೆ.
ಕ್ಷಿಪಣಿಗಳು, ಸಂವೇದಕಗಳು, ಸೈಬರ್-ಭದ್ರತೆ ಮತ್ತು ವಿವಿಧ ರಕ್ಷಣಾ ವ್ಯವಸ್ಥೆಗಳಲ್ಲಿ ಇಸ್ರೇಲ್ ವಿಶ್ವ ಮಟ್ಟದಲ್ಲಿ ಗುರುತಿಸಿಕೊಂಡಿದೆ. ಸದ್ಯ ಭಾರತದಲ್ಲೂ ರಕ್ಷಣಾ ಉದ್ಯಮ ಬಲಗೊಳ್ಳುತ್ತಿರುವುದರಿಂದ ಈಗ ಉಭಯ ದೇಶಗಳು ಜಂಟಿ ಮಿಲಿಟರಿ ಉತ್ಪಾದನೆಗೆ ಮುಂದಾಗಿವೆ. ಇಸ್ರೇಲ್ ಕಂಪೆನಿಗಳಾದ ಐಎಐ, ರಾಫೆಲ್ ಅಡ್ವಾನ್ಸ್್ಡ
ಡಿಫೆನ್ಸ್ ಸಿಸ್ಟಮ್ಸ್, ಎಲ್ಬಿಟ್ ಆಂಡ್ ಎಲ್ಟಾ ಸಿಸ್ಟಮ್ಸ್ ಭಾರತೀಯ ಕಂಪನಿಗಳೊಂದಿಗೆ 7 ಜಂಟಿ ಯೋಜನೆಗಳನ್ನು ನಡೆಸುತ್ತಿವೆ. 1999ರಲ್ಲಿ ನಡೆದ ಕಾರ್ಗಿಲ್ ಸಂಘರ್ಷದ ವೇಳೆ ಭಾರತಕ್ಕೆ ಇಸ್ರೇಲ್ ತುರ್ತಾಗಿ ಶಸ್ತ್ರಾಸ್ತ್ರಗಳನ್ನು ರವಾನಿಸಿ ನೆರವು ನೀಡಿತ್ತು.
ಭಾರತ- ಜಪಾನ್ 5ಜಿ ಜಂಟಿ ಅಭಿವೃದ್ಧಿ
ಅಮೆರಿಕ, ಆಸ್ಟ್ರೇಲಿಯಾ ಹಾಗೂ ಇಸ್ರೇಲ್ ಸೇರಿ ಕ್ವಾಡ್ನ ಇತರ ಸದಸ್ಯ ರಾಷ್ಟ್ರಗಳ ಸಹಾಯದಿಂದ 5ಜಿ ಮತ್ತು 5ಜಿ ಪ್ಲಸ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲು ಭಾರತ ಮತ್ತು ಜಪಾನ್ ನಿರ್ಧರಿಸಿವೆ. ಜಪಾನ್ನಲ್ಲಿ ಮುಂದಿನ ತಿಂಗಳು ನಡೆಯುವ ಕ್ವಾಡ್ ಸಭೆಯಲ್ಲಿ ಸದಸ್ಯ ರಾಷ್ಟ್ರಗಳ ವಿದೇಶಾಂಗ ಸಚಿವರ ಜತೆ ಮುಂದಿನ ತಲೆಮಾರಿನ ದೂರ ಸಂಪರ್ಕ ತಂತ್ರಜ್ಞಾನ ಅಭಿವೃದ್ಧಿ ಬಗ್ಗೆ ರ್ಚಚಿಸಲಾಗುತ್ತದೆ ಎಂದು ತಿಳಿದುಬಂದಿದೆ.
ಕ್ಷಿಪಣಿ ವ್ಯವಸ್ಥೆ: ಮುಂದಿನ ತಲೆಮಾರಿನ ಬರಾಕ್-8 ಕ್ಷಿಪಣಿ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲು ಡಿಆರ್ಡಿಒ ಹಾಗೂ ಇಸ್ರೇಲ್ ಏರೋಸ್ಪೇಸ್ ಇಂಡಸ್ಟ್ರೀಸ್ (ಐಎಐ) 30 ಸಾವಿರ ಕೋಟಿ ರೂ. ಮೌಲ್ಯದ 3 ಯೋಜನೆಗಳಲ್ಲಿ ಕೆಲಸ ಮಾಡುತ್ತಿವೆ. ನೌಕಾಪಡೆಗಾಗಿ 2,606 ಕೋಟಿ ರೂ., ವಾಯುಪಡೆಗಾಗಿ 10,076 ಕೋಟಿ ರೂ. ಹಾಗೂ ಸೇನೆಗಾಗಿ 16,830 ಕೋಟಿ ರೂ. ವೆಚ್ಚದಲ್ಲಿ ಬರಾಕ್- ಕ್ಷಿಪಣಿ ವ್ಯವಸ್ಥೆ ಅಭಿವೃದ್ಧಿಪಡಿಸಲಾಗುತ್ತಿದೆ.
ಡ್ರೋನ್ಗಳು: ಇಸ್ರೇಲ್ನ ಹೆರೊನ್ ಆಂಡ್ ಸರ್ಚರ್ ಸೆಕೆಂಡ್ ಸರ್ವೀಲಿಯನ್ಸ್ನಿಂದ ಈಗಾಗಲೇ 100 ಡ್ರೋನ್ಗಳನ್ನು ಸೇನೆಗೆ ಖರೀದಿಸಲಾಗಿದೆ. ಮಿಸೈಲ್ಗಳ ಜತೆ ಡ್ರೋನ್ಗಳನ್ನು ಜೋಡಿಸುವ 3,500 ಕೋಟಿ ರೂ. ಮೊತ್ತದ ಚೀತಾ ಪ್ರಾಜೆಕ್ಟ್ ಜಾರಿಯಲ್ಲಿದೆ.
ರೆಡಾರ್ಗಳು: ಇಸ್ರೇಲ್ನ ಏರೋಸ್ಟಾಟ್ನಿಂದ ರೆಡಾರ್ಗಳನ್ನು ಭಾರತ ಅಳವಡಿಸಿಕೊಂಡಿದೆ. ಈಗ 4,577 ಕೋಟಿ ರೂ. ವೆಚ್ಚದಲ್ಲಿ 66 ಏರ್ ಡಿಫೆನ್ಸ್ ಫೈರ್ ಕಂಟ್ರೋಲ್ ರೆಡಾರ್ಗಳನ್ನು ಖರೀದಿಸಲಾಗುತ್ತಿದೆ.
ಎಡಬ್ಲ್ಯುಎಸಿಎಸ್: 2 ಫಾಲ್ಕನ್ ಏರ್ಬ್ರೋನ್ ವಾರ್ನಿಂಗ್ ಆಂಡ್ ಕಂಟ್ರೋಲ್ ಸಿಸ್ಟಮ್ (ಎಡಬ್ಲ್ಯುಎಸಿಎಸ್) ಅನ್ನು 1.5 ಬಿಲಿಯನ್ ಡಾಲರ್ಗೆ ಖರೀದಿಸುವ ಪ್ರಕ್ರಿಯೆ ಜಾರಿಯಲ್ಲಿದೆ. ಇದಕ್ಕೂ ಮೊದಲು 1.1 ಬಿಲಿಯನ್ ಡಾಲರ್ ಮೊತ್ತದಲ್ಲಿ ಐಎಲ್-76 ವಿಮಾನಗಳ 3 ಎಡಬ್ಲ್ಯುಎಸಿಎಸ್ ಖರೀದಿಸಲಾಗಿತ್ತು.
ಮಿಸೈಲ್ಗಳು, ಬಾಂಬ್: ಸ್ಪೈಡರ್ ಕ್ವಿಕ್ ರಿಯಾಕ್ಷನ್ ಆಂಟಿ ಏರ್ಕ್ರಾಫ್ಟ್ ಮಿಸೈಲ್, ಪೈಥಾನ್ ಆಂಡ್ ಡೆರ್ಬೆ ಏರ್ ಟು ಏರ್ ಮಿಸೈಲ್ ಸೇರಿ ಹಲವು ಮಿಸೈಲ್ಗಳು ಹಾಗೂ ಸ್ಪೈಸ್ 2000 ಬಾಂಬ್ಗಳನ್ನು ಇಸ್ರೇಲ್ನಿಂದ ಖರೀದಿಸಲಾಗಿದೆ.
ಲ್ಯಾಂಡಿಂಗ್ ವೇಳೆ ಸೇನಾ ವಿಮಾನ ಪತನ: 22 ವಿದ್ಯಾರ್ಥಿಗಳು ಸಜೀವ ದಹನ, ನಾಲ್ವರು ಕಣ್ಮರೆ