ಕೊಹಿಮಾ: ಕಣಿವೆಗಳ ಮೇಲೆ ಹರಿಯುತ್ತಿರುವ ಈ ದೃಶ್ಯ ಸುಂದರವಾಗಿಲ್ಲವೇ..? ಎಂದು ಪ್ರಶ್ನಿಸುವ ಮೂಲಕ ನಾಗಾಲ್ಯಾಂಡ್ ಬುಡಕಟ್ಟು ಸಚಿವ ತೆಮ್ಜೆನ್ ಇಮ್ನಾ ಅವರು ತಮ್ಮ ಟ್ವೀಟ್ ಖಾತೆಯಲ್ಲಿ ವಿಡಿಯೋ ಸಮೇತ ಹಂಚಿಕೊಂಡಿದ್ದಾರೆ.
ಪ್ರಕೃತಿ ಹಲವಾರು ವೈಶಿಷ್ಟ್ಯತೆಗಳನ್ನು ತನ್ನಲ್ಲಿ ಹುದುಗಿಸಿಕೊಂಡಿದ್ದು, ಹಲವು ಅಚ್ಚರಿಗಳ ಘಟನೆಗೆ ಸಾಕ್ಷಿಯಾಗಿದೆ. ಭೂಮಿಯಲ್ಲಿ ವಿಶೇಷ ಹಾಗೂ ಸುಂದರ ಸ್ಥಳಗಳು ಮನುಷ್ಯನನ್ನು ಮಂತ್ರಮುಗ್ದಗೊಳಿಸುತ್ತಿರುತ್ತವೆ.ಅಂತಹ ವಿಶೇಷ ಹಾಗೂ ವಿಸ್ಮಯ ದೃಶ್ಯವನ್ನು ಹಂಚಿಕೊಳ್ಳುವ ಮೂಲಕ ಸಚಿವ ತೆಮ್ಜೆನ್, ಈ ಸುಂದರ ದೃಶ್ಯವನ್ನು ನೀವೊಮ್ಮೆ ನೋಡಿ ಕಣ್ತುಂಬಿಕೊಳ್ಳಿ ಎಂದಿದ್ದಾರೆ.
Clouds floating down the valleys,
Isn't it beautiful?
Guess the location 🤔
Thank you to Paolenthang Tuboi for capturing this mesmerizing video! pic.twitter.com/AFFwS2e5YS
— Temjen Imna Along (@AlongImna) July 25, 2022
ಅಂದಹಾಗೆ ದೃಶ್ಯದಲ್ಲಿ ಏನಿದೆ ಎಂಬುದಾದರೆ ಅದೊಂದು ಸುಂದರವಾದ ಕಣಿವೆಗಳ ಪ್ರದೇಶವಾಗಿದ್ದು, ಕಣಿವೆಗಳ ಮೇಲೆ ಸಾವಿರಾರು ಮನೆಗಳಿವೆ. ಮನೆಗಳ ಮೇಲೆಯೇ ಮೋಡಗಳು ಹರಿಯುವಂತೆ ತೇಲುತ್ತಿವೆ. ಈ ಸುಂದರ ಹಾಗೂ ಅದ್ಭುತ ಕ್ಷಣವನ್ನು ಸಚಿವರು ಸೆರೆ ಹಿಡಿದು ತಮ್ಮ ಟ್ವಿಟ್ಟರ್ನಲ್ಲಿ ಹಂಚಿಕೊಂಡಿದ್ದಾರೆ.
ಸಚಿವರು ಹಂಚಿಕೊಂಡಿರುವ ಈ ವಿಡಿಯೋ ಭಾರೀ ವೈರಲ್ ಆಗುತ್ತಿದ್ದು, ಈ ಸುಂದರ ತಾಣಕ್ಕೆ ನಾವೊಮ್ಮೆ ಭೇಟಿ ನೀಡಬೇಕು ಎಂದು ಕೆಲವರು ಅಭಿಪ್ರಾಯಹಂಚಿಕೊಂಡಿದ್ದಾರೆ. (ಏಜೆನ್ಸೀಸ್)
ಲಾಕ್ಡೌನ್ ವೇಳೆ ತಾನೇ ತಯಾರಿಸಿದ ವಿಮಾನದಲ್ಲಿ ಕುಟುಂಬ ಸಮೇತ ಯೂರೋಪ್ ಸುತ್ತಿಬಂದ ಇಂಜಿನಿಯರ್!