ನವದೆಹಲಿ: ದೀಪಿಕಾ ಪಡುಕೋಣೆ ಮತ್ತು ರಣವೀರ್ ಸಿಂಗ್ ಸಾಮಾಜಿಕ ಜಾಲತಾಣಗಳ ಬಳಕೆಯಲ್ಲಿ ಹಿಂದೆ ಬಿದ್ದಿಲ್ಲ. ಸಾಮಾಜಿಕ ಜಾಲತಾಣಗಳ ಮೂಲಕ ಅಭಿಮಾನಿಗಳಿಗೆ ಆಶ್ಚರ್ಯಭರಿತ ಸುದ್ದಿಗಳನ್ನು ನೀಡುತ್ತಿರುತ್ತಾರೆ.
ಈಗ ಮತ್ತೆ ಅಂತಹ ಸುದ್ದಿ ಇದೆ, ನೋಡಿ. ರಣವೀರ್ ಸಿಂಗ್ ನಟನೆಯ ಕಬೀರ್ ಖಾನ್ ನಿರ್ದೇಶನದ 83 ಸಿನಿಮಾ ಪ್ರಚಾರಕಾರ್ಯದಲ್ಲಿ ತೊಡಗಿದ್ದಾರೆ. ಇದೇ ಕೆಲಸಕ್ಕೆ ಚೆನ್ನೈಗೆ ತೆರಳಿದ್ದಾರೆ.
ಹೀಗೆ ಚೆನ್ನೈಗೆ ತೆರಳಿದ ಪತಿ ರಣವೀರ್ ಹಂಚಿಕೊಂಡ ಫೋಟೋಗೆ ಕಮೆಂಟ್ ಮಾಡಿರುವ ದೀಪಿಕಾ, ಚೆನ್ನೈನಿಂದ ಮರಳುವಾಗ ಮೈಸೂರು ಪಾಕ್ ಮತ್ತು ಆಲೂ ಚಿಪ್ಸ್ ಮರೆಯದೇ ತರಬೇಕು ಎಂದು ತಾಕೀತು ಮಾಡಿದ್ದಾರೆ.
ನಟ ರಣವೀರ್ ಸಿಂಗ್ ಶನಿವಾರ ತಮ್ಮ ನಟನೆಯ 83 ಸಿನಿಮಾ ಪೋಸ್ಟರ್ನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಸಹ ನಟರ ಜತೆ ರಣವೀರ್ ಪೋಸ್ ಕೊಟ್ಟಿದ್ದು, ಕಪಿಲ್ ಟೀಮ್ಗೆ ಲಗ್ಗೆ ಹಾಕಲಿದೆ ಎಂದು ಬರೆದುಕೊಂಡಿದ್ದಾರೆ.
ಇದಕ್ಕೆ ಪತ್ನಿ, ನಟಿ ದಿಪಿಕಾ ಪ್ರತಿಕ್ರಿಯಿಸಿದ್ದು, ಶ್ರೀಕೃಷ್ಣ ಅಂಗಡಿಯಿಂದ 1 ಕೆ.ಜಿ. ಮೈಸೂರು ಪಾಕ್ ಮತ್ತು ಎರಡೂವರೆ ಕೆಜಿ ಆಲೂ ಚಿಪ್ಸ್ ತರಬೇಕು ಎಂದು ಕಮೆಂಟ್ ಮಾಡಿದ್ದಾರೆ.
ಹಾಗೆಯೇ 83 ನಿದೇರ್ಶಕ ಕಬೀರ್ ಪತ್ನಿಗೂ ಈ ವಿಷಯ ತಿಳಿಸಿ, ನಿಮ್ಮ ಮನೆಯವರಿಗೂ ತರಲು ತಿಳಿಸು ಎಂದಿರುವ ದೀಪಿಕಾ, ಕಬೀರ್ ಖಾನ್ ನೀವು ಈ ಆರ್ಡರ್ನ್ನು ರಿಪೀಟ್ ಮಾಡಿ ಎಂದಿದ್ದಾರೆ.
ಕಪಿಲ್ದೇವ್ ನಾಯಕತ್ವದಲ್ಲಿ 1983ರಲ್ಲಿ ಭಾರತ ಗೆದ್ದ ವಿಶ್ವಕಪ್ ಕ್ರಿಕೆಟ್ ಕತೆ ಇದೆ. ಈ ಬಗ್ಗೆ ತರಬೇತಿ ಪಡೆಯಲು ನಟ ರಣವೀರ್ ಸಿಂಗ್ ಖುದ್ದು ಕಪಿಲ್ದೇವ್ ಮನೆಗೆ ತೆರಳಿದ್ದರು. (ಏಜೆನ್ಸೀಸ್)