ಮುದಗಲ್: ಬೀದಿ ಬದಿ ವ್ಯಾಪಾರಿಗಳು ಸರ್ಕಾರದ ವಿವಿಧ ಯೋಜನೆಯಡಿಯಲ್ಲಿ ದೊರೆಯುವ ಸಾಲ ಸೌಲಭ್ಯ ಪಡೆದುಕೊಂಡು ಮರುಪಾವತಿಯೊಂದಿಗೆ ಅಭಿವೃದ್ಧಿ ಹೊಂದಬೇಕು ಎಂದು ಪುರಸಭೆ ಮುಖ್ಯಾಧಿಕಾರಿ ಎಂ.ನಬಿ ಕಂದಗಲ್ ಹೇಳಿದರು.
ಸ್ಥಳಿಯ ಪುರಸಭೆ ಕಚೇರಿಯಲ್ಲಿ ಡೇ -ನಲ್ಮ್ ಯೋಜನೆಯಡಿ ಪ್ರಧಾನ ಮಂತ್ರಿ ಬೀದಿ ಬದಿ ವ್ಯಾಪಾರಿಗಳ ಸಾಮಾಜಿಕ ಹಾಗೂ ಆರ್ಥಿಕ ಸಮೀಕ್ಷೆಯಡಿ ಸಮೃದ್ಧಿ ಮೇಳ ಹಾಗೂ ಮೈ ಭೀಮ್ ಡಿಜಿಟಲ್ ಅಭಿಯಾನಕ್ಕೆ ಮಂಗಳವಾರ ಚಾಲನೆ ನೀಡಿ ಮಾತನಾಡಿದರು. ಬ್ಯಾಂಕ್ ಖಾತೆಯೊಂದಿಗೆ ನಗದು ರಹಿತವಾಗಿ ವ್ಯಾಪಾರ ಮಾಡಿದಾಗ ಅನುಕೂಲವಾಗಲಿದೆ. ಈ ನಿಟ್ಟಿನಲ್ಲಿ ಸರ್ಕಾರ ಡಿಜಿಟಲ್ ಅಭಿಯಾನ ಮೂಲಕ ಜಾಗೃತಿ ಮೂಡಿಸಲಾಗುತ್ತಿದೆ ಎಂದರು.
ನಗದು ರಹಿತ ವಹಿವಾಟು ಮಾಡಿ
ಮುದಗಲ್‌ನಲ್ಲಿ ಬೀದಿ ಬದಿ ವ್ಯಾಪಾರಿಗಳಿಗೆ ಯುಪಿಐ ಸ್ಕಾೃನರ್‌ಗಳನ್ನು ವಿತರಿಸಲಾಯಿತು. ಮುಖ್ಯಾಧಿಕಾರಿ ಎಂ.ನಬಿ ಕಂದಗಲ್ ಎಸ್‌ಜೆಆರ್ ವೈ ಸಮೂಹ ಸಂಯೋಜನಾಧಿಕಾರಿ ಚನ್ನಮ್ಮ ದಳವಾಯಿಮಠ, ಪ್ರಮುಖರಾದ ರೇಣುಕಾ, ದೀಪಾ, ಪುರಸಭೆ ಸಿಬ್ಬಂದಿ ಆರೀಫ್ ಬೇಗಂ ಇನ್ನಿತರರಿದ್ದರು.