ಬೀಜಿಂಗ್: ನೇಪಾಳಕ್ಕೆ ಅಂಟಿಕೊಂಡಿರುವ ಹಿಮಾಲಯದ ತಪ್ಪಲಿನಲ್ಲಿ 2015ರ ಏಪ್ರಿಲ್ನಲ್ಲಿ ಸಂಭವಿಸಿದ್ದ 7.8 ತೀವ್ರತೆಯ ಪ್ರಬಲ ಭೂಕಂಪಕ್ಕೂ ವಿಶ್ವದ ಅತಿ ಎತ್ತರದ ಹಿಮಪರ್ವತ ಮೌಂಟ್ ಎವರೆಸ್ಟ್ ಜಗ್ಗಿಲ್ಲ. ಗೂಖ್ರಾ ಭೂಕಂಪ ಎಂದೂ ಕರೆಯಲ್ಪಡುವ ಈ ಭೂಕಂಪನದಿಂದಾಗಿ ಮೌಂಟ್ ಎವರೆಸ್ಟ್ ಕಸಿದಿದ್ದು, ಅದರ ಎತ್ತರ ಕಡಿಮೆಯಾಗಿರಬಹುದು ಎಂದು ಹೇಳಲಾಗುತ್ತಿತ್ತು. ಆದರೆ ಹಾಗೆ ಆಗಿಲ್ಲ ಎಂದು ಚೀನಾದ ಸರ್ವೇ ತಂಡ ಖಚಿತಪಡಿಸಿದೆ.
ಟಿಬೆಟ್ ಕಡೆಯಿಂದ ಮೇ 1ರಂದು ಮೌಂಟ್ ಎವರೆಸ್ಟ್ನ ಆರೋಹಣ ಕೈಗೊಂಡಿದ್ದ ಚೀನಾದ ಸರ್ವೇಯರ್ಗಳ ತಂಡ 2005ರಲ್ಲಿ ಇದ್ದಂತೆ ಹಿಮಪರ್ವತದ ಎತ್ತರ 8,844.43 ಮೀಟರ್ನಲ್ಲೇ ಉಳಿದಿದೆ. ಇದರಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ ಎಂದು ಸ್ಪಷ್ಟಪಡಿಸಿದೆ.
ಸರ್ವೇ ಕಾರ್ಯಕ್ಕಾಗಿ ಈ ತಂಡ ಮೇ 1ರಂದು ಪರ್ವತಾರೋಹಣ ಆರಂಭಿಸಿತ್ತು. ಮೌಂಟ್ ಎವರೆಸ್ಟ್ನ ಶಿಖರಾಗ್ರವನ್ನು ತಲುಪಿ, ಎತ್ತರವನ್ನು ಅಳೆಯಲು ಅನುಕೂಲವಾಗುವಂತೆ ಅಲ್ಲಲ್ಲಿ ಸರ್ವೇ ಮಾರ್ಕರ್ಗಳನ್ನು ರಚಿಸಿಕೊಂಡು ಎತ್ತರವನ್ನು ಯಶಸ್ವಿಯಾಗಿ ಅಳತೆ ಮಾಡಿದ್ದಾರೆ.
ದಾಖಲೆ: ಮೌಂಟ್ ಎವರೆಸ್ಟ್ನ ಶಿಖರಾಗ್ರದಲ್ಲಿ ಚೀನಿ ಸರ್ವೇಯರ್ಗಳ ತಂಡ ಅಂದಾಜು ಎರಡೂವರೆ ಗಂಟೆ ತಂಗಿತ್ತು. ಚೀನಾ ಪರ್ವತಾರೋಹಣ ಕ್ಷೇತ್ರದಲ್ಲಿ ಇದೊಂದು ದಾಖಲೆ ಎನ್ನಲಾಗಿದೆ.
ಇದನ್ನೂ ಓದಿ: ಕರೊನಾ ಸಂಕಷ್ಟದಲ್ಲೂ ಈ ಕಂಪನಿ ಉದ್ಯೋಗಿಗಳಿಗೆ ಸಂಬಳ ಹೆಚ್ಚಳ…!
6 ಬಾರಿ ಅಧ್ಯಯನ: ಚೀನಾದ ಸರ್ವೇಯರ್ಗಳು ಇದುವರೆಗೆ ಆರು ಬಾರಿ ಮೌಂಟ್ ಎವರೆಸ್ಟ್ನ ಅಧ್ಯಯನ ಕೈಗೊಂಡಿದ್ದಾರೆ. ಅದರ ಎತ್ತರವನ್ನು ಅಳತೆಯ ಜತೆಗೆ ವೈಜ್ಞಾನಿಕ ಅಧ್ಯಯನವನ್ನೂ ಮಾಡಿದ್ದಾರೆ. 1974ರಲ್ಲಿ ಮೌಂಟ್ ಎವರೆಸ್ಟ್ 8,848.13 ಮೀಟರ್ ಎತ್ತರವಾಗಿರುವುದಾಗಿ ಹೇಳಿತ್ತು. 2005ರಲ್ಲಿ ಮತ್ತೊಮ್ಮೆ ಅಳತೆ ಮಾಡಿದ್ದ ಚೀನಾ ಅದರ ಎತ್ತರ 8,844.43 ಮೀಟರ್ ಇರುವುದಾಗಿ ಹೇಳಿತ್ತು. 2020ರಲ್ಲಿ ಕೂಡ ಅದರಲ್ಲೂ ವಿಶೇಷವಾಗಿ 2015ರ ನೇಪಾಳದ ಪ್ರಬಲ ಭೂಕಂಪದ ಹೊರತಾಗಿಯೂ ಅದರ ಅಳತೆಯಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಅದು 8,844.43 ಮೀಟರ್ನಲ್ಲಿ ಉಳಿದಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.
ಅಧ್ಯಯನದ ಮಹತ್ವ: ಇಂಡಿನ್ ಪ್ಲೇಟ್ ಮತ್ತು ಯುರೇಷಿಯನ್ ಪ್ಲೇಟ್ನ ಪರಸ್ಪರ ಡಿಕ್ಕಿಯಾಗುವ ಮತ್ತು ಹೆಚ್ಚು ಒತ್ತಡ ಇರುವ ಪ್ರದೇಶದಲ್ಲೇ ಮೌಂಟ್ ಎವರೆಸ್ಟ್ ಸ್ಥಿತವಾಗಿದೆ. ಉಭಯ ಪ್ಲೇಟ್ಗಳು ಸದಾ ಚಲನಶೀಲವಾಗಿರುತ್ತವೆ. ಈ ಹಿನ್ನೆಲೆಯಲ್ಲಿ ಈ ಪರ್ವತದಿಂದ ಜನಜೀವನ ಮತ್ತು ಭೌಗೋಳಿಕವಾಗಿ ಮತ್ತು ಪರಿಸರಾತ್ಮಕವಾಗಿ ಏನೆಲ್ಲ ಪರಿಣಾಮ ಉಂಟಾಗುತ್ತದೆ ಎಂಬುದನ್ನು ಅರಿಯಲು ಇಂಥ ಅಧ್ಯಯನಗಳು ತುಂಬಾ ಅಗತ್ಯ ಎಂದು ಚೀನಾ ಪ್ರತಿಪಾದಿಸಿದೆ.
ಚೀನಾಕ್ಕೆ ಸೆಡ್ಡು- ಭಾರತದಲ್ಲಿ ತಯಾರಾಯ್ತು ಕೋಟಿಗೂ ಅಧಿಕ ಸ್ವದೇಶಿ ಪಿಪಿಇ ಕಿಟ್!