ಉತ್ತರಪ್ರದೇಶ: ಉತ್ತರಪ್ರದೇಶದ ರಾಂಪುರದಲ್ಲಿ ವ್ಯಕ್ತಿಯೊಬ್ಬ ತನ್ನ ಬೈಕಿನ ಹ್ಯಾಂಡಲ್ಗೆ 1 ಲಕ್ಷ ರೂ. ಹಣವಿದ್ದ ಬ್ಯಾಗನ್ನು ನೇತುಹಾಕಿದ್ದರು. ಈ ವೇಳೆ ಆಹಾರ ಅರಸಿ ಬಂದ ಕೋತಿ, ಬ್ಯಾಗನ್ನು ಕಸಿದು ಮರ ಹತ್ತಿರುವ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.
ಇದನ್ನೂ ಓದಿ: ಆನ್ಲೈನ್ ಕ್ಲಾಸ್ನಲ್ಲಿ ಅಶ್ಲೀಲ ವರ್ತನೆ: ಯೂಟ್ಯೂಬ್ ವೀಕ್ಷಣೆಗಾಗಿ ಕೀಳುಮಟ್ಟಕ್ಕಿಳಿದ ಇತಿಹಾಸ ಶಿಕ್ಷಕಿ!?
ಘಟನೆಯ ವಿವರ: ಆಹಾರವನ್ನು ಅರಸಿ ನಾಡಿನತ್ತ ಬರುತ್ತಿರುವ ಪ್ರಾಣಿಗಳ ಪೈಕಿ ಮಂಗಗಳು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಿಸಿಕೊಳ್ಳುತ್ತಿವೆ. ಸದ್ಯ ಇದೇ ರೀತಿಯ ಘಟನೆ ಉತ್ತರಪ್ರದೇಶದ ರಾಂಪುರದಲ್ಲಿ ನಡೆದಿದ್ದು, ತನ್ನ ವೈಯಕ್ತಿಕ ಕೆಲಸದ ಮೇರೆಗೆ ಶಹಾಬಾದಿನಲ್ಲಿರುವ ನೋಂದಣಿ ಕಚೇರಿಗೆ ಬಂದಿದ್ದ ವ್ಯಕ್ತಿಯೊಬ್ಬರು ತಮ್ಮ ಮೋಟಾರ್ ಸೈಕಲ್ಗೆ 1 ಲಕ್ಷ ರೂ. ಹಣವಿದ್ದ ಬ್ಯಾಗನ್ನು ನೇತುಹಾಕಿದ್ದರು. ಈ ವೇಳೆ ಆಹಾರವನ್ನು ಹುಡುಕಿಕೊಂಡು ಬಂದ ಕೋತಿ ನಗದು ಇದ್ದ ಬ್ಯಾಗನ್ನು ಹೊತ್ತು ಮರ ಏರಿದೆ.
1 ಲಕ್ಷ ರೂ. ನಗದು ಇರುವ ಬ್ಯಾಗನ್ನು ಮಂಗ ಹೊತ್ತೊಯ್ದ ದೃಶ್ಯ ಸ್ಥಳದಲ್ಲಿದ್ದ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಕೆಲಸ ಮುಗಿಸಿಕೊಂಡು ಬೈಕ್ ನೋಡಿದ ಶರಾಫತ್ ಹುಸೇನ್, ತಮ್ಮ 1 ಲಕ್ಷ ರೂ. ಹಣವಿದ್ದ ಬ್ಯಾಗ್ ಕಳ್ಳತನವಾಗಿದೆ ಎಂದು ಗಾಬರಿಗೊಂಡು ಚಿರಾಡಿದ್ದಾರೆ. ಕೂಡಲೇ ಸುತ್ತಮುತ್ತಲಿದ್ದ ಸ್ಥಳೀಯರು ಬಂದು ಪರಿಶೀಲನೆ ನಡೆಸಿ, ಮಂಗವನ್ನು ಪತ್ತೆಹಚ್ಚಲು ಹುಡುಕಾಟ ನಡೆಸಿದ್ದಾರೆ.
ಇದನ್ನೂ ಓದಿ: ರೈಲು ಪ್ರಯಾಣಿಕರಿಗೆ ಶುಭ ಸುದ್ದಿ: ವಂದೇ ಭಾರತ್ ರೈಲು ಟಿಕೆಟ್ ದರ ಶೀಘ್ರದಲ್ಲೇ ಇಳಿಕೆ
ಕೆಲ ಸಮಯದ ನಂತರ ಶರಾಫತ್ ಹುಸೇನ್ ಅವರ ಬ್ಯಾಗ್ ತೆರೆದು ಮರದ ಮೇಲೆ ಕುಳಿತ್ತಿದ್ದ ಕೋತಿಯನ್ನು ಪತ್ತೆಹಚ್ಚಿದ ಸ್ಥಳೀಯರು, ಬ್ಯಾಗ್ ಅನ್ನು ಹಿಂಪಡೆಯಲು ಹರಸಾಹಸ ಪಟ್ಟಿದ್ದಾರೆ. ಮಂಗ ಹಣವಿದ್ದ ಬ್ಯಾಗನ್ನು ಕೈಬಿಟ್ಟು ಹೋಗಿದ್ದೇ ತಡ, ಬ್ಯಾಗನ್ನು ಎತ್ತಿಕೊಂಡು ನಿಟ್ಟುಸಿರು ಬಿಟ್ಟ ಶರಾಫತ್, ಸಹಾಯ ಮಾಡಿದ ಜನರಿಗೆ ಧನ್ಯವಾದ ತಿಳಿಸಿದ್ದಾರೆ. ಸದ್ಯ ಈ ವೀಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿದೆ,(ಏಜೆನ್ಸೀಸ್).