ಕೋಚ್​ ಆಗಿ ರಮೇಶ್​ ಪವಾರ್​ ಮರುನೇಮಕದ ಬಗ್ಗೆ ಮಿಥಾಲಿ ರಾಜ್​ ಏನಾಂತಾರೆ ಗೊತ್ತೇ?

ನವದೆಹಲಿ: 2018ರಲ್ಲಿ ಮೊದಲ ಬಾರಿಗೆ ಮಹಿಳಾ ಕ್ರಿಕೆಟ್​ ತಂಡದ ಕೋಚ್​ ಆಗಿದ್ದ ಮಾಜಿ ಸ್ಪಿನ್ನರ್​ ರಮೇಶ್​ ಪವಾರ್​, ಏಕದಿನ ತಂಡದ ನಾಯಕಿ ಹಾಗೂ ಅನುಭವಿ ಬ್ಯಾಟುಗಾತಿರ್ ಮಿಥಾಲಿ ರಾಜ್​ ಜತೆಗಿನ ಭಿನ್ನಾಭಿಪ್ರಾಯದಿಂದಾಗಿ ಹುದ್ದೆ ಕಳೆದುಕೊಂಡಿದ್ದರು. ಇದೀಗ ಮಿಥಾಲಿ ರಾಜ್​ ಏಕದಿನ ತಂಡದ ನಾಯಕಿಯಾಗಿ ಮುಂದುವರಿದಿರುವ ನಡುವೆಯೂ ರಮೇಶ್​ ಪವಾರ್​ ಇತ್ತೀಚೆಗೆ ಕೋಚ್​ ಆಗಿ ಮರುನೇಮಕಗೊಂಡಿದ್ದಾರೆ. ಈಗ ಮತ್ತೆ ರಮೇಶ್​ ಪವಾರ್​ ಜತೆಗೆ ಕಾರ್ಯನಿರ್ವಹಿಸುವ ಬಗ್ಗೆ ಮಿಥಾಲಿ ರಾಜ್​ ಏನಂತಾರೆ ಗೊತ್ತೇ?

2022ರ ಮಹಿಳೆಯರ ಏಕದಿನ ವಿಶ್ವಕಪ್​ಗೆ ಬಲಿಷ್ಠ ತಂಡವನ್ನು ಕಟ್ಟುವ ಹೊಣೆ ಇದೀಗ ಮಿಥಾಲಿ ರಾಜ್​ ಮತ್ತು ರಮೇಶ್​ ಪವಾರ್​ ಇಬ್ಬರ ಮೇಲೆಯೂ ಇದೆ. ಹೀಗಾಗಿ ಇಬ್ಬರೂ ಈಗ ಮತ್ತೆ ಜತೆಯಾಗಿ ಕಾರ್ಯನಿರ್ವಹಿಸಬೇಕಾಗಿದ್ದು, ಹಿಂದಿನ ವಿವಾದಗಳನ್ನು ಮರೆತು ಕೆಲಸ ಮಾಡಬೇಕಾಗಿದೆ. ಆಗಿದ್ದೆಲ್ಲ ಆಗಿ ಹೋಯಿತು. ನಾವು ಮತ್ತೆ ಹಿಂದಕ್ಕೆ ಹೋಗಲಾರೆವು. ರಮೇಶ್​ ಪವಾರ್​ ಹೊಸ ಯೋಜನೆಗಳೊಂದಿಗೆ ಬರುವ ನಿರೀಕ್ಷೆಯಲ್ಲಿದ್ದೇನೆ. ನಾವಿಬ್ಬರೂ ಜತೆಯಾಗಿ ಹಡಗನ್ನು ಮುನ್ನಡೆಸಲಿದ್ದೇವೆ ಎಂದು ಮಿಥಾಲಿ ರಾಜ್​ ಇದೀಗ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: VIDEO | ಆರು ವರ್ಷದ ಬಾಲಕಿಯ ಬ್ಯಾಟಿಂಗ್​ ವಿಡಿಯೋ ವೈರಲ್​

ಮುಂದಿನ ವರ್ಷ ವಿಶ್ವಕಪ್​ ನಡೆಯಲಿರುವುದರಿಂದ ನಾವಿಬ್ಬರೂ ಜತೆಯಾಗಿ ಇದೀಗ ಬಲಿಷ್ಠ ತಂಡವನ್ನು ಕಟ್ಟಬೇಕಾಗಿದೆ ಎಂದು ಮಿಥಾಲಿ ಹೇಳಿದ್ದಾರೆ. 2018ರಲ್ಲಿ ಟಿ20 ವಿಶ್ವಕಪ್​ನ ಉಪಾಂತ್ಯ ಪಂದ್ಯದ ವೇಳೆ ಮಿಥಾಲಿ ರಾಜ್​ ಅವರನ್ನು ರಮೇಶ್​ ಪವಾರ್​ ಆಡುವ ಬಳಗದಿಂದ ಹೊರಗಿಟ್ಟಿದ್ದರು. ಇದರಿಂದ ಸಿಟ್ಟಾಗಿದ್ದ ಮಿಥಾಲಿ, ರಮೇಶ್​ ಪವಾರ್​ ತಂಡದಲ್ಲಿ ತಾರತಮ್ಯ ಮಾಡುತ್ತಿದ್ದಾರೆ ಎಂದು ದೂರಿ ಬಿಸಿಸಿಐಗೆ ಪತ್ರ ಬರೆದಿದ್ದರು. ಇದರ ಬೆನ್ನಲ್ಲೇ ಪವಾರ್​ ಅವರನ್ನು ಬಿಸಿಸಿಐ ವಜಾಗೊಳಿಸಿತ್ತು.

https://www.vijayavani.net/ms-dhonis-new-salt-and-pepper-look-goes-viral-on-social-media/

https://www.vijayavani.net/irfan-pathan-defends-wifes-blurred-pic-calls-himself-her-mate-not-master/

https://www.vijayavani.net/wtc-final-match/