ಬಳ್ಳಾರಿ: ಜಿಲ್ಲೆಯಲ್ಲಿ ಶುಕ್ರವಾರ 133 ಜನರಿಗೆ ಕರೊನಾ ಸೋಂಕು ದೃಢಪಟ್ಟಿದೆ. ಈ ಮೂಲಕ ಸೋಂಕಿತರ ಸಂಖ್ಯೆ 2200ಕ್ಕೇರಿದೆ. ಶುಕ್ರವಾರ 41 ಜನರು ಸೋಂಕಿನಿಂದ ಚೇತರಿಸಿಕೊಂಡಿದ್ದಾರೆ. ಇದುವರೆಗೆ ಒಟ್ಟು 1207 ಜನರು ಸೋಂಕಿನಿಂದ ಗುಣವಾಗಿದ್ದಾರೆ. 939 ಸಕ್ರಿಯ ಪ್ರಕರಣಗಳಿವೆ. ಜಿಲ್ಲೆಯಲ್ಲಿ ಕರೊನಾ ಸೋಂಕಿತ 54 ಜನರು ಮೃತಪಟ್ಟಿದ್ದಾರೆ.
ಕಂಪ್ಲಿ ತಾಲೂಕಿನಲ್ಲಿ 12 ಜನರಿಗೆ ಪಾಸಿಟಿವ್: ಪಟ್ಟಣ ಸೇರಿ ತಾಲೂಕಿನಲ್ಲಿ ಶುಕ್ರವಾರ 12 ಜನರಿಗೆ ಕರೊನಾ ದೃಢಪಟ್ಟಿದೆ. ಪಟ್ಟಣದ 10ನೇ ವಾರ್ಡ್‌ನಲ್ಲಿ 50ವರ್ಷದ ವ್ಯಕ್ತಿ, 6ನೇ ವಾರ್ಡ್ ವಿನಾಯಕ ನಗರದ 18 ವರ್ಷದ ಯುವಕ, ಇಬ್ಬರು ಮಹಿಳೆಯರು, 11ನೇ ವಾರ್ಡ್ ತೆಗ್ಗಿನ ಓಣಿಯ 6 ವರ್ಷದ ಬಾಲಕ, 14ನೇ ವಾರ್ಡ್‌ನ 39 ವರ್ಷದ ಪುರುಷನಿಗೆ, ನೆಲ್ಲೂಡಿ ಕೊಟ್ಟಾಲ್ ಪೆದ್ದಮ್ಮ ಗುಡಿಯ ಮಹಿಳೆಗೆ, ಇಟಗಿ 2ನೇ ವಾರ್ಡ್‌ನ ಒಂದೇ ಕುಟುಂಬದ 14 ವರ್ಷದ ಬಾಲಕ, 9 ವರ್ಷದ ಬಾಲಕಿ ಸೇರಿ ಐವರಿಗೆ ಸೋಂಕು ತಗುಲಿದೆ.