ಚೆನ್ನೈ: ಕರೊನಾ ಆರ್ಥಿಕ ಸಂಕಷ್ಟದಿಂದ ಚೇತರಿಸಿಕೊಳ್ಳುತ್ತಿದ್ದಂತೆಯೇ ಎಲ್ಲ ರಾಜ್ಯ ಸರ್ಕಾರಗಳು ರಾಜ್ಯದ ಅಭಿವೃದ್ಧಿಯತ್ತ ಹೆಚ್ಚಿನ ಗಮನ ಹಾಕಲಾರಂಭಿಸಿವೆ. ತಮಿಳುನಾಡಿನ ಚೆನ್ನೈನ ಮೆಟ್ರೋ ರೈಲು ಪ್ರಯಾಣ ದರದಲ್ಲೂ ಇದೀಗ ಹಲವು ಬದಲಾವಣೆಯನ್ನು ತರಲಾಗಿದೆ.
ಚೆನ್ನೈ ಮೆಟ್ರೋ ರೈಲಿನ ಗರಿಷ್ಠ ಟಿಕೆಟ್ ದರವನ್ನು 20 ರೂಪಾಯಿ ಇಳಿಸಿರುವುದಾಗಿ ಮುಖ್ಯಮಂತ್ರಿ ಕೆ.ಪಳನಿಸ್ವಾಮಿ ತಿಳಿಸಿದ್ದಾರೆ. ಈ ಹಿಂದೆ 70 ರೂಪಾಯಿಯಿದ್ದ ಗರಿಷ್ಠ ಟಿಕೆಟ್ ದರ ಇನ್ನು ಮುಂದೆ 50 ರೂಪಾಯಿಯಾಗಿರಲಿದೆ.
2 ಕಿಮೀವರೆಗಿನ ದೂರಕ್ಕೆ 10 ರೂಪಾಯಿ, 2ರಿಂದ 5 ಕಿಮೀ ದೂರಕ್ಕೆ 20 ರೂಪಾಯಿ ಹಾಗೂ 5ರಿಂದ 12 ಕಿಮೀ ದೂರಕ್ಕೆ 30 ರೂಪಾಯಿ ಟಿಕೆಟ್ ದರ ನಿಗದಿಪಡಿಸಲಾಗಿದೆ. 12ರಿಂದ 21 ಕಿಮೀವರೆಗಿನ ಪ್ರಯಾಣಕ್ಕೆ 40 ರೂಪಾಯಿ ತೆರಬೇಕಾಗುತ್ತದೆ. ಹಾಗೂ 21 ಕಿಮೀಗಿಂತ ಹೆಚ್ಚಿನ ಪ್ರಯಾಣಕ್ಕೆ (32 ಕಿಮೀವರೆಗೆ) 50 ರೂಪಾಯಿ ಟಿಕೆಟ್ ಕೊಂಡುಕೊಳ್ಳಬೇಕಾಗುತ್ತದೆ. ಈ ಎಲ್ಲ ನಿಯಮಗಳು ಸೋಮವಾರದಿಂದ ಅಂದರೆ ಫೆಬ್ರವರಿ 22ರಿಂದಲೇ ಜಾರಿಗೆ ಬರಲಿದೆ ಎಂದು ಅವರು ತಿಳಿಸಿದ್ದಾರೆ. (ಏಜೆನ್ಸೀಸ್)
ಮದುವೆ ದಿನವೇ ನಾಪತ್ತೆಯಾದ ವಧು! ಅಕ್ಕನ ಬದಲು ತಂಗಿಗೆ ತಾಳಿ ಕಟ್ಟಿದ ವರ!