ಶಿವಮೊಗ್ಗ: ರೂಪಾಂತರಿ ಕರೊನಾ ಶಿವಮೊಗ್ಗಕ್ಕೂ ಕಾಲಿಟ್ಟಿದ್ದು, ಜಿಲ್ಲೆಯ ನಾಲ್ವರಲ್ಲಿ ಬ್ರಿಟನ್ ಸೋಂಕು ದೃಢಪಟ್ಟಿದೆ.
ಕರ್ನಾಟಕ ಸಂಘ ಸಮೀಪದ ಸಾರ್ವಕರ್ ನಗರದ ಒಂದೇ ಕುಟುಂಬದ ನಾಲ್ವರಲ್ಲಿ ಸೋಂಕು ಪತ್ತೆಯಾಗಿದ್ದು, ರೋಗ ಲಕ್ಷಣವಿಲ್ಲದ ನಾಲ್ವರನ್ನು ಮೆಗ್ಗಾನ್ ಆಸ್ಪತ್ರೆಯ ಕರೊನಾ ವಾರ್ಡ್ನಲ್ಲಿ ಇರಿಸಲಾಗಿದೆ. ಅವರ ಪ್ರಾಥಮಿಕ ಸಂಪರ್ಕಕ್ಕೆ ಬಂದವರಿಗೆ ಹೋಮ್ ಕ್ವಾರಂಟೈನ್ಗೆ ಸೂಚಿಸಿಸಲಾಗಿದೆ.
ಇದನ್ನೂ ಓದಿ: ಹೋರಾಟನಿರತ ರೈತರತ್ತ ವಾಲಿದ ಕೇಂದ್ರ ಸರ್ಕಾರ! ನಾಲ್ಕರಲ್ಲಿ ಎರಡು ಬೇಡಿಕೆಗೆ ಒಪ್ಪಿಗೆ
ಇತ್ತೀಚೆಗೆ ಬ್ರಿಟನ್ನಿಂದ ಬಂದ ಐದು ಮಂದಿಯಲ್ಲಿ ಕರೊನಾ ಸೋಂಕು ದೃಢಪಟ್ಟಿತ್ತು. ಹಾಗಾಗಿ ಸೋಂಕಿನ ವರದಿಯನ್ನು ಪುಣೆ ಲ್ಯಾಬ್ಗೆ ರವಾನಿಸಲಾಗಿತ್ತು. ಅಲ್ಲಿ ನಾಲ್ವರಿಗೆ ಬ್ರಿಟನ್ ವೈರಸ್ ದೃಢಪಟ್ಟಿದ್ದರಿಂದ ಜಿಲ್ಲೆಯಲ್ಲೂ ಸೋಂಕಿನ ಬಗ್ಗೆ ಕಟ್ಟೆಚ್ಚರ ವಹಿಸಲಾಗಿದೆ.
ಶಿವಮೊಗ್ಗ ತಾಲೂಕಿಗೆ 12, ಸಾಗರ, ತೀರ್ಥಹಳ್ಳಿಗೆ ತಲಾ ನಾಲ್ವರು, ಭದ್ರಾವತಿಗೆ ಮೂವರು ಸೇರಿ ಕಳೆದೊಂದು ವಾರದಿಂದ ಜಿಲ್ಲೆಗೆ 25 ಜನರು ಬ್ರಿಟನ್ನಿಂದ ಬಂದವರನ್ನು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಪತ್ತೆ ಮಾಡಿತ್ತು.