ನವದೆಹಲಿ: ಟೀಮ್ ಇಂಡಿಯಾದ ಆಸ್ಟ್ರೇಲಿಯಾದ ಪ್ರವಾಸದ ವೇಳೆ ಬ್ರಿಸ್ಬೇನ್ನ ಗಾಬಾ ಸ್ಟೇಡಿಯಂನಲ್ಲಿ ನಡೆದ ನಾಲ್ಕನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ರವಿಚಂದ್ರನ್ ಅಶ್ವಿನ್ ಗಾಯದ ಸಮಸ್ಯೆಯಿಂದ ಹೊರಗುಳಿದಾಗ ಅವರ ಬದಲಾಗಿ ವಾಷಿಂಗ್ಟನ್ ಸುಂದರ್ ಚೊಚ್ಚಲ ಟೆಸ್ಟ್ ಪಂದ್ಯವಾಡಿದರು.
ಈ ವೇಳೆ ಬ್ಯಾಟಿಂಗ್ ಮತ್ತು ಬೌಲಿಂಗ್ ವಿಭಾಗದಲ್ಲಿ ಸುಂದರ್ ಅತ್ಯದ್ಭುತ ಪ್ರದರ್ಶನ ನೀಡಿದರು. ಸುಂದರ್ ಒಟ್ಟು ನಾಲ್ಕು ಪ್ರಮುಖ ವಿಕೆಟ್ಗಳನ್ನು ಪಡೆದರು. ಬ್ಯಾಟಿಂಗ್ ವಿಚಾರಕ್ಕೆ ಬಂದಾಗ ಮೊದಲ ಇನ್ನಿಂಗ್ಸ್ನಲ್ಲಿ 62 ಮತ್ತು ಎರಡನೇ ಇನ್ನಿಂಗ್ಸ್ನಲ್ಲಿ 22 ರನ್ ಕಲೆ ಹಾಕಿದರು. ಪದಾರ್ಪಣೆ ಪಂದ್ಯದಲ್ಲಿ ಪ್ರದರ್ಶನದ ಮೂಲಕ ಗಮನಸೆಳೆದ ಸುಂದರ್ಗೆ ಗಾಬಾ ಟೆಸ್ಟ್ ಸ್ಮರಣೆಯಾಗಿ ಉಳಿದುಕೊಂಡಿದ್ದು, ಅದರ ಸ್ಮರಣಾರ್ಥ ತನ್ನ ಪ್ರೀತಿಯ ನಾಯಿಗೆ ಗಾಬಾ ಎಂದು ಹೆಸರಿಟ್ಟು ನೆನಪನ್ನು ಶಾಶ್ವತವಾಗಿ ಉಳಿಸಿಕೊಂಡಿದ್ದು, ಜಾಲತಾಣದಲ್ಲಿ ಸುಂದರ್ ಅವರಿಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಹೌದು. ಸುಂದರ್ ಅವರು ತಮ್ಮ ಪುಟ್ಟ ನಾಯಿಯೊಂದಿಗೆ ಇರುವ ಫೋಟೋವನ್ನು ಟ್ವಿಟರ್ನಲ್ಲಿ ಪೋಸ್ಟ್ ಮಾಡಿ ಪ್ರೀತಿ ನಾಲ್ಕು ಕಾಲಿನ ಪದವಾಗಿದೆ. ವಿಶ್ವವು ಗಾಬಾವನ್ನು ಭೇಟಿ ಮಾಡಿತು ಎಂದು ಬರೆದುಕೊಂಡಿದ್ದಾರೆ.
Love is a four-legged word. World, meet Gabba! 🐾 pic.twitter.com/I1O76Jm63o
— Washington Sundar (@Sundarwashi5) April 3, 2021
ಪಂದ್ಯದ ವಿಚಾರಕ್ಕೆ ಬಂದರೆ ಆಸ್ಟ್ರೇಲಿಯಾ ನೀಡಿದ 328 ರನ್ ಬೆನ್ನಟ್ಟಿದ ಭಾರತ 7 ವಿಕೆಟ್ ಕಳೆದುಕೊಂಡು ಪಂದ್ಯ ಜಯಿಸಿತು. ಆಸ್ಟ್ರೇಲಿಯಾ ಮೊದಲ ಇನಿಂಗ್ಸ್ 369 ರನ್‌ಗಳಿಸಿದ್ದರೆ, ಭಾರತ 336 ರನ್‌ಗಳಿಗೆ ಆಲೌಟ್ ಆಗಿ 33 ರನ್ ಹಿನ್ನಡೆ ಕಂಡಿತ್ತು. ಆಸ್ಟ್ರೇಲಿಯಾ ಎರಡನೇ ಇನಿಂಗ್ಸ್ 294 ರನ್‌ಗಳಿಸಿ ಭಾರತಕ್ಕೆ 328 ರನ್ ಗೆಲುವಿನ ಗುರಿನೀಡಿತ್ತು. ಇದರೊಂದಿಗೆ ಭಾರತ 4 ಪಂದ್ಯಗಳ ಸರಣಿಯನ್ನು 2-1 ರಿಂದ ವಶಪಡಿಸಿಕೊಂಡಿತು. ಈ ಮೂಲಕ ಭಾರತ ತಂಡ ಗಾಬಾ ಮೈದಾನದಲ್ಲಿ ಜಯ ದಾಖಲಿಸಿ ಐತಿಹಾಸಿಕ ಸಾಧನೆ ಮಾಡಿದೆ. ಕಳೆದ 32 ವರ್ಷಗಳಿಂದ ಬ್ರಿಸ್ಬೇನ್‌ನಲ್ಲಿ ಸೋಲು ಕಾಣದೆ ಮೆರೆಯುತ್ತಿದ್ದ ಆಸೀಸ್ ತಂಡಕ್ಕೆ ಟೀಮ್ ಇಂಡಿಯಾ ಯುವ ಪಡೆ ತಕ್ಕ ಉತ್ತರ ಕೊಟ್ಟಿದೆ. (ಏಜೆನ್ಸೀಸ್)
ಆಸೀಸ್ ಮಾಧ್ಯಮಗಳಲ್ಲಿ ಟೀಮ್ ಇಂಡಿಯಾ ಗೆಲುವಿಗೆ ವಿಶ್ಲೇಷಣೆ ಹೇಗಿದೆ ಗೊತ್ತಾ?
ನಕ್ಸಲ್ರ ವಿರುದ್ಧದ ಕಾರ್ಯಾಚರಣೆ ನಡೆದಾಗಿನಿಂದ ಈವರೆಗೂ ಪತ್ತೆಯಾಗದ 21 ಯೋಧರು..!