ನವದೆಹಲಿ: ಅಮೆರಿಕದ ಮಾಜಿ ಅಧ್ಯಕ್ಷ ಟ್ರಂಪ್ ರಸ್ತೆಯಲ್ಲಿ ಕುಲ್ಫಿ ಮಾರಾಟ ಮಾಡೋದಾ…? ಏನಿದು ವಿಚಿತ್ರ ಎಂದು ಆಶ್ಚರ್ಯಪಡುತ್ತಿದ್ದೀರಾ..? ಪಾಕಿಸ್ತಾನದಲ್ಲಿ ಟ್ರಂಪ್‌ನಂತೆ ಕಾಣುವ ವ್ಯಕ್ತಿಯೊಬ್ಬರಿದ್ದಾರೆ! ಪಾಕಿಸ್ತಾನ ಪಂಜಾಬ್‌ನ ಸಾಹಿವಾಲ್ ಜಿಲ್ಲೆಯ ವ್ಯಕ್ತಿಯೊಬ್ಬರು ಡೊನಾಲ್ಡ್ ಟ್ರಂಪ್ ಮುಖದ ಹೋಲಿಕೆಯನ್ನು ಹೊಂದಿದ್ದಾರೆ. ಸ್ಥಳೀಯರು ಅವರನ್ನು ‘ಚಾಚಾ ಬಗ್ಗ’ ಎಂದು ಕರೆಯುತ್ತಾರೆ. ಅವರು ಗಾಯಕನಂತೆ ಹಾಡಿದಾಗ ಎಲ್ಲರೂ ಅವರ ಧ್ವನಿ ಕೇಳಿ ತಲೆದೂಗುತ್ತಾರೆ. ‘ಕುಲ್ಫಿ ಮಾರಲು ಬೀದಿಗೆ ಬಂದಿದ್ದೇನೆ…’ ಎಂದು ಚಾಚಾ ತನ್ನ ಹಾಡುಗಳ ಮೂಲಕ ಎಲ್ಲರಿಗೂ ಹೇಳುತ್ತಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗುತ್ತಿದೆ. ಇದನ್ನು ನೋಡಿದ ನೆಟ್ಟಿಗರು ನಿಜಕ್ಕೂ ಟ್ರಂಪ್ ಅವರಂತೆ ಕಾಣುತ್ತಿದ್ದಾರೆ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ವಿಭಿನ್ನವಾಗಿ ಪ್ರತಿಕ್ರಿಯಿಸುವ ಮೂಲಕ ಕಾಮೆಂಟ್‌ಗಳನ್ನು ಮಾಡಲಾಗುತ್ತಿದೆ.
2021 ರಲ್ಲಿ ಸದ್ದು ಮಾಡಿದ ಚಾಚಾ
2021 ರಲ್ಲಿ, ಪಾಕಿಸ್ತಾನದ ಈ ಕುಲ್ಫಿ ಮಾರಾಟಗಾರ ಇಂಟರ್ನೆಟ್‌ನಲ್ಲಿ ಸಾಕಷ್ಟು ಸದ್ದು ಮಾಡಿದ್ದಾರೆ. ಟ್ರಂಪ್‌ರನ್ನು ಹೋಲುವ, ಐಸ್‌ಕ್ರೀಂ ಕಾರ್ಟ್‌ನಿಂದ ಹಾಡುಗಳನ್ನು ಹಾಡುವ ಮತ್ತು ಕುಲ್ಫಿಗಳನ್ನು ಮಾರಾಟ ಮಾಡುವ ವಿಡಿಯೋ ಕೂಡ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಇದು ನೆಟ್ಟಿಗರನ್ನು ಬಹಳವಾಗಿ ಆಕರ್ಷಿಸಿದೆ. ಖ್ಯಾತ ಪಾಕಿಸ್ತಾನಿ ಗಾಯಕ ಹೆಹ್ಜಾದ್ ರಾಯ್ ಕೂಡ ಇದನ್ನು ಹಂಚಿಕೊಂಡಿದ್ದಾರೆ. ‘ವಾಹ್ ಕುಲ್ಫಿ ಭಾಯ್, ಕ್ಯಾ ಬಾತ್ ಹೈ..’ ಎಂದು ಹೊಗಳಿಕೆಯ ಸುರಿಮಳೆಗೈದಿದ್ದಾರೆ.
ಸಮೀಕ್ಷೆಯಲ್ಲಿ ಮುಂದಿರುವ ಟ್ರಂಪ್
ಮತ್ತೊಂದೆಡೆ, ನವೆಂಬರ್ 2024 ರಲ್ಲಿ ನಡೆಯಲಿರುವ ಯುಎಸ್ ಅಧ್ಯಕ್ಷೀಯ ಚುನಾವಣೆಗೆ ಸಂಬಂಧಿಸಿದ ಇತ್ತೀಚಿನ ಸಮೀಕ್ಷೆಯಲ್ಲಿ ಪ್ರಸ್ತುತ ಅಧ್ಯಕ್ಷ ಬೈಡೆನ್ ಹಿಂದುಳಿದಿದ್ದಾರೆ. ವಾಷಿಂಗ್ಟನ್ ಪೋಸ್ಟ್ ಮತ್ತು ಎಬಿಸಿ ನ್ಯೂಸ್ ಜಂಟಿಯಾಗಿ ನಡೆಸಿದ ಸಮೀಕ್ಷೆಯಲ್ಲಿ ಟ್ರಂಪ್‌ಗೆ ಹೋಲಿಸಿದರೆ ಬೈಡೆನ್ 10 ಅಂಕಗಳಿಂದ ಹಿಂದುಳಿದಿದ್ದಾರೆ ಎಂದು ತಿಳಿದುಬಂದಿದೆ. ರಿಪಬ್ಲಿಕನ್ ಅಧ್ಯಕ್ಷೀಯ ರೇಸ್‌ನ ಉಳಿದ ಭಾಗಗಳಲ್ಲಿ ಟ್ರಂಪ್ ಮುನ್ನಡೆ ಸಾಧಿಸುತ್ತಿದ್ದಾರೆ.
ಟ್ರಂಪ್ ಜೊತೆಗೆ
ರಿಪಬ್ಲಿಕನ್ ಪಕ್ಷದ ಅಧಿಕೃತ ನಾಮನಿರ್ದೇಶನ ಪ್ರಕ್ರಿಯೆಯು ಜನವರಿಯಲ್ಲಿ ಅಯೋವಾ ಕಾಕಸ್‌ಗಳು ಮತ್ತು ನ್ಯೂ ಹ್ಯಾಂಪ್‌ಶೈರ್ ಪ್ರೈಮರಿಯೊಂದಿಗೆ ಪ್ರಾರಂಭವಾಗುತ್ತದೆ. ಟ್ರಂಪ್ ಜೊತೆಗೆ ರಿಪಬ್ಲಿಕನ್ ಪಕ್ಷದಿಂದ ಸ್ಪರ್ಧಿಸಲು ಭಾರತೀಯ ಮೂಲದ ನಿಕ್ಕಿ ಹ್ಯಾಲಿ ಮತ್ತು ವಿವೇಕ್ ರಾಮಸ್ವಾಮಿ ಪ್ರಯತ್ನಿಸುತ್ತಿದ್ದಾರೆ. ಇತ್ತೀಚೆಗೆ ಅವರ ಜನಪ್ರಿಯತೆ ಹೆಚ್ಚಿದ್ದರೂ ಟ್ರಂಪ್ ಅವರಿಗಿಂತ ಬಹಳ ಮುಂದಿದ್ದಾರೆ ಎಂದು ವರದಿಯಾಗಿದೆ. ಅವರು ರಿಪಬ್ಲಿಕನ್ ಪಕ್ಷದ ಅಧಿಕೃತ ಅಧ್ಯಕ್ಷೀಯ ಅಭ್ಯರ್ಥಿಯಾಗಲಿದ್ದಾರೆ ಎಂದು ರಾಜಕೀಯ ಪಂಡಿತರು ಭವಿಷ್ಯ ನುಡಿದಿದ್ದಾರೆ.
ಮುನ್ನಡೆ ಸಾಧಿಸಿದ ವಿವೇಕ್ ರಾಮಸ್ವಾಮಿ
ಇತ್ತೀಚಿನ ಸಮೀಕ್ಷೆಯಲ್ಲಿ ಭಾರತೀಯ ಮೂಲದ ವ್ಯಕ್ತಿ ವಿವೇಕ್ ರಾಮಸ್ವಾಮಿ ಅವರು JOP ಚುನಾವಣೆಯಲ್ಲಿ ಮುನ್ನಡೆ ಸಾಧಿಸಿದ್ದಾರೆ ಎಂದು ತಿಳಿದುಬಂದಿದೆ. ಮಾಜಿ ಅಧ್ಯಕ್ಷ ಟ್ರಂಪ್ ಅವರ ನಂತರದ ಸ್ಥಾನವನ್ನು ವಿವೇಕ್ ತಲುಪಿದ್ದಾರೆ. ಹಾಗೆ ನೋಡಿದರೆ ಮೂರನೇ ಸ್ಥಾನದಿಂದ ಎರಡನೇ ಸ್ಥಾನಕ್ಕೆ ಏರಿದ್ದಾರೆ. ಇದುವರೆಗೆ ಟ್ರಂಪ್‌ಗೆ ಪ್ರಮುಖ ಸವಾಲಾಗಿದ್ದ ಫ್ಲೋರಿಡಾ ಗವರ್ನರ್ ರಾನ್ ಡಿಸಾಂಟಿಸ್ 2 ಸ್ಥಾನದಿಂದ ಕುಸಿದು ಐದನೇ ಸ್ಥಾನಕ್ಕೆ ತಲುಪಿದ್ದಾರೆ. ಮತ್ತೊಂದೆಡೆ, ಭಾರತೀಯ ಮೂಲದ ಮಹಿಳಾ ಅಭ್ಯರ್ಥಿ ನಿಕ್ಕಿ ಹ್ಯಾಲೆ ಕೂಡ ಶೇಕಡ 12 ಮತಗಳೊಂದಿಗೆ ಮೂರನೇ ಸ್ಥಾನದಲ್ಲಿದ್ದಾರೆ.
‘ಈಜಿಪ್ಟ್ ಈಗಾಗಲೇ ಹಮಾಸ್ ದಾಳಿಯ ಬಗ್ಗೆ ಎಚ್ಚರಿಕೆ ನೀಡಿತ್ತು’; ಈ ಬಗ್ಗೆ ಇಸ್ರೇಲ್ ಏನು ಹೇಳಿದೆ?