ಮುಂಬೈ: ಈಜುಕೊಳದಲ್ಲಿ ಈಜುತ್ತಿರುವ ವೃದ್ಧನ ಮೇಲೆ ಯುವಕ ಎತ್ತರದಿಂದ ಜಿಗಿದಿದ್ದಾನೆ. ಈ ಪರಿಣಾಮ ವೃದ್ಧ ಸಾವನ್ನಪ್ಪಿದ್ದಾನೆ. ಈ ಘಟನೆ ಮುಂಬೈನಲ್ಲಿ ನಡೆದಿದೆ.
ವೃದ್ಧನ ಕುತ್ತಿಗೆ ಮತ್ತು ದೇಹದ ಇತರ ಭಾಗಗಳಲ್ಲಿ ಗಾಯಗಳಾಗಿವೆ. ಅವರನ್ನು ಹತ್ತಿರದ ಆಸ್ಪತ್ರೆಗೆ ತಲುಪಿಸುವಷ್ಟರಲ್ಲಿ ಮೃತಪಟ್ಟಿರುವುದಾಗಿ ಘೋಷಿಸಲಾಯಿತು.
ಇದನ್ನೂ ಓದಿ: ಭಾರತೀಯ ರೈಲ್ವೆ: ರೈಲು ಬೋಗಿಗಳಲ್ಲಿ ಬರೆಯಲಾದ 5 ಅಂಕಿಗಳ ರಹಸ್ಯವೇನು ಗೊತ್ತಾ?
ನಡೆದಿದ್ದೇನು?: ಸಮಂತ್ ಅವರು ಕಳೆದ ಒಂದು ತಿಂಗಳಿನಿಂದ ಸಂಜೆ 5 ರಿಂದ 6 ಗಂಟೆ ನಡುವೆ ಈಜಲು ಓಝೋನ್ ಪೂಲ್‌ಗೆ ಪ್ರತಿನಿತ್ಯ ಹೋಗುತ್ತಿದ್ದರು. ಏಪ್ರಿಲ್ 23 ರಂದು ವೃದ್ಧ ಕೂಡಾ ತನ್ನ ಮೊಮ್ಮಗನ ಜೊತೆಗೆ ಈಜುಕೊಳಕ್ಕೆ ಬಂದಿದ್ದಾರೆ. ಸಮಂತ್ ಎತ್ತರದಿಂದ ಈಜುಕೊಳಕ್ಕೆ ಜಿಗಿದಿದ್ದಾನೆ. ಈ ವೇಳೆ ಈಜುತ್ತಿದ್ದ ವೃದ್ಧನಿಗೆ ಗಾಯವಾಗಿದೆ. ಪೂಲ್ ಸಿಬ್ಬಂದಿ ವೃದ್ಧನನ್ನು ಕಾಪಾಡಿಯಾ ಆಸ್ಪತ್ರೆಗೆ ಕರೆದೊಯ್ದರು, ಅಲ್ಲಿ ಅವರು ಸಾವನ್ನಪ್ಪಿದ್ದಾರೆ ಎಂದು ವೈದ್ಯರು ಘೋಷಿಸಿದರು.
ಗೋರೆಗಾಂವ್ ಪೊಲೀಸರು 20 ವರ್ಷದ ಯುವಕ ಸಮಂತ್ ವಿರುದ್ಧ ಐಪಿಸಿ ಸೆಕ್ಷನ್ 304 (ಎ) ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ಹೆಚ್ಚಿನ ತನಿಖೆಗಳು ನಡೆಯುತ್ತಿವೆ.
ಪ್ರಧಾನಿ ಮೋದಿ ವರ್ಚುವಲ್ ವೇದಿಕೆಯಲ್ಲಿ ಭಾಷಣ ನಾಳೆ; 58 ಸಾವಿರ ಬೂತ್ ಗಳು 50 ಲಕ್ಷ ಕಾರ್ಯಕರ್ತರು ಭಾಗಿ