ಮುಂಬೈ: ಬಾಲಿವುಡ್ ನಟಿ ಸನ್ನಿ ಲಿಯೋನ್ ಪತಿ ಡೇನಿಯಲ್ ವೆಬರ್ ಕಾರಿನ ನಂಬರ್ ದುರ್ಬಳಕೆ ಮಾಡಿಕೊಂಡ ಆರೋಪದ ಮೇಲೆ ವ್ಯಕ್ತಿಯೊಬ್ಬನನ್ನು ಮುಂಬೈನ ವರ್ಸೋವಾ ಪೊಲೀಸರು ಬಂಧಿಸಿದ್ದಾರೆ.
ಆರೋಪಿಯನ್ನು ಪಿಯುಷ್ ಸೇನ್ ಎಂದು ಗುರುತಿಸಲಾಗಿದೆ. ಬುಧವಾರ ಒಂದು ದಿನದವರೆಗೆ ಪೊಲೀಸ್ ಕಸ್ಟಡಿಯಲ್ಲಿದ್ದ ಪಿಯುಷ್ರನ್ನು ದಂಡ ಕಟ್ಟಿಸಿಕೊಂಡು ಎಚ್ಚರಿಕೆ ನೀಡಿ ಇಂದು ಬಿಟ್ಟು ಕಳುಹಿಸಿದ್ದಾರೆ.
ಇನ್ನು 2020ರ ಸೆಪ್ಟೆಂಬರ್ನಲ್ಲಿ ಸಂಚಾರ ನಿಯಮ ಉಲ್ಲಂಘನೆ ಅಡಿಯಲ್ಲಿ ಸನ್ನಿ ಪತಿ ಡೇನಿಯಲ್ ಕೆಲವು ರಶೀದಿಗಳನ್ನು ಸ್ವೀಕರಿಸಿದ್ದರಂತೆ. ಆದರೆ, ನಿಯಮ ಉಲ್ಲಂಘನೆ ಮಾಡಿದ್ದು ಇದೇ ಪಿಯುಷ್ ಸೇನ್ ಎಂದು ಮುಂಬೈ ಸಂಚಾರಿ ನಿಯಂತ್ರಣ ಡಿಸಿಪಿ ಮಾಹಿತಿ ನೀಡಿದರು.
ಇದನ್ನೂ ಓದಿರಿ: ಬೈಕ್ ಕಳ್ಳನ ಸೆರೆ ಹಿಡಿಯಿತು ಸಿಸಿಟಿವಿ ಕ್ಯಾಮರಾ, ವಿಡಿಯೋ ಈಗ ವೈರಲ್…
ಪಿಯುಷ್ ಹೇಗೆ ಸಿಕ್ಕಿಬಿದ್ದ?
ಡೇನಿಯಲ್ ಕಾರು ಚಾಲಕ ಅಕ್ಬರ್ ಖಾನ್ ಮಂಗಳವಾರ ಸೇಮ್ ನಂಬರ್ ಇರುವ ಕಾರನ್ನು ಅಂಧೇರಿಯಲ್ಲಿರುವ ಅಚ್ಯುತ್ರಾವ್ ಪಟವರ್ಧನ್ ಮಾರ್ಗ್ ಬಳಿ ಪತ್ತೆ ಹಚ್ಚಿದ್ದಾರೆ. ಬಳಿಕ ಕಾರಿನ ನಂಬರ್ ದುರ್ಬಳಕೆ ಆಗುತ್ತಿರುವುದನ್ನು ಡಿಎನ್ ನಗರ ಸಂಚಾರಿ ಕಾನ್ಸ್ಟೇಬಲ್ಗೆ ಅಕ್ಬರ್ ದೂರು ನೀಡಿದ್ದಾರೆ. ಈ ವೇಳೆ ಕಾನ್ಸ್ಟೇಬಲ್ ಪಿಯುಷ್ನನ್ನು ತಡೆದು ದಾಖಲೆಗಳನ್ನು ತೋರಿಸುವಂತೆ ಕೇಳಿದ್ದಾರೆ.
ಈ ವೇಳೆ ಪಿಯುಷ್ ಕಾರಿನ ದಾಖಲೆಗಳನ್ನು ತೋರಿದ್ದಾನೆ. ಆದರೆ, ನೋಂದಣಿ ಮತ್ತು ಚಾಸಿಸ್ ಸಂಖ್ಯೆಯಲ್ಲಿ ವ್ಯತ್ಯಾಸ ಇರುವುದನ್ನು ಕಾನ್ಸ್ಟೇಬಲ್ ಗಮನಿಸಿದ್ದಾರೆ. ಇದಾದ ಬಳಿಕ ಡೇನಿಯಲ್ ಸಹ ಮುಂಬೈ ಠಾಣೆಗೆ ಆಗಮಿಸಿ ಕಾರಿನ ದಾಖಲೆಗಳನ್ನು ನೀಡಿದ್ದಾರೆ. ಆಗಲೇ ಪಿಯುಷ್ಗೆ ಗೊತ್ತಾಗಿದ್ದು ಇಷ್ಟು ದಿನ ತಾನು ಬಳಸುತ್ತಿದ್ದು ಸನ್ನಿ ಲಿಯೋನ್ ಪತಿಯ ಕಾರಿನ ನಂಬರ್ ಎಂದು. ತಕ್ಷಣ ಆತ ಗೊಂದಲಕ್ಕೀಡಾದ.
ಇದಾದ ಬಳಿಕ ಪಿಯುಷ್ ವಿರುದ್ಧ ಮುಂಬೈ ಸಂಚಾರಿ ಪೊಲೀಸರು ಮೋಟಾರು ಕಾಯ್ದೆ ಅಡಿಯಲ್ಲಿ ದೂರು ದಾಖಲಿಸಿ ಕ್ರಮ ಜರುಗಿಸಿದ್ದಾರೆ. (ಏಜೆನ್ಸೀಸ್)
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಸರ್ಕಾರದ ಹೊಸ ನೀತಿಯಿಂದ ವಾಟ್ಸ್ಆ್ಯಪ್ಗೆ ಬ್ರೇಕ್?! ಇನ್ಮೇಲೆ ವಾಟ್ಸ್ಆ್ಯಪ್ ಕಥೆ ಏನು?
ಕೆಎಸ್ಆರ್ಟಿಸಿ ಬಸ್ ಕಳುವು ಮಾಡಿದವ ಅಂದರ್: ಖದೀಮ ಕೊಟ್ಟ ಕಾರಣ ಕೇಳಿ ಪೊಲೀಸರೇ ತಬ್ಬಿಬ್ಬು!