ಮುಂಬೈ: ಬಾಲಿವುಡ್ ನಟಿ ಮಲೈಕಾ ಅರೋರಾ ಯಾರಿಗೆ ತಾನೆ ಗೊತ್ತಿಲ್ಲ? ಅರ್ಬಾಜ್ ಖಾನ್ ಜತೆ ವಿಚ್ಛೇದನ ಪಡೆದ ಮೇಲೆ ಅರ್ಜುನ್ ಕಪೂರ್ ಜತೆ ಪ್ರೀತಿ ಬೆಳೆಸಿರುವ ಮಲೈಕಾ ಸದಾ ಸುದ್ದಿಯಲ್ಲಿರುವಂತವರು. ಈ ನಟಿಗೆ ಅವರ ಮೊದಲನೇ ಪತಿ ಅರ್ಬಾಜ್ ಏನೋ ಗಿಫ್ಟ್ ಕಳುಹಿಸಿಕೊಟ್ಟಿದ್ದಾರಂತೆ.
ಮಲೈಕಾ ಮತ್ತು ಅರ್ಬಾಜ್ ವಿಚ್ಛೇದನವಾದ ನಂತರವೂ ಸಂಪರ್ಕದಲ್ಲಿದ್ದಾರೆ. ಇದೀಗ ಮಾವಿನ ಹಣ್ಣಿನ ಸೀಸನ್ ಆರಂಭವಾಗಿರುವ ಹಿನ್ನೆಲೆಯಲ್ಲಿ ಒಂದು ಬಾಕ್ಸ್ ಮಾವಿನ ಹಣ್ಣನ್ನು ಅರ್ಬಾಜ್, ಮಲೈಕಾಗೆ ಗಿಫ್ಟ್ ರೂಪದಲ್ಲಿ ಕಳುಹಿಸಿಕೊಟ್ಟಿದ್ದಾರಂತೆ. ಈ ವಿಚಾರವನ್ನು ಸ್ವತಃ ಮಲೈಕಾ ಅವರೇ ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದಾರೆ. ಮ್ಯಾಂಗೋ ಗಿಫ್ಟ್ಗೆ ಥ್ಯಾಂಕ್ಸ್ ಅರ್ಬಾಜ್ ಎಂದು ಬರೆದುಕೊಂಡಿದ್ದಾರೆ.
1998ರಲ್ಲಿ ದಾಂಪತ್ಯ ಜೀವನ ಆರಂಭಿಸಿದ್ದ ಮಲೈಕಾ ಮತ್ತು ಅರ್ಬಾಜ್ 18 ವರ್ಷಗಳ ನಂತರ ವಿಚ್ಛೇದನ ಪಡೆದಿದ್ದರು. ವಿಚ್ಛೇದನಕ್ಕೆ ನಿಖರ ಕಾರಣವನ್ನು ಈವರೆಗೂ ಎಲ್ಲಿಯೂ ತಿಳಿಸಿಲ್ಲ. ಅದಾದ ನಂತರ ಮಲೈಕಾ ಅವರು ಅರ್ಜುನ್ ಕಪೂರ್ನೊಂದಿಗೆ ಪ್ರೀತಿಯ ಬಲೆಗೆ ಬಿದ್ದರೆ, ಅರ್ಬಾಜ್ ಜಾರ್ಜಿಯಾ ಜತೆ ಪ್ರೀತಿಯಲ್ಲಿದ್ದಾರೆ. (ಏಜೆನ್ಸೀಸ್)
ಬಾಯ್ಫ್ರೆಂಡ್ ಅನ್ನು ಮನೆಗೆ ಕರೆದುಕೊಂಡು ಬಂದಳೆಂದು 6ನೇ ಮಹಡಿಯಿಂದ ಮಹಿಳೆಯನ್ನು ದೂಡಿ ಕೊಲೆ ಮಾಡಿದ ಮಾಲೀಕ!