ಬೆಂಗಳೂರು: ಪುನೀತ್ ಅಭಿನಯದ ಕೊನೆಯ ಚಿತ್ರ ‘ಗಂಧದ ಗುಡಿ’ ಈಗಾಗಲೇ ಬಿಡುಗಡೆಯಾಗಿ ಎಲ್ಲಡೆಯಿಂದ ಮೆಚ್ಚುಗೆ ಪಡೆಯುತ್ತಿದೆ. ಈ ಚಿತ್ರವನ್ನು ಹೇಗೆ ಮಾಡಿರಬಹುದು ಎಂಬ ಕುತೂಹಲ ಪ್ರೇಕ್ಷಕರಿಗೆ ಇರಬಹುದು. ಆ ಕುತೂಹಲವನ್ನು ತಣಿಸುವುದಕ್ಕೆಂದೇ ಇದೀಗ ನ. 14ರಂದು ಚಿತ್ರದ ಮೇಕಿಂಗ್ ವಿಡಿಯೋ ಬಿಡುಗಡೆ ಮಾಡಲಾಗುತ್ತಿದೆ.
ಇದನ್ನೂ ಓದಿ: ಬಾಲಿವುಡ್ ಚಿತ್ರ ನಿರ್ದೇಶನಕ್ಕೆ ನೋ ಎಂದ ರಿಷಭ್; ಕನ್ನಡದಲ್ಲಿ ನಿರ್ದೇಶನ ಮಾಡುವುದಾಗಿ ಹೇಳಿಕೆ …
ಹೌದು, ‘ಗಂಧದ ಗುಡಿ’ ಚಿತ್ರ ಹೇಗೆ ಶುರುವಾಯ್ತು, ಹೇಗೆ ಮತ್ತು ಎಲ್ಲೆಲ್ಲಿ ಚಿತ್ರೀಕರಣವಾಯ್ತು, ಚಿತ್ರೀಕರಣದ ಅನುಭವಗಳು ಹೇಗಿತ್ತು ಎಂದು ಚಿತ್ರತಂಡದವರು ಹೇಳಿಕೊಂಡಿದ್ದಾರೆ. ಈ ಮೇಕಿಂಗ್ ವಿಡಿಯೋ ನ. 14ರಂದು ಯೂಟ್ಯೂಬ್ನ ಪಿಆರ್ಕೆ ಆಡಿಯೋದಲ್ಲಿ ಬಿಡುಗಡೆಯಾಗಲಿದ್ದು, ಮುಂಚಿತವಾಗಿ ಇಂದು ಪ್ರೋಮೋ ಬಿಡುಗಡೆಯಾಗಿದೆ.
ಅಪ್ಪುವಿನ ಕನಸಾದ ‘ಗಂಧದ ಗುಡಿ’ಯ ಎಕ್ಸ್ಕ್ಲೂಸಿವ್ ತೆರೆಮರೆಯ ದೃಶ್ಯಗಳನ್ನು ಅನುಭವಿಸಿ ಎಂದು ಈ ಪ್ರೋಮೋದಲ್ಲಿ ಅಶ್ವಿನಿ ಪುನೀತ್ ರಾಜಕುಮಾರ್ ಈ ಪ್ರೋಮೋದಲ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ: ಆಸೆಪಟ್ಟಿದ್ದು ಕೋಳಿ ಕಳ್ಳನ ಪಾತ್ರ; ಸಿಕ್ಕಿದ್ದು ಇನ್ಸ್ಪೆಕ್ಟರ್ ಪಾತ್ರ …
‘ಗಂಧದ ಗುಡಿ’ ಬಗ್ಗೆ ಈ ಹಿಂದೆ ಮಾತನಾಡಿದ್ದ ಚಿತ್ರದ ನಿರ್ದೇಶಕ ಅಮೋಘವರ್ಷ, ‘ಕನ್ನಡ ಚಿತ್ರರಂಗದಲ್ಲಿ ಇತ್ತೀಚೆಗೆ ಬೇರೆಬೇರೆ ಶೈಲಿಯ ಒಳ್ಳೆಯ ಕಂಟೆಂಟ್ ಇರುವ ಸಿನಿಮಾಗಳು ಬರುತ್ತಿವೆ. ಇದು ಸಹ ವಿಭಿನ್ನವಾದ ಚಿತ್ರ. ಇದೊಂದು ಚಿತ್ರ ಎನ್ನುವುದಕ್ಕಿಂತ ಇದೊಂದು ಅನುಭವ ಎಂದರೆ ತಪ್ಪಿಲ್ಲ. ‘ಗಂಧದ ಗುಡಿ’ಯನ್ನು ಅಪ್ಪು ಅವರ ಕಣ್ಣಲ್ಲಿ ನೋಡುವ ಒಂದು ವಿಭಿನ್ನವಾದ ಅನುಭವ. ಈ ಫಾರ್ಮಾಟ್ಗೆ ಏನು ಹೆಸರಿಡಬೇಕು ಅಂತ ನನಗೆ ನಿಜವಾಗಲೂ ಗೊತ್ತಿಲ್ಲ. ಈ ತರಹದ ಫಾರ್ಮೆಟ್ನ ಚಿತ್ರವನ್ನು ನಾನು ಇದುವರೆಗೂ ಎಲ್ಲೂ ನೋಡಿಲ್ಲ’ ಎಂದು ಹೇಳಿಕೊಂಡಿದ್ದರು.
ತಾಯಿಯಾದ ಸಂತಸದಲ್ಲಿ ಬಿಪಾಶಾ; ಹೆಣ್ಣು ಮಗು ಜನಿಸುತ್ತಿದ್ದಂತೆ ಹೆಸರಿಟ್ಟ ನಟಿ!