ಕೋಲಾರ: ಕೋಲಾರ ಲೋಕಸಭಾ ಕ್ಷೇತ್ರದ ಕರ್ನಾಟಕ ರಾಷ್ಟ್ರ ಸಮಿತಿ (ಕೆಆರ್ಎಸ್) ಅಭ್ಯರ್ಥಿ ಎ.ವಿ.ಮಹೇಶ್ ಗುರುವಾರ ಜಿಲ್ಲಾ ಚುನಾವಣಾಧಿಕಾರಿ ಅಕ್ರಂಪಾಷಾಗೆ ನಾಮಪತ್ರ ಸಲ್ಲಿಸಿದ್ದು, ಒಟ್ಟು 32,76,545.00 ರೂ. ಮೌಲ್ಯದ ಆಸ್ತಿ ಹೊಂದಿರುವುದಾಗಿ ಘೋಷಿಸಿಕೊಂಡಿದ್ದಾರೆ.
50 ಸಾವಿರ ರೂ. ನಗದು ಹಾಗೂ ಎಸ್ಬಿಐ ಬ್ಯಾಂಕಿನಲ್ಲಿ 63,465 ರೂ., ಎಚ್ಡಿಎ್ಸಿ ಬ್ಯಾಂಕ್ನಲ್ಲಿ 1,06,534, ಯೂನಿಯನ್ ಬ್ಯಾಂಕಿನಲ್ಲಿ 1,84,349 ರೂ. ಹಾಗೂ ಐಸಿಐಸಿ ಬ್ಯಾಂಕಿನಲ್ಲಿ 20,229 ಹಾಗೂ ಉಜ್ಜೀವನ್ ಬ್ಯಾಂಕಿನಲ್ಲಿ 5,200 ರೂ. ಹೊಂದಿರುವುದಾಗಿ ಅಫಿಡವಿಟ್ ಸಲ್ಲಿಸಿದ್ದಾರೆ.
ಮುರ್, ಕಂಪನಿ ನ್ಯಾಸ ಸೇರಿ ಯಾವುದೇ ವ್ಯಕ್ತಿ ಅಥವಾ ಸಂಸ್ಥೆಗೆ ನೀಡಿದ ವೈಯಕ್ತಿಕ ಸಾಲಗಾರರಿಂದ ಬರಬೇಕಾದ ಇತರ ಸ್ವೀಕೃತಿ ಮತ್ತು ಅವುಗಳ ಮೊತ್ತ 15 ಲಕ್ಷ ರೂ.ಬರಬೇಕಾಗಿದೆ. 1,58,000 ರೂ. ಮೌಲ್ಯದ ರಾಯಲ್ ಎನ್ಫೀಲ್ಡ್, 2,15,000 ರೂ.ಮೌಲ್ಯದ ಇಂಡಿಕಾ ವಿಸ್ತಾ, 7 ಲಕ್ಷ ರೂ.ಮೌಲ್ಯದ ಮಾರುತಿ, 2,49,400 ರೂ. ಮೌಲ್ಯದ 43 ಗ್ರಾಂ ಚಿನ್ನ ಹಾಗೂ ಪತ್ನಿ ಹೆಸರಿನಲ್ಲಿ 3,77,000 ರೂ. ಮೌಲ್ಯದ 65 ಗ್ರಾಂ. ಚಿನ್ನ ಹೊಂದಿರುವುದಾಗಿ ಘೋಷಿಸಿಕೊಂಡಿದ್ದಾರೆ.