ಬೆಂಗಳೂರು: ಯುವತಿಯರೇ ಎಚ್ಚರ, ಕಂಡ ಕಂಡಲ್ಲಿ ಸಾಲ ಪಡೆಯೋಕು ಮುನ್ನ ಜೋಕೆ! ಹಣ ಪಡೆಯುವ ಭರದಲ್ಲಿ ನಿಮ್ಮ ಮೊಬೈಲ್ ನಂಬರ್ ಶೇರ್ ಮಾಡಿಕೊಂಡರೆ ಕೆಲ ಕಿಡಿಗೇಡಿಗಳು ಸಾಲ ವಸೂಲಿ ಹೆಸರಲ್ಲಿ ನಿಮ್ಮನ್ನೇ ಬ್ಲ್ಯಾಕ್ಮೇಲ್ ಮಾಡಿ ಹೆಚ್ಚು ಹಣ ದೋಚುತ್ತಾರೆ. ಜತೆಗೆ ಮಾನಸಿಕ ಕಿರುಕುಳ ನೀಡುತ್ತಾರೆ.
ಆನ್ಲೈನ್ ಆ್ಯಪ್ನಲ್ಲಿ ಸಾಲ ಪಡೆದಿದ್ದ ಯುವತಿಗೆ ದುಷ್ಕರ್ಮಿಯೊಬ್ಬ ಕರೆ ಮಾಡಿ ಕಿರುಕುಳ ನೀಡಿದ್ದಾನೆ. ಹಣ ವಾಪಸ್ ಕೊಟ್ಟರೂ ಆಕೆಯ ಫೋಟೋಗಳನ್ನು ಅಶ್ಲೀಲವಾಗಿ ಮಾರ್ಪಡಿಸಿ ಹಣಕ್ಕಾಗಿ ಬ್ಲ್ಯಾಕ್ಮೇಲ್ ಮಾಡುತ್ತಿದ್ದಾನೆ. ಇದನ್ನೂ ಓದಿರಿ ಅಕ್ರಮವಾಗಿ ಮರಳು ತೆಗೆಯಲು ಅಪ್ಪನ ಜತೆ ಹೋಗಿದ್ದ ಯುವತಿ ಅಲ್ಲೇ ಪ್ರಾಣಬಿಟ್ಟಳು!
ಸಿದ್ದಾಪುರದ ನಿವಾಸಿ, 25 ವರ್ಷದ ಯುವತಿಯೊಬ್ಬಳು “ಕ್ಯಾಶ್ ಬೀನ್” ಎಂಬ ಆ್ಯಪ್ನಲ್ಲಿ 10,800 ರೂ. ಸಾಲ ಪಡೆದಿದ್ದಳು. ಸಾಲದ ಹಣಕ್ಕೆ ಬಡ್ಡಿ ಸೇರಿ 12,419 ರೂ. ಆಗಿತ್ತು. ಆ.26ರಂದು ವಿವಿಧ ನಂಬರ್ಗಳಿಂದ ಕರೆ ಮಾಡಿದ್ದ ವ್ಯಕ್ತಿಯೊಬ್ಬ ಸಾಲ ಕಟ್ಟುವಂತೆ ಸೂಚಿಸಿದ್ದ. ಬಳಿಕ ಯುವತಿ 3 ಸಾವಿರ ರೂ ಪಾವತಿಸಿದ್ದಳು. ನಂತರ ಅಪರಿಚಿತ ವ್ಯಕ್ತಿ ಯುವತಿಯ ಫೋಟೋವನ್ನು ಅಶ್ಲೀಲವಾಗಿ ಮಾರ್ಪಡಿಸಿ ವ್ಯಾಟ್ಸ್ಆ್ಯಪ್ಗೆ ರವಾನಿಸಿದ್ದ. ಹಣ ಕೊಡಿ, ಇಲ್ಲವಾದರೆ ಸಾಮಾಜಿಕ ಜಾಲತಾಣದಲ್ಲಿ ಈ ಫೋಟೋ ಅಪ್ಲೋಡ್ ಮಾಡಿ ಮರ್ಯಾದೆ ಕಳೆಯುವೆ ಎಂದು ಬೆದರಿಸಿದ್ದ.
ಅಪರಿಚಿತನ ಬೆದರಿಕೆಗೆ ಭಯಗೊಂಡ ಯುವತಿ 12 ಸಾವಿರ ರೂ. ಸಂದಾಯ ಮಾಡಿದ್ದಳು. ಬಳಿಕವೂ ಫೋನ್ ಮಾಡಿದ್ದ ಆರೋಪಿ ಇನ್ನಷ್ಟು ಹಣ ಕೊಡುವಂತೆ ಬ್ಲ್ಯಾಕ್ಮೇಲ್ ಮಾಡಿದ್ದಾನೆ. ಈ ವಿಚಾರವನ್ನು ಯುವತಿ ತನ್ನ ಆಪ್ತರೊಬ್ಬರ ಬಳಿ ಹೇಳಿಕೊಂಡಿದ್ದಳು. ಅವರ ಸಲಹೆ ಮೇರೆಗೆ ದೂರು ಕೊಟ್ಟಿದ್ದಾಳೆ. ದಕ್ಷಿಣ ವಿಭಾಗ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಬಾಲಕನ ಪ್ರಾಣ ತೆಗೆದ ಜೋಕಾಲಿ, ಆನ್ಲೈನ್ ಪಾಠ ಕೇಳುತ್ತಲೇ ಪ್ರಾಣಬಿಟ್ಟ!