ನವದೆಹಲಿ: ಕರ್ನಾಟಕ ಮತ್ತು ಬಿಹಾರದ ವಿಧಾನ ಪರಿಷತ್ತಿನ ಒಟ್ಟು ಒಂಭತ್ತು ಸ್ಥಾನಗಳಿಗೆ ಅಭ್ಯರ್ಥಿಗಳ ಪಟ್ಟಿಯನ್ನು ಬಿಜೆಪಿ ಇಂದು ಸಂಜೆ ಪ್ರಕಟಿಸಿದೆ. ಇದರಲ್ಲಿ ಬಿಹಾರದ ಐದು ಮತ್ತು ಕರ್ನಾಟಕದ ನಾಲ್ಕು ಸ್ಥಾನಗಳ ಅಭ್ಯರ್ಥಿಗಳ ಹೆಸರಿವೆ.
ಈ ಪಟ್ಟಿ ಪ್ರಕಾರ, ಬಿಹಾರದ ಕೋಸಿ ಸ್ನಾತಕ್ ಕ್ಷೇತ್ರಕ್ಕೆ ಎನ್.ಕೆ.ಯಾದವ್, ಪಟನಾ ಶಿಕ್ಷಕ ಕ್ಷೇತ್ರಕ್ಕೆ ನವಲ್ ಕಿಶೋರ್ ಯಾದವ್, ದರ್ಬಂಗ್ ಶಿಕ್ಷಕ ಕ್ಷೇತ್ರಕ್ಕೆ ಸುರೇಶ್ ರಾಯ್, ತಿರ್ಹತ್ ಶಿಕ್ಷಕ ಕ್ಷೇತ್ರಕ್ಕೆ ನರೇಂದ್ರ ಸಿಂಹ, ಸಾರಣ್ ಶಿಕ್ಷಕ ಕ್ಷೇತ್ರಕ್ಕೆ ಚಂದ್ರಮಾ ಸಿಂಹರನ್ನು ಅಭ್ಯರ್ಥಿಗಳಾಗಿ ಬಿಜೆಪಿ ಕಣಕ್ಕೆ ಇಳಿಸಿದೆ.
ಇದನ್ನೂ ಓದಿ: ಚಾಹಲ್-ಪಡಿಕಲ್ ಸಾಹಸ, ಲಯ ಕಂಡ ಕೊಹ್ಲಿ, ಆರ್‌ಸಿಬಿಗೆ 3ನೇ ಗೆಲುವು
ಇದೇ ರೀತಿ, ಕರ್ನಾಟಕದಲ್ಲಿ ಆಗ್ನೇಯ ಸ್ನಾತಕ ಕ್ಷೇತ್ರಕ್ಕೆ ಚಿದಾನಂದ ಎಂ.ಗೌಡ, ಪಶ್ಚಿಮ ಸ್ನಾತಕ ಕ್ಷೇತ್ರಕ್ಕೆ ಎಸ್.ವಿ.ಸಂಕನೂರ, ಈಶಾನ್ಯ ಶಿಕ್ಷಕ ಕ್ಷೇತ್ರಕ್ಕೆ ಶಶಿಲ್ ಜಿ ನಮೋಶಿ, ಬೆಂಗಳೂರು ಶಿಕ್ಷಕ ಕ್ಷೇತ್ರಕ್ಕೆ ಪುಟ್ಟಣ್ಣ ಅವರು ಬಿಜೆಪಿ ಅಭ್ಯರ್ಥಿಗಳಾಗಿ ಕಣಕ್ಕೆ ಇಳಿದಿದ್ದಾರೆ. (ಏಜೆನ್ಸೀಸ್)
