ಸೈರೊ: ವೃತ್ತಿಯಲ್ಲಿ ವೈದ್ಯೆಯಾಗಿರುವ ಮಹಿಳೆಯೊಬ್ಬಳು ಮನೆಗೆ ಬಾಯ್ಫ್ರೆಂಡ್ನನ್ನು ಕರೆದುಕೊಂಡು ಬಂದಳೆಂದು ಮನೆಯ ಮಾಲೀಕನೇ ಆಕೆಯನ್ನು ಆರನೇ ಮಹಡಿಯಿಂದ ತಳ್ಳಿ ಕೊಲೆ ಮಾಡಿರುವ ಘಟನೆ ಈಜಿಪ್ಟ್ನಲ್ಲಿ ನಡೆದಿದೆ.
ಆ ಮಹಿಳೆ ತನ್ನ ಕೆಲಸ ಮುಗಿಸಿ ಮನೆಗೆ ಬರುವಾಗ ಬಾಯ್ಫ್ರೆಂಡ್ನನ್ನು ಕರೆದುಕೊಂಡು ಬಂದಿದ್ದಳಂತೆ. ಆದರೆ ಈಜಿಪ್ಟ್ನಲ್ಲಿ ಕೆಲವು ವಿಚಿತ್ರ ನಿಯಮಗಳಿವೆ. ಯಾವುದೇ ಹೆಣ್ಣು ಮಗಳು ಮದುವೆಗೂ ಮೊದಲು ಬೇರೊಬ್ಬ ಗಂಡಸಿನ ಜತೆ ಇರುವಂತಿಲ್ಲ, ಮನೆಯಿಂದ ಹೊರಗೆ ಹೋಗುವಾಗ ಗಂಡಸಿನ ಅನುಮತಿ ಪಡೆದೇ ಹೋಗಬೇಕು ಎನ್ನುವ ಕಟ್ಟಪಾಡುಗಳಿವೆ. ಆದರೆ ನಿಯಮಗಳನ್ನೆಲ್ಲ ಗಾಳಿಗೆ ತೂರಿ ಬಾಯ್ಫ್ರೆಂಡ್ನ್ನು ಮನೆಗೆ ಕರೆದುಕೊಂಡ ಬಂದ ಮಹಿಳೆಯನ್ನು ತರಾಟೆಗೆ ತೆಗೆದುಕೊಳ್ಳಲೆಂದು ಮನೆಗೆ ಮಾಲೀಕ ಆ ಮನೆಗೆ ತೆರಳಿದ್ದಾನೆ. ಬಹುಮಹಡಿಯ ಕಟ್ಟಡದ ಆರನೇ ಮಹಡಿಯ ಮನೆಯ ಮಹಿಳೆ ವಾಸವಿದ್ದು, ಮಾಲೀಕ ಅಲ್ಲೇ ಆಕೆಯೊಂದಿಗೆ ಜಗಳವಾಡಿದ್ದಾನೆ. ಸಿಟ್ಟಿನಿಂದ ಆಕೆಯನ್ನು ಬಾಲ್ಕನಿಯಿಂದ ಹೊರಗೆ ನೂಕಿದ್ದಾನೆ. ಮಹಿಳೆ ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ.
ಈ ವಿಚಾರ ತಿಳಿದುಬರುತ್ತಿದ್ದಂತೆಯೇ ಸ್ಥಳಕ್ಕೆ ಬಂದ ಪೊಲೀಸರು ಮನೆ ಮಾಲೀಕನನ್ನು ವಶಕ್ಕೆ ಪಡೆದಿದ್ದಾರೆ. ಆದರೆ ಆತ ಕೊಲೆ ಮಾಡಿಲ್ಲವೆಂದು ವಾದ ಮಾಡಲಾರಂಭಿಸಿದ್ದಾನೆ. ಮಹಿಳೆಗೆ ಮಾನಸಿಕ ಅಸ್ವಸ್ಥತೆಯಿದ್ದು, ಅದೇ ಕಾರಣಕ್ಕೆ ಆಕೆ ಮಹಡಿಯಿಂದ ಹಾರಿ ಸಾವನ್ನಪ್ಪಿದ್ದಾಳೆ ಎಂದಿದ್ದಾನೆ. ಸದ್ಯ ಈ ಪ್ರಕರಣದ ತನಿಖೆ ನಡೆಯುತ್ತಿದೆ. ಈ ಕೃತ್ಯವನ್ನು ಖಂಡಿಸಿ ಮಹಿಳಾ ಸಂಸ್ಥೆಗಳು ಹೋರಾಟ ಆರಂಭಿಸಿವೆ. (ಏಜೆನ್ಸೀಸ್)
ಆಮೆಗಳನ್ನೇ ತಿನ್ನುತ್ತವೆ ಏಡಿಗಳು! ಏಡಿ ಹುಟ್ಟಿದ್ದು ಜೇಡದಿಂದ..! ಏಡಿ ಬಗ್ಗೆ ನಿಮಗೆ ಗೊತ್ತಿಲ್ಲದ ವಿಚಾರಗಳಿವು..
ಪೆಟ್ರೋಲ್, ಡೀಸೆಲ್ ಬೆಲೆಯಲ್ಲಿ ಇಳಿಕೆ! ಇನ್ನಷ್ಟು ಇಳಿಯುವ ಸಾಧ್ಯತೆ..!