ನವದೆಹಲಿ: ನಾಲ್ಕು ತಿಂಗಳಲ್ಲಿ ಒಮ್ಮೆಯೂ ಸ್ನಾನ ಮಾಡದ 18 ವರ್ಷದ ಯುವತಿಯಿಂದ ಬೇಸತ್ತ ರೂಮ್ಮೇಟ್ ಆಕೆಯನ್ನು ಫ್ಲ್ಯಾಟ್ನಿಂದಲೇ ಹೊರಹಾಕಿದ ಪ್ರಕರಣವೊಂದು ನಡೆದಿದೆ. ಜತೆಗಿದ್ದ ಯುವತಿ ಸ್ವಚ್ಛತೆಗೆ ಮಹತ್ವ ನೀಡುತ್ತಿಲ್ಲ ಎಂದು 23 ವರ್ಷದ ರೂಮ್ಮೇಟ್ ಆಕೆಯನ್ನು ಫ್ಲ್ಯಾಟ್ನಿಂದ ಹೊರಹಾಕಿದ್ದಾಗಿ ಹೇಳಿಕೊಂಡಿದ್ದಾಳೆ.
ನಾವಿಬ್ಬರೂ ನಾಲ್ಕು ತಿಂಗಳಿನಿಂದ ಜೊತೆಗಿದ್ದೇವೆ. ಸ್ನಾನ ಮಾಡದ ಅವಳೊಂದಿಗೆ ಇರಲು ಸಾಧ್ಯವಾಗುತ್ತಿಲ್ಲ. ನಾಲ್ಕು ತಿಂಗಳಿಂದ ಒಮ್ಮೆಯೂ ಆಕೆ ಸ್ನಾನ ಮಾಡಿಲ್ಲ. ಅದರಲ್ಲೂ ಆಕೆ ಬೆಳಗ್ಗೆ 2 ಗಂಟೆ ರನ್ನಿಂಗ್ ಹೋಗುತ್ತಾಳೆ. ಹಾಗೆ ಬೆವರಿದ್ದರೂ ಆಕೆ ಸ್ನಾನ ಮಾಡುತ್ತಿಲ್ಲ. ಆ ವಾಸನೆ ನನಗೆ ಹೊಟ್ಟೆ ತೊಳೆಸಿದಂತಾಗುತ್ತಿದೆ ಎಂದು ಆಕೆ ಹೇಳಿಕೊಂಡಿದ್ದಾಳೆ.
ನಾನು ಆ ಬಗ್ಗೆ ಅವಳ ಬಳಿ ಹಲವು ಸಲ ಹೇಳಿಕೊಂಡಿದ್ದರೂ ಆಕೆ ಮಾಡುತ್ತೇನೆ ಎಂದರೂ ಮತ್ತೆ ಮಾಡುತ್ತಿರಲಿಲ್ಲ. ವಾಸನೆ ಬರುತ್ತಿದ್ದರೂ ಆಕೆ ಸ್ನಾನ ಮಾಡುತ್ತಿರಲಿಲ್ಲ. ಒಂದೇ ಸ್ನಾನ ಮಾಡು ಇಲ್ಲವೇ ಫ್ಲ್ಯಾಟ್ನಿಂದ ಹೊರಹಾಕುವುದಾಗಿ ಹೇಳಿದೆ. ಕೊನೆಗೂ ಸ್ನಾನ ಮಾಡದ ಆಕೆಯನ್ನು ಫ್ಲ್ಯಾಟ್ ಮಾಲೀಕರಿಗೆ ತಿಳಿಸಿ ಅವಳನ್ನು ಹೊರಹಾಕಲಾಗಿದೆ ಎಂದು ಯುವತಿ ರೆಡಿಟ್ನಲ್ಲಿ ಹೇಳಿಕೊಂಡಿದ್ದು ವೈರಲ್ ಆಗಿದೆ. ಆದರೆ ಇದು ಎಲ್ಲಿ ನಡೆದಿದ್ದು ಎಂಬಿತ್ಯಾದಿ ಮಾಹಿತಿ ಬಹಿರಂಗಪಡಿಸಿಲ್ಲ. –ಏಜೆನ್ಸೀಸ್
ಒಂದೇ ಜಿಲ್ಲೆಯ 15 ಪುರುಷರ ಸಂತಾನಶಕ್ತಿ ಹರಣ; ಸ್ವಯಂಪ್ರೇರಿತರಾಗಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿ ಗಮನಸೆಳೆದರು!