ಮುಂಬೈ: ಮಾಧ್ಯಮದವರು ತಮ್ತು ಅಭಿಮಾನಿಗಳಿಗೆ ಪ್ರಭಾಸ್ ಸಿಕ್ಕಾಗಲೆಲ್ಲ ಅವರಿಗೆ ಎದುರಾಗುತ್ತಿದ್ದುದು ಒಂದೇ ಪ್ರಶ್ನೆ ಎಂದರೆ, ಮದುವೆ ಯಾವಾಗ ಎಂದು. ಈ ಪ್ರಶ್ನೆ ಕೇಳಿ ಬಂದಾಗಲೆಲ್ಲ ಪ್ರಭಾಸ್ ನಾಚಿ ನೀರಾಗುತ್ತಿದ್ದರು. ಮೊದಲು ಅನುಷ್ಕಾ ಶೆಟ್ಟಿ ಮತ್ತು ಪ್ರಭಾಸ್ ಮದುವೆ ಆಗುತ್ತಿದ್ದಾರೆ ಎಂದು ಸುದ್ದಿಯಾಯಿತು. ಈಗ ಪ್ರಭಾಸ್ ಮತ್ತು ಕೃತಿ ಸನಾನ್ ಪ್ರೀತಿಸುತ್ತಿದ್ದಾರೆ ಮತ್ತು ಸದ್ಯದಲ್ಲೇ ಮದುವೆಯಾಗಲಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ.
ಇದನ್ನೂ ಓದಿ: ನಟ ಸಿದ್ಧಾರ್ಥ್ ಮಲ್ಹೋತ್ರಾ – ನಟಿ ಕಿಯಾರಾ ಅಡ್ವಾನಿ ಭರ್ಜರಿ ಮದುವೆ
ರಾಮಾಯಣವನ್ನು ಆಧರಿಸಿದ ‘ಆದಿಪುರುಷ್’ ಚಿತ್ರದಲ್ಲಿ ಪ್ರಭಾಸ್ ಮತ್ತು ಕೃತಿ, ರಾಮ-ಸೀತೆಯಾಗಿ ಅಭನಯಿಸಿದ್ದಾರೆ. ಚಿತ್ರೀಕರಣ ಸಂದರ್ಭದಲ್ಲೇ ಅವರಿಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದಾರೆ, ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿ ಕೇಳಿ ಬಂದಿತ್ತು. ಆದರೆ, ಈ ವಿಷಯವನ್ನು ಇಬ್ಬರೂ ನಿರಾಕರಿಸುತ್ತಲೇ ಬಂದಿದ್ದಾರೆ.
ಈಗ ಸದ್ಯದಲ್ಲೇ ಅವರಿಬ್ಬರ ನಿಶ್ಚಿತಾರ್ಥ ನಡೆಯಲಿದೆ ಎಂಬ ಮಾತೊಂದು ಕೇಳಿ ಬರುತ್ತಿದೆ. ಅದೂ ಇಲ್ಲಲ್ಲ, ದೂರದ ಮಾಲ್ಡೀವ್ಸ್ನಲ್ಲಿ ಸದ್ಯದಲ್ಲೇ ಪ್ರಭಾಸ್ ಮತ್ತು ಕೃತಿ ಮದುವೆ ನಡೆಯಲಿದ್ದು, ಇದೇ ವರ್ಷ ಅವರಿಬ್ಬರೂ ಸಪ್ತಪದಿ ತುಳಿಯಲಿದ್ದಾರೆ ಎಂದಬ ಮಾತಿದೆ. ಆದರೆ, ಕೆಲವರು ಅವರ ನಡುವೆ ಇರುವುದು ಪ್ರೀತಿಯಲ್ಲ, ಒಳ್ಳೆಯ ಸ್ನೇಹ ಎಂದು ಹೇಳಿಕೊಂಡೇ ಬಂದಿದ್ದಾರೆ.
ಇದನ್ನೂ ಓದಿ: ನಟ ಸಿದ್ಧಾರ್ಥ್ ಮಲ್ಹೋತ್ರಾ – ನಟಿ ಕಿಯಾರಾ ಅಡ್ವಾನಿ ಭರ್ಜರಿ ಮದುವೆ
ಹಾಗಾಗಿ, ಪ್ರಭಾಸ್ ಮತ್ತು ಕೃತಿ ಪ್ರೇಮಿಗಳೋ? ಅಥವಾ ಬರೀ ಸ್ನೇಹಿತರೋ? ಎಂಬ ಪ್ರಶ್ನೆ ಎಲ್ಲರಲ್ಲೂ ಇದ್ದೇ ಇದೆ. ಈ ಪ್ರಶ್ನೆಗೆ ಅವರಿಬ್ಬರೇ ಉತ್ತರಿಸಬೇಕು. ಆ ಉತ್ತರ ಯಾವಾಗ ಸಿಗುತ್ತದೋ, ಗೊತ್ತಿಲ್ಲ.
ಕಬ್ಜ ಚಿತ್ರದಲ್ಲಿ ತಾನ್ಯಾ; ಉಪೇಂದ್ರ ಜತೆ ವಿಶೇಷ ಹಾಡಿನಲ್ಲಿ ಮಿಂಚಲಿರುವ ನಟಿ