ಬೆಂಗಳೂರು: ಕೊರೊನಾ ವೈರಸ್ನಿಂದ ಜಗತ್ತೇ ತಲ್ಲಣಗೊಂಡಿದೆ. ಆದರೆ ಕುಡುಕರಿಗೆ ಮಾತ್ರ ಇದು ಸಿಹಿ ಸುದ್ದಿ ತಂದಿದೆ.
ಏನಪ್ಪಾ ಅಂದ್ರೆ ಬೆಂಗಳೂರಿನಲ್ಲಿ ರಾತ್ರಿ ಡ್ರಂಕ್ ಆ್ಯಂಡ್ ಡ್ರೈವ್ ಪರೀಕ್ಷೆಯನ್ನು ಮಾಡುವುದು ಬೇಡ ಎಂದು ಪೊಲೀಸರು ನಿರ್ಧರಿಸಿದ್ದಾರೆ.
ಈ ಬಗ್ಗೆ ಜಂಟಿ ಆಯುಕ್ತರು ಪೊಲೀಸರಿಗೆ ಸೂಚನೆ ಕೊಟ್ಟಿದ್ದು, ಕುಡಿದು ವಾಹನ ಚಲಾಯಿಸುವವರ ಪರೀಕ್ಷೆ ಬೇಡ ಎಂದಿದ್ದಾರೆ. ಉಸಿರಿಗೆ ಉಸಿರು ತಾಗಿ ಪೊಲೀಸರಲ್ಲೂ ಮಾರಕ ವೈರಸ್ ಕೊರೊನಾ ಹರಡೀತು ಎಂಬ ಭಯದಿಂದ ಈ ಕ್ರಮ ಕೈಗೊಳ್ಳಲಾಗಿದೆ.
ಮಾರಕ ವೈರಸ್ಗೆ ಎಲ್ಲೆಡೆ ಭೀತಿ ಆವರಿಸಿದ್ದರೆ ಬೆಂಗಳೂರಿನ ಕುಡುಕರಿಗೆ ಮಾತ್ರ ನೆಮ್ಮದಿ ತಂದಿದೆ. ಇನ್ನು ಕೆಲ ದಿನ ಡ್ರಂಕ್ ಆ್ಯಂಡ್ ಡ್ರೈವ್ ಪರೀಕ್ಷೆ ಬೇಡ ಎಂದು ಜಂಟಿ ಪೊಲೀಸ್ ಆಯುಕ್ತ ರವಿಕಾಂತೇಗೌಡ ಆದೇಶ ಹೊರಡಿಸಿದ್ದಾರೆ. (ದಿಗ್ವಿಜಯ ನ್ಯೂಸ್)