ಬೆಂಗಳೂರು : ಕರೊನಾ ಸೋಂಕಿತರಿಗೆ ಬೆಂಗಳೂರಿನ ಸರ್ಕಾರಿ ಅಥವಾ ಖಾಸಗಿ ಆಸ್ಪತ್ರೆಯಲ್ಲಿ ಬೆಡ್ನ ಅವಶ್ಯಕತೆ ಬಿದ್ದರೆ ಏನು ಮಾಡಬೇಕು ? ಯಾರನ್ನು ಸಂಪರ್ಕಿಸಬೇಕು ? ಈ ಪ್ರಶ್ನೆಗಳಿಗೆ ಸರ್ಕಾರದ ಕೋವಿಡ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್(ಇಆರ್ಟಿ) ಮತ್ತು ಬೆಂಗಳೂರಿನ ಕೋವಿಡ್ಹೆಲ್ಪ್ಲೈನ್ ಅಧಿಕಾರಿಗಳು ಉತ್ತರ ನೀಡಿದ್ದಾರೆ. ಬಿಬಿಎಂಪಿ ಖೋಟಾದ ಕೆಳಗೆ ಸರ್ಕಾರಿ /ಖಾಸಗಿ ಆಸ್ಪತ್ರೆಯಲ್ಲಿ ಬೆಡ್ಅನ್ನು ಬ್ಲಾಕ್ ಮಾಡಲು, ಈ ಕೆಳಗಿನ ವಿಧಾನವನ್ನು ಪಾಲಿಸಿ.
1. ಮೊದಲು, ಬೆಡ್ಗಳ ಲಭ್ಯತೆಯ ಬಗೆಗಿನ ಹಾಲಿ ಸ್ಟೇಟಸ್ಅನ್ನು ಈ ಲಿಂಕ್ ಬಳಸಿ ಚೆಕ್ ಮಾಡಿ –
https://covidhelplinebangalore.com/covid-19-beds-availability/
2. ಎರಡನೆಯದಾಗಿ, ನಿಮ್ಮ ಎಸ್ಆರ್ಎಫ್ ಐಡಿ ಮತ್ತು ಬಿಯು ನಂಬರ್ ರೆಡಿ ಇಟ್ಟುಕೊಳ್ಳಿ.
RAT ಪರೀಕ್ಷೆ ಅಥವಾ RTPCR ಪರೀಕ್ಷೆಯನ್ನು ತೆಗೆದುಕೊಳ್ಳುವ ಪ್ರತಿಯೊಬ್ಬ ವ್ಯಕ್ತಿಗೆ ನೀಡಲಾಗುವ 13 ಅಂಕಿಯ ಸಂಖ್ಯೆಯೇ ಎಸ್ಆರ್ಎಫ್ ಐಡಿ. ಪರೀಕ್ಷೆಗಾಗಿ ಸ್ಯಾಂಪಲ್ಅನ್ನು ಪಡೆದ ನಂತರ ಈ ಎಸ್ಆರ್ಎಫ್ ಐಡಿ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಎಸ್ಎಂಎಸ್ ಮೂಲಕ ತಲುಪಿರುತ್ತದೆ ಮತ್ತು ಪರೀಕ್ಷೆಯ ವರದಿಯಲ್ಲಿ ಕೂಡ ಮುದ್ರಿತವಾಗಿರುತ್ತದೆ.
ಇದನ್ನೂ ಓದಿ: ಭಾರತದ ಆಕ್ಸಿಜನ್ ಪೂರೈಕೆಗಾಗಿ 50 ಸಾವಿರ ಡಾಲರ್ ನೀಡಿದ ಐಪಿಎಲ್ ಆಟಗಾರ
ಬಿಯು ಸಂಖ್ಯೆಯು ಬಿಬಿಎಂಪಿ ಜನರೇಟ್ ಮಾಡುವ 6 ಅಂಕಿಯ ವಿಶಿಷ್ಟ ಸಂಖ್ಯೆಯಾಗಿದೆ. ಕೋವಿಡ್ 19 ಗೆ ಪಾಸಿಟೀವ್ ಬರುವ ರೋಗಿಗಳಿಗೆ ಮಾತ್ರ ಇದು ಜನರೇಟ್ ಆಗುತ್ತದೆ. ಸರ್ಕಾರಿ / ಖಾಸಗಿ ಲ್ಯಾಬ್ಗಳು ಟೆಸ್ಟ್ ವಿವರಗಳನ್ನು ಐಸಿಎಂಆರ್ ಪೋರ್ಟಲ್ನಲ್ಲಿ ಅಪ್ಲೋಡ್ ಮಾಡಬೇಕು. ಆಗ ಮಾತ್ರ ಬಿಯು ಸಂಖ್ಯೆ ಉತ್ಪತ್ತಿಯಾಗುತ್ತದೆ. ಆದ್ದರಿಂದ ಪರೀಕ್ಷಾ ಕೇಂದ್ರವು ನಿಮ್ಮ ಪರೀಕ್ಷಾ ವರದಿಯನ್ನು ಐಸಿಎಂಆರ್ ಪೋರ್ಟಲ್ನಲ್ಲಿ ಅಪ್ಲೋಡ್ ಮಾಡಿದೆ ಎಂದು ಖಚಿತಪಡಿಸಿಕೊಳ್ಳಿ, ಇಲ್ಲದಿದ್ದರೆ ಬಿಯು ಸಂಖ್ಯೆ ಸಿಗುವುದಿಲ್ಲ.
ಬಿಯು ನಂಬರ್ ಸಾಧಾರಣವಾಗಿ ಎಸ್ಎಂಎಸ್ ಮೂಲಕ ತಲುಪುತ್ತದೆ. ಒಂದು ವೇಳೆ ಹಾಗೆ ಸಿಗದಿದ್ದಲ್ಲಿ ಬಿಯು ನಂಬರ್ ಪಡೆಯಲು ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ – https://www.covidwar.karnataka.gov.in/service1
3. ಒಂದು ವೇಳೆ ನಿಮ್ಮ ಬಳಿ ಬಿಯು ನಂಬರ್ ಇಲ್ಲದೆ ತುರ್ತಾಗಿ ಬೆಡ್ನ ಅವಶ್ಯಕತೆ ಇದ್ದಲ್ಲಿ, 1912 ಅಥವಾ 108 ಕ್ಕೆ ಕರೆ ಮಾಡಿ. ಸಾವಿರಾರು ರೋಗಿಗಳು ಬೆಡ್ಗಳನ್ನು ಹುಡುಕುತ್ತಿರುವುದರಿಂದ ನೀವು ಹೆಚ್ಚು ಸಮಯ ಕಾಯಬೇಕಾದೀತು. ಆದ್ದರಿಂದ ತಾಳ್ಮೆ ವಹಿಸಿರಿ. ಏತನ್ಮಧ್ಯೆ ಎಸ್ಆರ್ಎಫ್ ಐಡಿ ಮತ್ತು ಬಿಯು ನಂಬರ್ ಪಡೆಯಲು ಪ್ರಯತ್ನಿಸಿ.
ಇದನ್ನೂ ಓದಿ: ಹರಿದುಬಂತು ಸಹಾಯ : ದೆಹಲಿ, ಮುಂಬೈ ತಲುಪಿದ ಆಕ್ಸಿಜನ್ ಕಾನ್ಸಂಟ್ರೇಟರ್ಗಳು
4. ನಿಮ್ಮ ಬಳಿ ಎಸ್ಆರ್ಎಫ್ ಐಡಿ ಮತ್ತು ಬಿಯು ನಂಬರ್ ರೆಡಿ ಇದ್ದರೆ, ಬಿಬಿಎಂಪಿ ವಾರ್ ರೂಮ್ಗೆ ಕರೆ ಮಾಡಿ. ಜೋನ್(ವಲಯ)ಗಳ ಪ್ರಕಾರ ಬೇರೆ ಬೇರೆ ವಾರ್ ರೂಮ್ಗಳು ಕಾರ್ಯನಿರ್ವಹಿಸುತ್ತಿವೆ. ಈ ನಂಬರ್ಗೆ ಕರೆ ಮಾಡಿ ಎಲ್ಲ ವಿವಿರಗಳನ್ನು ನೀಡಿ ಬೆಡ್ಗಾಗಿ ಮನವಿ ಮಾಡಿ.
ನೀವು ಯಾವ ಜೋನ್ಗೆ ಸೇರುತ್ತೀರಿ ಎಂದು ತಿಳಿಯಲು ಈ ಲಿಂಕ್ ಕ್ಲಿಕ್ ಮಾಡಿ -https://bbmp.gov.in/zonalclassification.html
ಜೋನಲ್ ವಾರ್ ರೂಮ್ ನಂಬರ್ಗಳು :-
ಯಲಹಂಕ ವಲಯ – 9480685964; ನೋಡಲ್ ಅಧಿಕಾರಿ – ಡಾ. ರಶ್ಮಿ – 9632819836
ಮಹಾದೇವಪುರ ವಲಯ – 08023010101, 08023010102; ನೋಡಲ್ ಅಧಿಕಾರಿ – ಡಾ.ಪ್ರಜ್ಞನ್ 9502322032
ಬೊಮ್ಮನಹಳ್ಳಿ ವಲಯ – 8884666670; ನೋಡಲ್ ಅಧಿಕಾರಿ – ಡಾ.ಕುಮಾರಸ್ವಾಮಿ 7349552658
ಆರ್.ಆರ್.ನಗರ ವಲಯ – 08028601050/08028600954; ನೋಡಲ್ ಅಧಿಕಾರಿ – ಡಾ.ಮುರಳಿ 9482224474
ದಕ್ಷಿಣ ವಲಯ – 8431816718; ನೋಡಲ್ ಅಧಿಕಾರಿ – ಡಾ. ರೆಹಾನ್ 9535586578
ಪೂರ್ವ ವಲಯ – 7411038024; ನೋಡಲ್ ಅಧಿಕಾರಿ – ಡಾ.ಆಕಾಶ್ 9886959900
ಪಶ್ಚಿಮ ವಲಯ – 08068248454; ನೋಡಲ್ ಅಧಿಕಾರಿ – ಡಾ.ಯೋಗೇಶ್ 9448550159
ದಾಸರಹಳ್ಳಿ ವಲಯ – 08028394909; ನೋಡಲ್ ಅಧಿಕಾರಿ – 7204869787
ಇದನ್ನೂ ಓದಿ: ಕರೊನಾ ರೋಗಿಗಾಗಿ ಮದುವೆ ಮಂಟಪವಾದ ಆಸ್ಪತ್ರೆ… ಪಿಪಿಇ ಕಿಟ್ನಲ್ಲಿ ವಧು !
5. ಈ ಮೇಲಿನ ಎಲ್ಲಾ ಪ್ರಯತ್ನಗಳನ್ನು ಮಾಡಿದರೂ ನಿಮಗೆ ಆಸ್ಪತ್ರೆಯ ಬೆಡ್ ಸಿಗದಿದ್ದಲ್ಲಿ, https://covidhelplinebangalore.com/covid-19-hospital-bed-request/ ಈ ಫಾರಂಅನ್ನು ಭರ್ತಿ ಮಾಡಿ ಮನವಿ ಸಲ್ಲಿಸಿ. ಬೆಡ್ ಸಿಕ್ಕೇ ಸಿಗುವುದು ಎಂದು ಗ್ಯಾರಂಟಿ ನೀಡಲಾಗುವುದಿಲ್ಲ. ಆದರೂ ಬೆಂಗಳೂರಿನ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್(ಇಆರ್ಟಿ) ಸ್ವಯಂಸೇವಕರು ಸರ್ಕಾರಿ ಅಥವಾ ಖಾಸಗಿ ಆಸ್ಪತ್ರೆಯಲ್ಲಿ ನಿಮಗೆ ಬೆಡ್ ದೊರಕಿಸಿಕೊಡಲು ಪೂರ್ಣ ಪ್ರಯತ್ನ ಮಾಡುತ್ತಾರೆ.
ಬೆಂಗಳೂರಿನ ಸರ್ಕಾರಿ ಆಸ್ಪತ್ರೆಗಳಲ್ಲಿ ಶೇ.100 ರಷ್ಟು ಮತ್ತು ಸುವರ್ಣ ಆರೋಗ್ಯ ಸುರಕ್ಷಾ ಟ್ರಸ್ಟ್ನೊಂದಿಗೆ ಎಂಪಾನೆಲ್ ಆಗಿರುವ ಕರೊನಾ ಚಿಕಿತ್ಸೆ ನೀಡುತ್ತಿರುವ ಖಾಸಗಿ ಆಸ್ಪತ್ರೆಗಳಲ್ಲಿ ಶೇ. 50 ರಷ್ಟು ಬೆಡ್ಗಳು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಖೋಟಾದ ಕೆಳಗೆ ದಾಖಲಾತಿಗೆ ತೆರೆದಿವೆ. ಈ ಮೇಲಿನ ವಿಧಾನವನ್ನು ಪಾಲಿಸಿ ಬೆಡ್ ಪಡೆಯಬಹುದು ಎಂದು ಬೆಂಗಳೂರಿನ ಕೋವಿಡ್ ಹೆಲ್ಪ್ಲೈನ್ ಅಧಿಕಾರಿಗಳು ತಿಳಿಸಿದ್ದಾರೆ. ಹೆಚ್ಚಿನ ಮಾಹಿತಿಗೆ www.covidhelplinebangalore.com ನೋಡಿ.
ಸೋಂಕಿದ್ದರೂ ನೆಗೆಟೀವ್ ! ಸಿಟಿ ಸ್ಕ್ಯಾನ್ನಲ್ಲಿ ಪಾಸಿಟಿವ್ ಬಂದರೆ ಆಸ್ಪತ್ರೆಗೆ ದಾಖಲು
ಮುಟ್ಟಿನ ಸಮಯದಲ್ಲಿ ಕರೊನಾ ಲಸಿಕೆ ಪಡೆಯಬಹುದೇ ? ಇಲ್ಲಿದೆ ಉತ್ತರ