ಮುಂಬೈ: ಕೆಜಿಎಫ್-2 ದಿನಕ್ಕೊಂದು ದಾಖಲೆ ಬರೆಯುವ ಮೂಲಕ ಬಾಲಿವುಡ್ ದಕ್ಷಿಣ ಭಾರತ ಸಿನಿಮಾಗಳಿಂದ ಹೆಚ್ಚು ತಲೆಕೆಡಿಸಿಕೊಳ್ಳುವಂತಾಗಿದೆ. ಈ ನಡುವೆ ಬಾಲಿವುಡ್ ಪ್ರೇಕ್ಷಕರನ್ನು ದಕ್ಷಿಣ ಸಿನಿಮಾಗಳು ಸೆಳೆದಿರುವುದು ಬಾಲಿವುಡ್ನ್ನು ಕಂಗೆಡುವಂತೆ ಮಾಡಿದೆ.
ಕೇವಲ ಹಿಂದಿ ಆವೃತ್ತಿಯಲ್ಲೇ 300 ಕೋಟಿ ರೂ. ಗಳಿಕೆ ಕಾಣುವ ಮೂಲಕ ಬಾಲಿವುಡ್ನ್ನು ಬೆಚ್ಚಿಬೀಳಿಸಿದೆ. ಎರಡನೇ ವಾರದಲ್ಲೇ 268 ಕೋಟಿ ರೂ ಗಳಿಕೆ ಕಂಡಿತ್ತು.
ಮೊದಲ ವಾರವೇ ಅತಿ ಹೆಚ್ಚು ಗಳಿಕೆ ಕಂಡ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆಗೂ ಕೆಜಿಎಫ್-2 ಪಾತ್ರವಾಗಿದೆ. ಸಾಮಾನ್ಯವಾಗಿ ಬಾಲಿವುಡ್ ಸಿನಿಮಾಗಳು ದಕ್ಷಿಣ ಭಾರತದಲ್ಲಿ ಹೆಚ್ಚು ದಿನ ಪ್ರದರ್ಶನ ಕಾಣುವುದೇ ದೊಡ್ಡ ವಿಷಯ. ಆದರೆ ದಕ್ಷಿಣದ ಸಿನಿಮಾಗಳಿಗೆ ಉತ್ತರ ಭಾರತದಲ್ಲಿ ಭಾರೀ ಬೇಡಿಕೆ ಇರುವುದು ಇತ್ತೀಚಿನ ಕೆಲ ಸಿನಿಮಾಗಳೆ ನಿದರ್ಶನವಾಗಿವೆ.
ಒಟ್ಟು 650 ಕೋಟಿ ರೂ. ದಾಟಿರುವ ಕೆಜಿಎಫ್-2 ಇನ್ನು ಯಾವ್ಯಾವ ದಾಖಲೆ ಮುರಿಯಲಿದೆ ಎಂಬುದನ್ನು ಕಾದು ನೋಡಬೇಕಿದೆ.