ಮಂಗಳೂರು: ಉಜಿರೆಯಿಂದ ಅಪಹರಣಕ್ಕೊಳಗಾಗಿದ್ದ ೮ ವರ್ಷದ ಬಾಲಕ ಅನುಭವ್ನನ್ನು ದಕ್ಷಿಣ ಕನ್ನಡ ಪೊಲೀಸರು ಅಪಹರಣಕಾರರಿಂದ ಬಿಡುಗಡೆಗೊಳಿಸಿದ್ದು ೭ ಮಂದಿ ಕಿಡ್ನಾಪರ್ಗಳನ್ನೂ ಬಂಧಿಸಿದ್ದಾರೆ.
ಬಾಲಕನ ತಂದೆ ಬಿಜೊಯ್ ಅವರು ಹಿಂದಿನ ವ್ಯವಹಾರಕ್ಕೆ ಸಂಬಂಧಿಸಿದಂತೆ ತಮ್ಮ ಕೆಲವು ಪರಿಚಯಸ್ಥರಿಗೆ ಹಣ ನೀಡಬೇಕಾಗಿದ್ದು ಆ ಹಿನ್ನೆಲೆಯಲ್ಲಿ ಈ ಕಿಡ್ನಾಪ್ ನಡೆಸಿರುವುದಾಗಿ ಶಂಕೆ ವ್ಯಕ್ತವಾಗಿದೆ.
ಡಿ.೧೭ರಂದು ಸಂಜೆ ಬಾಲಕನನ್ನು ಅಜ್ಜ ಎ.ಕೆ.ಶಿವನ್ ಅವರ ಮುಂದೆಯೇ ಅಪಹರಿಸಿ ಕಾರಿನಲ್ಲಿ ಕೊಂಡೊಯ್ಯಲಾಗಿತ್ತು. ಈ ಕುರಿತು ದ.ಕ ಪೊಲೀಸರ ಐದು ತಂಡ ರಚಿಸಿ ತನಿಖೆ ನಡೆಸಲಾಗಿತ್ತು.
ಬಾಲಕನ ತಂದೆ ಬಿಜೊಯ್ ಅವರಿಗೆ ನಿರಂತರವಾಗಿ ಸಾಮಾಜಿಕ ಜಾಲತಾಣದ ಮೂಲಕ ಅಪಹರಣಕಾರರು ಸಂದೇಶ ನೀಡುತ್ತಾ ೧೦೦ ಬಿಟ್ ಕಾಯಿನ್ ನೀಡಿದರೆ ಮಾತ್ರವೇ ಬಾಲಕನನ್ನು ಬಿಡುಗಡೆ ಮಾಡುವುದಾಗಿ ಒತ್ತಾಯಿಸುತ್ತಿತ್ತು.
