ಕೊಚ್ಚಿ: ಕ್ರಿಕೆಟಿಗ ವಿರಾಟ್ ಕೋಹ್ಲಿ, ಕಲಾವಿದರಾದ ತಮನ್ನಾ ಭಾಟಿಯ ಮತ್ತು ಅಜು ವರ್ಗೀಸ್ಗೆ ಕೇರಳ ಹೈಕೋರ್ಟ್ ನೋಟೀಸ್ ಜಾರಿ ಮಾಡಿದೆ. ಆನ್ಲೈನ್ ರಮ್ಮಿ ಆಟದ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿರುವ ಸಂಬಂಧ ನೋಟೀಸು ಕಳುಹಿಸಿಕೊಡಲಾಗಿದೆ.
ಇದನ್ನೂ ಓದಿ: ಟೀಮ್ ಇಂಡಿಯಾ ಎದುರು ಸೋತ ಆಸೀಸ್ ತಂಡದಲ್ಲಿ ಬದಲಾವಣೆ..!
ಕೊಚಿಯ ಪೌಲಿ ವದಕ್ಕನ್ ಹೆಸರಿನವರು ಆನ್ಲೈನ್ ರಮ್ಮಿ ನಿಲ್ಲಿಸುವಂತೆ ಕೋರಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿದ್ದರು. ಅದರ ವಿಚಾರಣೆ ನಡೆಸಿರುವ ನ್ಯಾಯಾಲಯ ನೋಟೀಸು ನೀಡಿದೆ. ಆನ್ಲೈನ್ ರಮ್ಮಿ ಆಟಗಳು ಕಾನೂನುಬಾಹಿರವಾಗಿದ್ದು, ನಿಯಂತ್ರಿಸಲು ಕಷ್ಟಕರವಾದವು ಎನ್ನಲಾಗಿದೆ. ಈ ರೀತಿಯ ಆಟಗಳನ್ನು ನಡೆಸುತ್ತಿರುವ ಕೆಲವು ಪ್ಲಾಟ್ಫಾರಂಗಳು ಸೆಲೆಬ್ರಿಟಿಗಳನ್ನು ತಮ್ಮ ಜಾಹೀರಾತಿಗಾಗಿ ಬಳಸಿಕೊಳ್ಳುತ್ತಿವೆ. ಆ ಮೂಲಕ ಯುವಜನರನ್ನು ಆಕರ್ಷಿಸಿ ಆರ್ಥಿಕವಾಗಿ ಸಂಕಷ್ಟಕ್ಕೀಡುಮಾಡುತ್ತಿವೆ ಎಂದು ಅರ್ಜಿಯಲ್ಲಿ ದೂರಲಾಗಿತ್ತು.
ಈ ಅರ್ಜಿಯ ವಿಚಾರಣೆಯನ್ನು ಕೈಗೆತ್ತಿಕೊಂಡಿರುವ ಹೈಕೋರ್ಟ್, ರಮ್ಮಿ ಗೇಮ್ಸ್ ನಡೆಸುತ್ತಿವೆ ಎನ್ನಲಾದ ಪ್ಲೇ ಗೇಮ್ಸ್ 24*7 ಮತ್ತು ಮೊಬೈಲ್ ಪ್ರೀಮಿಯರ್ ಲೀಗ್ ಕಂಪೆನಿಗಳಿಗೆ ನೋಟೀಸು ಜಾರಿ ಮಾಡಿದೆ. ವಿರಾಟ್ ಕೊಹ್ಲಿ ಮೊಬೈಲ್ ಪ್ರೀಮಿಯರ್ ಲೀಗ್ನ ಬ್ರಾಂಡ್ ಅಂಬಾಸಿಡರ್ ಆಗಿದ್ದರೆ, ನಟಿ ತಮನ್ನಾ ಜಾಹೀರಾತೊಂದರಲ್ಲಿ ನಟಿಸಿದ್ದಾರೆ. ಮಲಯಾಳಂ ನಟ ಅಜು ವರ್ಗೀಸ್ ರಮ್ಮಿ ಸರ್ಕಲ್ ಅನ್ನು ಎಂಡಾರ್ಸ್ ಮಾಡಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: VIDEO| ಬೀದಿನಾಯಿಯ ಮೇಲೆ ಕಾರು ಹತ್ತಿಸಿ ದುಷ್ಕೃತ್ಯ ಮೆರೆದ ಪೊಲೀಸಪ್ಪ!
ಆನ್ಲೈನ್ ಬೆಟ್ಟಿಂಗ್ ಒಂದು ಗಂಭೀರ ಸಾಮಾಜಿಕ ಪಿಡುಗು ಎಂದಿರುವ ನ್ಯಾಯಾಲಯ, ಈ ವಿಚಾರವಾಗಿ ಕೇರಳ ಸರ್ಕಾರದ ನಿಲುವಿನ ಬಗ್ಗೆ ಸ್ಪಷ್ಟನೆ ಕೇಳಿದೆ. ಈ ಪ್ಲಾಟ್ಫಾರಂಗಳನ್ನು ಎಂಡಾರ್ಸ್ ಮಾಡಿರುವುದರ ಬಗ್ಗೆ ವಿವರಣೆ ಕೇಳಿ ಕೊಹ್ಲಿ, ತಮನ್ನಾ ಮತ್ತು ಅಜು ಅವರಿಗೆ ನೋಟೀಸುಗಳನ್ನು ಕಳಹಿಸಿದೆ.(ಏಜೆನ್ಸೀಸ್)
ನೀ ಬಂದ ಮೇಲೆ ಸಾಲ ಹೆಚ್ಚಾಯಿತೆಂದು ಸೊಸೆಯನ್ನು ಹೀಯಾಳಿಸಿದ ಮಾವ; ಕೆಲವೇ ದಿನಗಳಲ್ಲಿ ಹಾದಿಯ ಹೆಣವಾದ