ನವದೆಹಲಿ: ದೆಹಲಿಯ ಎಷ್ಟೋ ವಸ್ತುಗಳು ಜನಪ್ರಿಯವಾಗಿದ್ದು, ದೇಶದಾದ್ಯಂತದ ಜನರು ಅಲ್ಲಿ ಶಾಪಿಂಗ್ ಮಾಡುವ ಆಸೆ ಹೊಂದಿರುತ್ತಾರೆ. ಇಂತಹ ಆಸೆಗೆ ಇನ್ನು ಕೆಲವು ತಿಂಗಳಲ್ಲಿ ರೆಕ್ಕೆಗಳು ಸಿಗಲಿವೆ. ಏಕೆಂದರೆ, ದೆಹಲಿಯ ಉತ್ಪನ್ನಗಳನ್ನು ಮತ್ತು ಸೇವೆಗಳನ್ನು ಆನ್ಲೈನ್ ಮೂಲಕ ಪಡೆಯುವ ವಿಶಿಷ್ಟ ಪೋರ್ಟಲ್ಅನ್ನು ದೆಹಲಿ ಸರ್ಕಾರ ನಿರ್ಮಿಸಲಿದೆ.
ಈ ಬಗ್ಗೆ ಟ್ವೀಟ್ ಮಾಡಿ ತಿಳಿಸಿರುವ ದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್, ದೆಹಲಿಯ ವ್ಯಾಪಾರಿಗಳು, ಕೈಗಾರಿಕೋದ್ಯಮಿಗಳು ಮತ್ತು ವೃತ್ತಿಶೀಲರು ತಮ್ಮ ಉತ್ಪನ್ನಗಳನ್ನು ಜಗತ್ತಿನ ಎಲ್ಲೆಡೆಗೂ ಮಾರಾಟ ಮಾಡಲು ಸಾಧ್ಯವಾಗುವಂತಹ ‘ದೆಹಲಿ ಬಜಾರ್’ ವೆಬ್ ಪೋರ್ಟಲ್ಅನ್ನು ಶೀಘ್ರವೇ ಲಾಂಚ್ ಮಾಡಲಾಗುವುದು ಎಂದಿದ್ದಾರೆ.
ಇದನ್ನೂ ಓದಿ: ಟೈಪಿಂಗ್ ಬಲ್ಲಿರಾ? ಕರ್ನಾಟಕ ಹೈಕೋರ್ಟ್ನಲ್ಲಿ ಖಾಲಿ ಇವೆ 150 ಟೈಪಿಸ್ಟ್ ಹುದ್ದೆಗಳು: ಅರ್ಜಿ ಆಹ್ವಾನ
ದೆಹಲಿಯ ಖ್ಯಾತ ಹೌಜ್ ಖಾಸ್, ಖಾನ್ ಮಾರ್ಕೆಟ್ ಮುಂತಾದೆಡೆಗಳಿಂದ ಇಡೀ ಜಗತ್ತಿನಾದ್ಯಂತದ ಕೊಳ್ಳುಗರು ನೇರವಾಗಿ ಸಾಮಾನುಗಳನ್ನು ಖರೀದಿಸಬಹುದು ಎಂದು ಘೋಷಿಸಿರುವ ಕೇಜ್ರಿವಾಲ್, ದೀಪಾವಳಿ ಸಂದರ್ಭದಲ್ಲಿ ದೆಹಲಿಯ ಬಿಸಿನೆಸ್ಮೆನ್ಗಳಿಗೆ ಇದು ತಮ್ಮ ದೊಡ್ಡ ಸುದ್ದಿ ಎಂದಿದ್ದಾರೆ. ಅಲ್ಲಿನ ಇಡೀ ಮಾರುಕಟ್ಟೆ ಈ ಪೋರ್ಟಲ್ನಲ್ಲಿ ಲಭ್ಯವಾಗಲಿದ್ದು, ದೆಹಲಿಯ ಜಿಡಿಪಿಯನ್ನು, ಉದ್ಯೋಗ ಅವಕಾಶಗಳನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಲಿದೆ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)
ದೊಡ್ಡ ಆಟಗಾರರು ಇಷ್ಟು ಕೆಟ್ಟ ಕ್ರಿಕೆಟ್ ಆಡಿದರೆ..? ಹೀಗೆ ಮಾಡಿ ಎಂದು ಬಿಸಿಸಿಐಗೆ ಸಲಹೆ ಕೊಟ್ಟ ಕಪಿಲ್ದೇವ್