ಮುಂಬೈ: ಮೂರು ದಿನಗಳ ಹಿಂದಷ್ಟೇ, ‘ಬಿಗ್ ಬಾಸ್’ನ ಹೊಸ ಪ್ರೋಮೋ ಬಿಡುಗಡೆಯಾಗಿತ್ತು. ಈ ಬಾರಿ, ಟಿವಿಗಿಂತ ಮೊದಲು ವೂಟ್ನಲ್ಲಿ ‘ಬಿಗ್ ಬಾಸ್’ ಪ್ರಸಾರವಾಗಲಿದೆ ಎಂದು ಸಲ್ಮಾನ್ ಖಾನ್ ಹೇಳಿದ್ದರು. ಆಗಸ್ಟ್ 8ಕ್ಕೆ ಈ ಕಾರ್ಯಕ್ರಮ ಪ್ರಸಾರವಾಗುವುದರ ಕುರಿತು ಸಹ ಈ ಪ್ರೋಮೋದಲ್ಲಿ ಹಿಂಟ್ ಕೊಡಲಾಗಿತ್ತು.
ಇದನ್ನೂ ಓದಿ: ‘ಗುಚಿ’ಯೊಂದಿಗೆ ರಣವೀರ್ ಸಿಂಗ್ರ ಆಕರ್ಷಕ ಲುಕ್ಸ್ ನೋಡಿ!
ಈಗ ಬಂದಿರುವ ಸುದ್ದಿಯ ಪ್ರಕಾರ, ಒಟಿಟಿಯಲ್ಲಿ ಪ್ರಸಾರವಾಗಲಿರುವ ‘ಬಿಗ್ ಬಾಸ್’ ಕಾರ್ಯಕ್ರಮವನ್ನು ಸಲ್ಮಾನ್ ಖಾನ್ ಬದಲು ಕರಣ್ ಜೋಹರ್ ನಡೆಸಿಕೊಡಲಿದ್ದಾರಂತೆ. ಈ ಕಾರ್ಯಕ್ರಮ ಆರು ಕಾಲಗಾಳ ವೂಟ್ನಲ್ಲಿ ಮೊದಲು ಪ್ರಸಾರವಾಗಲಿದ್ದು, ಆ ನಂತರ ಸೆಪ್ಟೆಂಬರ್ನಿಂದ ಟಿವಿಯಲ್ಲಿ ‘ಬಿಗ್ ಬಾಸ್’ನ 15ನೇ ಸೀಸನ್ ಪ್ರಸಾರವಾಗಲಿದೆ. ಈ ಕಾರ್ಯಕ್ರಮವನ್ನು ಎಂದಿನಂತೆ ಸಲ್ಮಾನ್ ಅವರೇ ನಡೆಸಿಕೊಡಲಿದ್ದಾರೆ.
ಈ ವಿಷಯವನ್ನು ಸ್ವತಃ ಕರಣ್ ಜೋಹರ್ ಸಹ ಸ್ಪಷ್ಟಪಡಿಸಿದ್ದಾಎ. ಅಷ್ಟೇ ಅಲ್ಲ, ತಾನು ಈ ಕಾರ್ಯಕ್ರಮದ ದೊಡ್ಡ ಫ್ಯಾನ್ ಎಂದು ಹೇಳಿಕೊಂಡಿದ್ದಾರೆ. ‘ನಾನು ಮತ್ತು ನನ್ನ ತಾಯಿ ‘ಬಿಗ್ ಬಾಸ್’ನ ದೊಡ್ಡ ಅಭಿಮಾನಿಗಳು. ಒಂದು ದಿವಸಕ್ಕೂ ನಾವು ಮಿಸ್ ಮಾಡಿಕೊಳ್ಳುವುದಿಲ್ಲ. ಈ ಕಾರ್ಯಕ್ರಮವನ್ನು ನಡೆಸಿಕೊಡುವ ಜವಾಬ್ದಾರಿ ಇದೀಗ ನನ್ನ ಮೇಲೆ ಬಂದಿದೆ. ಒಮ್ಮೆಯಾದರೂ ‘ಬಿಗ್ ಬಾಸ್’ ಕಾರ್ಯಕ್ರಮವನ್ನು ನಾನು ನಡೆಸಿಕೊಡಬೇಕು ಎಂಬುದು ನನ್ನ ಅಮ್ಮನ ಆಸೆಯಾಗಿತ್ತು. ಅದೀಗ ಈಡೇರಿದೆ’ ಎಂದು ಕರಣ್ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: 407 ಸಿನಿಮಾದ ಹೆಸರುಗಳನ್ನು ಬಳಸಿ ನೆಚ್ಚಿನ ನಟನ ಫೋಟೋ ಸಿದ್ಧಪಡಿಸಿದ ಅಭಿಮಾನಿ!
ಒಟಿಟಿಯಲ್ಲಿ ಪ್ರಸಾರವಾಗಲಿರುವ ‘ಬಿಗ್ ಬಾಸ್’ ಇನ್ನಷ್ಟು ಸೆನ್ಸೇಷನಲ್ ಆಗಿರಲಿದೆ ಎಂದು ಹೇಳಿಕೊಂಡಿರುವ ಕರಣ್, ವಾರಾಂತ್ಯದ ಕಾರ್ಯಕ್ರಮವನ್ನು ತಮ್ಮದೇ ರೀತಿಯಲ್ಲಿ ವಿಶೇಷವಾಗಿ ನಡೆಸಿಕೊಡುವ ನಂಬಿಕೆ ಇದೆ ಎಂದು ಹೇಳಿಕೊಂಡಿದ್ದಾರೆ. ‘ಬಿಗ್ ಬಾಸ್’ನ ಒಟಿಟಿ ಸ್ಪಷೆಲ್ ಎಷ್ಟು ವಿಶೇಷವಾಗಿರುತ್ತದೆ ಎಂಬುದು ಗೊತ್ತಾಗಬೇಕಿದ್ದರೆ, ಇನ್ನೂ ಎರಡು ವಾರಗಳ ಕಾಲ ಕಾಯಬೇಕು.