ಮುಂಬೈ: ರಿಷಭ್ ಶೆಟ್ಟಿ ಅಭಿನಯದ ಮತ್ತು ನಿರ್ದೇಶನದ ‘ಕಾಂತಾರ’ ಚಿತ್ರವು ಬಾಕ್ಸ್ ಆಫೀಸ್ನಲ್ಲಿ ದಾಖಲೆ ಮೇಲೆ ದಾಖಲೆ ಮಾಡುತ್ತಿದೆ. ಈಗಾಗಲೇ ಗಳಿಕೆ ವಿಷಯದಲ್ಲಿ ಬಾಲಿವುಡ್ನ ಹಲವು ಚಿತ್ರಗಳನ್ನು ಹಿಂದಿಕ್ಕಿರುವ ‘ಕಾಂತಾರ’ ಚಿತ್ರವು ಇದೀಗ ಅಲ್ಲು ಅರ್ಜುನ್ ಅಭಿನಯದ ‘ಪುಷ್ಪ – ದಿ ರೈಸ್’ ಗಳಿಕೆಯನ್ನು ಹಿಂದಿಕ್ಕಿ ಹೊಸ ದಾಖಲೆ ಬರೆದಿದೆ.
ಇದನ್ನೂ ಓದಿ: ಕಾಂತಾರ ಕರ್ನಾಟಕದಲ್ಲಿ ಒಂದು ಕೋಟಿ ಟಿಕೆಟ್ ಮಾರಾಟ
‘ಪುಷ್ಪ’ ಚಿತ್ರದ ಹಿಂದಿ ಅವತರಣಿಕೆಯು 70 ಕೋಟಿ ರೂ.ಗಳಿಗೂಐ ಹೆಚ್ಚು ಕಲೆಕ್ಷನ್ ಮಾಡಿತ್ತು. ಇದೀಗ, ‘ಕಾಂತಾರ’ ಚಿತ್ರವು 75 ಕೋಟಿ ರೂ. ಗಳಿಕೆ ಮಾಡುವ ಮೂಲಕ, ‘ಪುಷ್ಪ’ ಚಿತ್ರದ ಗಳಿಕೆಯನ್ನು ಹಿಂದಿಕ್ಕಿದೆಯಂತೆ. ಬರೀ ‘ಪುಷ್ಪ’ ಚಿತ್ರದ ಗಳಿಕೆಯಷ್ಟೇ ಅಲ್ಲ, ‘ಕೆಜಿಎಫ್ 1’ ಚಿತ್ರದ ಒಟ್ಟಾರೆ ಗಳಿಕೆಯನ್ನು ಸಹ ‘ಕಾಂತಾರ’ ಬೀಟ್ ಮಾಡಿದೆ.
ಬರೀ, ಹಿಂದಿ ಅವತರಣಿಕೆಯಷ್ಟೇ ಅಲ್ಲ, ಒಟ್ಟಾರೆ ‘ಪುಷ್ಪ’ ಚಿತ್ರವು ಎಲ್ಲ ಭಾಷೆಗಳಿಂದ 350 ಕೋಟಿ ರೂ. ಸಂಗ್ರಹಿಸಿತ್ತು ಎಂದು ಹೇಳಲಾಗುತ್ತಿದೆ. ಈಗ ಅದಕ್ಕಿಂತ ಹೆಚ್ಚು ಮೊತ್ತ ಗಳಿಸುವ ಮೂಲಕ ‘ಕಾಂತಾರ’ ಚಿತ್ರವು ‘ಪುಷ್ಪ’ದ ಹೆಗ್ಗಳಿಕೆಯನ್ನು ಬೀಟ್ ಮಾಡಿದೆಯಂತೆ. ‘ಪುಷ್ಪ’ ಚಿತ್ರವು 350.30 ಕೋಟಿ ರೂ. ಸಂಗ್ರಹಿಸಿದರೆ, ‘ಕಾಂತಾರ’ ಚಿತ್ರವು 350.70 ಕೋಟಿ ರೂ. ಸಂಗ್ರಹಿಸಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಅವಳಿ ಮಕ್ಕಳಿಗೆ ಹೆಸರಿಟ್ಟ ಅಮೂಲ್ಯ-ಜಗದೀಶ್; ಹೆಸರೇನು ಗೊತ್ತಾ?
‘ಕಾಂತಾರ’ ಚಿತ್ರವನ್ನು ಹೊಂಬಾಳೆ ಫಿಲಂಸ್ನ ವಿಜಯ್ ಕುಮಾರ್ ಕಿರಗಂದೂರು ನಿರ್ಮಿಸಿದ್ದು, ರಿಷಭ್ ಶೆಟ್ಟಿ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ರಿಷಭ್, ಸಪ್ತಮಿ ಗೌಡ, ಅಚ್ಯುತ್ ಕುಮಾರ್, ಕಿಶೋರ್ ಮುಂತಾದವರು ಅಭಿನಯಿಸಿದ್ದು, ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದ್ದಾರೆ.
ನೆಟ್ಟಿಗರು ಮೆಚ್ಚಿದ ಸಮಂತಾ ಅಭಿನಯದ ‘ಯಶೋದ’