ಬೆಂಗಳೂರು: ನಾವೆಲ್ಲರೂ ನಮ್ಮ ಮನೆಯಲ್ಲಿ ಇರುವಂತಹ ಪ್ಲಾಸ್ಟಿಕ್ ವಸ್ತುಗಳನ್ನು ನಿಷ್ಪ್ರಯೋಜಕವೆಂದು ಪರಿಗಣಿಸಿ ಎಸೆಯುತ್ತೇವೆ. ಆದರೆ ಅದನ್ನು ಅಲಂಕಾರಿಕ ವಸ್ತುಗಳನ್ನು ಮಾಡಲು ಮರುಬಳಕೆ ಮಾಡಬಹುದು. ಇಂದಿನ ಕಾಲದಲ್ಲಿ ಪ್ಲಾಸ್ಟಿಕ್, ಗಾಜು, ಸ್ಟೀಲ್ ಹೀಗೆ ವಿವಿಧ ರೀತಿಯ ಪಾತ್ರೆಗಳನ್ನು ಬಳಸಲಾಗುತ್ತಿದೆ. ಆದರೆ ಇಂದು ಈ ಲೇಖನದಲ್ಲಿ ನಾವು ಪ್ಲಾಸ್ಟಿಕ್ ವಸ್ತುಗಳು ಡ್ಯಾಮೇಜ್ ಆದಾಗ ಅವುಗಳನ್ನು ಮರುಬಳಕೆ ಮಾಡುವುದು ಹೇಗೆ ಎಂಬುದರ ಕುರಿತು ನಿಮಗೆ ತಿಳಿಸಲಿದ್ದೇವೆ.
ಗೋಡೆಯನ್ನು ಅಲಂಕರಿಸಿ
ಸಾಮಾನ್ಯವಾಗಿ ನಾವೆಲ್ಲರೂ ಪ್ಲಾಸ್ಟಿಕ್ ಪ್ಲೇಟ್‌ಗಳು ಹಾಳಾದಾಗ ಎಸೆಯುತ್ತೇವೆ. ಆದರೆ ವೇಸ್ಟ್ ಪ್ಲಾಸ್ಟಿಕ್ ಪ್ಲೇಟ್‌ ಬಳಸಿ ಚಿತ್ರದಲ್ಲಿ ತೋರಿಸಿರುವ ಹಾಗೆ ನೀವು ಗೋಡೆಗೆ ಅಲಂಕಾರಿಕ ವಸ್ತು ಮಾಡಬಹುದು. ಈ ರೀತಿ ಚಿತ್ರ ಬಿಡಿಸಿ ಗೋಡೆಗೆ ಹಾಕಬಹುದು.
ಬಟ್ಟಲಿನಿಂದ ಸ್ಟ್ಯಾಂಡ್
ಸಾಮಾನ್ಯವಾಗಿ ಪ್ಲಾಸ್ಟಿಕ್ ಬಟ್ಟಲುಗಳು ಮಸಾಲೆ ಹಾಕಿ ಹಾಕಿ ಕಲೆಯಾದ ನಂತರ ನಿಷ್ಪ್ರಯೋಜಕವಾಗಿ ಕಾಣಲು ಪ್ರಾರಂಭಿಸುತ್ತವೆ. ಆದರೆ ನೀವು ಈ ಬಟ್ಟಲು ಎಸೆಯುವ ಬದಲು ಮರುಬಳಕೆ ಮಾಡಬಹುದು. ಮೊದಲಿಗೆ ನೀವು ನಿಮ್ಮ ನೆಚ್ಚಿನ ಬಣ್ಣದಿಂದ ಬಟ್ಟಲುಗಳನ್ನು ಅಲಂಕರಿಸಿ. ಆ ನಂತರ ನಿಮ್ಮ ಕಿವಿಯೋಲೆಗಳನ್ನು ಅದರಲ್ಲಿ ಇರಿಸಬಹುದು.
ಸ್ಟಿಕ್ ಚಮಚದಿಂದ ಶೋಪೀಸ್
ನಿಮ್ಮ ಬಳಿ ಪ್ಲಾಸ್ಟಿಕ್ ಚಮಚಗಳು ಇದ್ದರೆ, ನೀವು ಅವರ ಸಹಾಯದಿಂದ ಶೋಪೀಸ್ ವಸ್ತುಗಳನ್ನು ಮಾಡಬಹುದು. ಇದಕ್ಕಾಗಿ, ಚಮಚವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಿ. ನಂತರ ಚಿತ್ರದಲ್ಲಿ ತೋರಿಸಿದ ಹಾಗೆ ಬಣ್ಣದಿಂದ ಅಲಂಕರಿಸಿ. ಈ ಸ್ಪೂನ್ ಗಳನ್ನು ಪ್ಲಾಸ್ಟಿಕ್ ಬಾಕ್ಸ್ ನ ಅಂಚಿನಲ್ಲಿ ಗಮ್ ಸಹಾಯದಿಂದ ಅಂಟಿಸಿ.
ಪ್ಲಾಸ್ಟಿಕ್ ಜಗ್
ಪ್ಲಾಸ್ಟಿಕ್ ಜಗ್ ಅನ್ನು ಬಣ್ಣಬಣ್ಣದ ಕಾಗದ ಮತ್ತು ಸ್ಟೋನ್ ಸಹಾಯದಿಂದ ಅಲಂಕರಿಸಿ. ಈಗ ನೀವು ಈ ಜಗ್ ಅನ್ನು ಪೆನ್ ಸ್ಟ್ಯಾಂಡ್, ಶೋಪೀಸ್ ಫ್ಲವರ್ ಸ್ಟ್ಯಾಂಡ್ ಅಥವಾ ಬಿಡಿಭಾಗಗಳನ್ನು ಇರಿಸಿಕೊಳ್ಳಲು ಬಳಸಬಹುದು.