ಕಂಗನಾ ಮತ್ತು ತಾಪ್ಸಿ ಪನ್ನು ನಡುವೆ ಯುದ್ಧ ನಡೆಯುತ್ತಿರುವುದು ಗೊತ್ತೇ ಇದೆ. ತನ್ನ ಮಾತು ಒಪ್ಪಲಿಲ್ಲ ಎಂಬ ಕಾರಣಕ್ಕೆ, ಆಕೆಯನ್ನು ಕಂಗನಾ ಬಾಯಿಗೆ ಬಂದ ಹಾಗೆ ಬಯ್ಯುತ್ತಲೇ ಇದ್ದಾರೆ. ಅಷ್ಟೇ ಅಲ್ಲ, ಆಕೆಯನ್ನು ಬಿ-ಗ್ರೇಡ್ ನಟಿ ಎಂದು ಸಹ ಕಂಗನಾ ಕರೆದಿದ್ದಾರೆ.
ಈಗ ತಾಪ್ಸಿಗೆ ಹೃತಿಕ್ ರೋಶನ್ ಶುಭ ಹಾರೈಸಿದರು ಎಂಬ ಕಾರಣಕ್ಕೆ, ಕಂಗನಾ ಮತ್ತೆ ವ್ಯಘ್ರರಾಗಿದ್ದಾರೆ. ಬರೀ ತಾಪ್ಸಿ ಮತ್ತು ಕಂಗನಾ ಮಾತ್ರವಲ್ಲ, ಬಾಲಿವುಡ್ನ ಇನ್ನಷ್ಟು ಜನಪ್ರಿಯ ಸೆಲೆಬ್ರಿಟಿಗಳಿಗೂ ಕಾಲೆಳೆದಿದ್ದಾರೆ.
ಇದನ್ನೂ ಓದಿ: ಚಿರು ಸಿನಿಮಾಗಳ ಡಬ್ಬಿಂಗ್ನಲ್ಲಿ ಧ್ರುವ ಸರ್ಜಾ ಭಾಗಿಯಾಗುವುದು ಯಾವಾಗಿನಿಂದ?
ಇಷ್ಟಕ್ಕೂ ಆಗಿದ್ದೇನೆಂದರೆ, ಇತ್ತೀಚೆಗೆ ತಾಪ್ಸಿ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಹೃತಿಕ್ ರೋಶನ್ ಸಹಜವಾಗಿಯೇ ಶುಭ ಹಾರೈಸಿದ್ದಾರೆ. ಅಷ್ಟೇ ಅಲ್ಲ, ತಾನು ತಾಪ್ಸಿಯ ಫ್ಯಾನ್ ಎಂದು ಹೇಳಿಕೊಂಡಿದ್ದಾರೆ. ಇದಕ್ಕೆ ಸಿಟ್ಟಾಗಿರುವ ಟೀಮ್ ಕಂಗನಾ, ಅವರಿಬ್ಬರಿಗೂ ಚಳಿ ಬಿಡಿಸಿದ್ದಾರೆ. ಮೊದಲೇ ಕಂಗನಾ, ಹೃತಿಕ್ ರೋಶನ್ ಅವರನ್ನು ಯಾವಾಗಲೂ ನನ್ನ ಎಕ್ಸ್-ಬಾಯ್ಫ್ರೆಂಡ್ ಎಂದು ಹೇಳುತ್ತಿರುತ್ತಾರೆ. ಈ ಬಾರಿ ಹೃತಿಕ್ಗೆ ಸಿಲ್ಲಿ ಅಂತಲೂ ಕರೆದಿದ್ದಾರೆ.
‘ತಾಪ್ಸಿ ಪನ್ನುಗೆ ಕಳೆದ 10 ವರ್ಷಗಳಲ್ಲಿ ಇಷ್ಟೊಂದು ಪ್ರೀತಿ ಯಾವತ್ತೂ ಸಿಕ್ಕಿರಲಿಲ್ಲ. ಕರಣ್ ಜೋಹರ್, ಅನುಷ್ಕಾ ಶರ್ಮಾ, ಆಲಿಯಾ ಭಟ್, ಕತ್ರೀನಾ ಕೈಫ್, ಹೃತಿಕ್ ರೋಶನ್ ಮುಂತಾದ ಯಾವ ಸೆಲೆಬ್ರಿಟಿ ಸಹ ಇಷ್ಟೊಂದು ಪ್ರೀತಿ ತೋರಿಸಿರಲಿಲ್ಲ. ಈಗ ತಾಪ್ಸಿ ನನ್ನ ವಿರುದ್ಧ ಮಾತಾಡುತ್ತಿದ್ದಾಳೆ ಅಂತ ಅವಳ ಮೇಲೆ ದಿಢೀರ್ ಪ್ರೀತಿ ಶುರುವಾಗಿದೆ’ ಎಂದು ಟ್ವೀಟ್ ಮಾಡಿದೆ.
ಇದನ್ನೂ ಓದಿ: ಇನ್ನೆಷ್ಟು ದಿನ ಹೆದರಿಕೊಂಡು ಮನೆಯಲ್ಲೇ ಕೂರೋದು? ಅಕ್ಷಯ್ ಪ್ರಶ್ನೆ
‘ಬಾಲಿವುಡ್ ಮಾಫಿಯಾವನ್ನು ವಹಿಸಿಕೊಂಡು ಮಾತನಾಡುವುದರಿಂದ ಬಹಳ ಲಾಭವಿದೆ. ಈ ತರಹ ಫೇಕ್ ಪ್ರೀತಿ ಸಿಗುತ್ತದೆ. ಹೊಸ ಚಿತ್ರಗಳು, ಪ್ರಶಸ್ತಿಗಳು ಎಲ್ಲವೂ ಹುಡುಕಿಕೊಂಡು ಬರುತ್ತದೆ’ ಎನ್ನುವ ಟೀಮ್ ಕಂಗನಾ, ಹೊಸಬರಿಗೆ ಸಲಹೆಯನ್ನೂ ನೀಡಿದೆ.
‘ಹೊಸಬರಿಗೆ ಒಂದು ಸಲಹೆ. ಬಾಲಿವುಡ್ನ ಗ್ಯಾಂಗ್ಗಳಿಂದ ನಿಮಗೆ ಮೆಚ್ಚುಗೆ ಸಿಗುವುದು ಬಹಳ ಕಷ್ಟವಾಗಬಹುದು. ಏಕೆಂದರೆ, ಇಲ್ಲಿ ಬ್ಲಾಕ್ಬಸ್ಟರ್ಗಳು, ರಾಷ್ಟ್ರ ಪ್ರಶಸ್ತಿಗಳು, ಪದ್ಮಶ್ರೀ ಯಾವುದೂ ಅವರ ಗ್ಯಾಂಗ್ಗೆ ಸೇರಿಕೊಳ್ಳುವುಕ್ಕೆ ಸಾಧ್ಯವಾಗುವುದಿಲ್ಲ. ಅದಕ್ಕೆ ಇನ್ನೇನೋ ಬೇಕಾಗುತ್ತದೆ’ ಎಂದು ಟೀಮ್ ಕಂಗನಾ ಟ್ವೀಟ್ ಮಾಡಿದೆ.
ಸುಶಾಂತ್ ಒಡೆತನದ ಫಾರ್ಮ್ಹೌಸ್ನಲ್ಲಿ ರಿಯಾ ಕುಟುಂಬದಿಂದ ಹೋಮ- ಹವನ!