ಮುಂಬೈ: ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರಿಗೆ ಕೇಂದ್ರ ಸರ್ಕಾರವು ವೈಪ್ಲಸ್ ಸೆಕ್ಯುರಿಟಿ ಕೊಟ್ಟಿದ್ದರ ಬಗ್ಗೆ ದೇಶಾದ್ಯಂತೆ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ. ತೆರಿಗೆದಾರರ ಹಣವನ್ನು ಈ ತರಹ ಪೋಲು ಮಾಡುತ್ತಿರುವುದು ಏಕೆ? ಈ ವೆಚ್ಚವನ್ನು ಯಾರು ಭರಿಸುತ್ತಾರೆ? ಎಂಬ ಪ್ರಶ್ನೆಗಳು, ಕೆಲವು ದಿನಗಳಿಂದ ಕೇಳಿ ಬರುತ್ತಲೇ ಇವೆ.
ಏಕೆಂದರೆ, ವೈಪ್ಲಸ್ ಭದ್ರತೆ ವಿಭಾಗದಲ್ಲಿ 10ರಿಂದ 11 ಕಮಾಂಡೋಗಳು ಇರಲಿದ್ದು, ಮೂರು ಶಿಫ್ಟ್ಗಳಲ್ಲಿ ಕೆಲಸ ಮಾಡಲಿದ್ದಾರೆ. ಇನ್ನು ಇಬ್ಬರು ಅಥವಾ ಮೂವರು ಭದ್ರತಾ ಅಧಿಕಾರಿಗಳು 24 ಗಂಟೆಗಳ ಕಾಲ ಜತೆ ಇದ್ದರೆ, ಒಬ್ಬರನ್ನು ಮನೆಯ ಹತ್ತಿರ ನಿಯೋಜಿಸಲಾಗಿರುತ್ತದೆ.
ಇದನ್ನೂ ಓದಿ: ರೆಹಮಾನ್, ಕಮಲ್ ಹಾಸನ್ ಕಡೆಯಿಂದ ಸತತ ಆರು ಗಂಟೆ ಸಂಗೀತ ಸಂಜೆ ಕಾರ್ಯಕ್ರಮ
ಇಷ್ಟಕ್ಕೂ ಕಂಗನಾ ವೈಪ್ಲಸ್ ಸೆಕ್ಯುರಿಟಿ ಕೊಟ್ಟಿದ್ದು ಯಾಕೆ ಎಂಬ ಪ್ರಶ್ನೆಗೆ ಇದೀಗ ಉತ್ತರ ಸಿಕ್ಕಿದೆ. ಈ ವಿಷಯವಾಗಿ ಕೇಂದ್ರ ಸಚಿವ ಜಿ ಕಿಶನ್ ರೆಡ್ಡಿ ಮಾತನಾಡಿದ್ದು, ಹಿಮಾಚಲ ಪ್ರದೇಶ ಸರ್ಕಾರವು ಭದ್ರತೆ ಕೊಡುವುದಕ್ಕೆ ಕೇಂದ್ರಕ್ಕೆ ಸೂಚಿಸಿದ್ದರಿಂದ, ಕೊಡಲಾಗಿದೆ ಎಂದು ಅವರು ಹೇಳಿದ್ದಾರೆ.
ಕಿಶನ್ ರೆಡ್ಡಿ ಹೇಳಿರುವ ಪ್ರಕಾರ, ಕಂಗನಾ ಇತ್ತೀಚೆಗೆ ಸಾಮಾಜಿಕ ವಿಷಯಗಳ ಕುರಿತು ಮಾತನಾಡಿದ್ದು, ಈ ಬಗ್ಗೆ ಹಲವರಿಗೆ ಅಸಮಾಧಾನವಾಗಿದೆಯಂತೆ. ಈ ಹಿನ್ನೆಲೆಯಲ್ಲಿ ತಮ್ಮ ಮಗಳಿಗೆ ಎಲ್ಲಿ ತೊಂದರೆಯಾಗಬಹುದೋ ಎಂಬ ಭಯದಿಂದ ಕಂಗನಾ ಅವರ ತಂದೆ, ಇತ್ತೀಚೆಗೆ ಹಿಮಾಚಲ ಪ್ರದೇಶ ಮುಖ್ಯಮಂತ್ರಿ ಜೈರಾಮ್ ಥಾಕುರ್ ಅವರನ್ನು ಭೇಟಿ ಮಾಡಿದ್ದಾರೆ. ತಮ್ಮ ಮಗಳಿಗೆ ಸೂಕ್ತ ಭದ್ರತೆ ಕೊಡಬೇಕು ಎಂದು ಮನವಿ ಸಲ್ಲಿಸಿದ್ದಾರೆ.
ಇದನ್ನೂ ಓದಿ: ಬೋಸ್ಟನ್ ಅಂತಾರಾಷ್ಟ್ರೀಯ ಚಿತ್ರೋತ್ಸವಕ್ಕೆ ‘ಅಮೃತಮತಿ’
ಈ ಹಿನ್ನೆಲೆಯಲ್ಲಿ, ಹಿಮಾಚಲ ಪ್ರದೇಶ ಮುಖ್ಯಮಂತ್ರಿಗಳು ಕೇಂದ್ರಗೆ ಮನವಿ ಮಾಡಿ, ಕಂಗನಾಗೆ ಭದ್ರತೆ ಒದಗಿಸಬೇಕೆಂದು ಕೇಳಿಕೊಂಡರಂತೆ. ಈ ಕಾರಣದಿಂದ ಕಂಗನಾಗೆ ಭದ್ರತೆ ಒದಿಗಿಸಲಾಗಿದೆ ಎಂದು ಕಿಶನ್ ರೆಡ್ಡಿ ಹೇಳಿಕೊಂಡಿದ್ದಾರೆ.
ಹಾಗಾದರೆ, ಭದ್ರತೆ ಒದಿಗಿಸಿದ್ದಿಕ್ಕೆ ಯಾರು ಹಣ ಕೊಡುತ್ತಾರೆ? ರಾಜ್ಯ ಸರ್ಕಾರ ಭರಿಸುತ್ತದೆಯೋ ಅಥವಾ ಕೇಂದ್ರ ಸರ್ಕಾರವೇ ಭರಿಸುತ್ತದೆಯೋ ಎಂಬ ವಿಷಯವಾಗಿ ಕೇಂದ್ರ ಸಚಿವರು ಉತ್ತರ ನೀಡಿಲ್ಲ.
ಯಾರ ಸೆಲ್ ಪಕ್ಕ ರಿಯಾಳನ್ನು ಇರಿಸಲಾಗಿದೆ ಗೊತ್ತೆ?; ಅಲ್ಲಿ ಫ್ಯಾನ್ ಇಲ್ಲ, ಹಾಸಿಗೆಯೂ ಇಲ್ಲ!