ಕಂಪ್ಲಿ: ಪೇದೆಗೆ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಪೊಲೀಸ್ ಠಾಣೆ ಸೀಲ್ಡೌನ್ ಮಾಡಲಾಗಿದೆ. 51 ಸಿಬ್ಬಂದಿಯನ್ನು ಹೋಂ ಕ್ವಾರಂಟೈನ್ಗೆ ಒಳಪಡಿಸಲಾಗಿದೆ. ಪ್ರಥಮ ಸಂಪರ್ಕದಲ್ಲಿದ್ದ ಹಿರಿಯ ಅಧಿಕಾರಿ ಸೇರಿ 8 ಜನರನ್ನು ಪತ್ತೆ ಹಚ್ಚಿ ಹೊಸಪೇಟೆಯ ಲಾಡ್ಜ್ವೊಂದರ ಕ್ವಾರಂಟೈನ್ಲ್ಲಿಡಲಾಗಿದೆ. ಪೊಲೀಸ್ ಕ್ವಾರ್ಟಸ್, ಸ್ಟೇಷನ್ಗೆ ಸ್ಯಾನಿಟೈಸೇಷನ್ ಮಾಡಲಾಗಿದೆ.
ಕೊಟ್ಟೂರಲ್ಲಿ ಮತ್ತೊಂದು ಪ್ರಕರಣ: ಪಟ್ಟಣದ 21 ವರ್ಷದ ಯುವಕನಿಗೆ ಸೋಂಕು ತಗುಲಿದ್ದು, ಸೋಂಕಿತರ ಸಂಖ್ಯೆ ಐದಕ್ಕೆ ಏರಿದೆ. ಲೋಕಿಕೆರೆಯ ಸೋಂಕಿತನ ಜತೆ ತಿರುಗಾಡಿದ್ದರಿಂದ ಈತನಿಗೆ ಸೋಂಕು ತಗುಲಿದೆ. ಬಳ್ಳಾರಿ ಕೊವೀಡ್-19 ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಯುವಕನ ದ್ವಿತೀಯ ಸಂಪರ್ಕದಲ್ಲಿದ್ದ 6 ಜನರನ್ನು ತೋರಣಗಲ್ ಖಾಸಗಿ ಹೋಟೆಲ್ನಲ್ಲಿ ಕ್ವಾರಂಟೈನ್ ಮಾಡಲಾಗಿದೆ. ಪಟ್ಟಣದ ಉಜ್ಜಿನಿ ರಸ್ತೆಯಲ್ಲಿರುವ ಹುಡುಗನ ಮನೆ ಸುತ್ತಲಿನ ಪ್ರದೇಶ ಸೀಲ್ಡೌನ್ ಮಾಡಲಾಗಿದೆ. ತಹಸೀಲ್ದಾರ್ ಅನಿಲ್ ಕುಮಾರ್, ಪಪಂ ಮುಖ್ಯಾಧಿಕಾರಿ ಎಚ್.ಎಫ್.ಬಿದರಿ, ಟಿಎಚ್ಒ ಡಾ.ಷಣ್ಮುಖ ನಾಯ್ಕ ಇತರರು ಭೇಟಿ ನೀಡಿ ಪರಿಶೀಲಿಸಿದರು.