ಚಂಡೀಗಢ್: ಸಾಮಾನ್ಯವಾಗಿ ನ್ಯಾಯಾಲಯ ಎಂದಾಕ್ಷಣ ನಮ್ಮ ಕಣ್ಣೆದುರು ಬರುವುದು ನ್ಯಾಯಮೂರ್ತಿಗಳು, ವಕೀಲರು, ಕಟಕಟೆ. ಮೈ ಲಾರ್ಡ್ ಎಂದು ಹೇಳುತ್ತಾ ವಕೀಲರು ವಾದ ಮಂಡಿಸುವುದನ್ನು ನೈಜವಾಗಿ ಅಥವಾ ಸಿನಿಮಾಗಳಲ್ಲಿ ನೋಡಿರುತ್ತೇವೆ. ಇಲ್ಲೊಬ್ಬ ನ್ಯಾಯಮೂರ್ತಿಗಳು ನನ್ನನ್ನು ಮೈ ಲಾರ್ಡ್ ಎಂದು ಕರೆಯಬೇಡಿ ಎಂದು ವಕೀಲರಲ್ಲಿ ಮನವಿ ಮಾಡಿದ್ದಾರೆ.
ದೆಹಲಿ ಹೈ ಕೋರ್ಟ್ನಿಂದ ಪಂಜಾಬ್ ಮತ್ತು ಹರಿಯಾಣ ಹೈ ಕೋರ್ಟ್ಗೆ ನ್ಯಾಯಮೂರ್ತಿಯಾಗಿ ವರ್ಗಾವಣೆಗೊಂಡಿರುವ ನ್ಯಾಯಮೂರ್ತಿ ಎಸ್ ಮುರುಳೀಧರ್ ಅಲ್ಲಿನ ಬಾರ್ ಅಸೋಸಿಯೇಷನ್ಗೆ ಒಂದು ಮನವಿ ಮಾಡಿದ್ದಾರೆ. ನ್ಯಾಯಮೂರ್ತಿಗಳನ್ನು ಮೈ ಲಾರ್ಡ್ ಎಂದಾಗಲೀ ಅಥವಾ ಮೈ ಲಾರ್ಡ್ಶಿಪ್ ಎಂದಾಗಲೀ ಸಂಬೋಧಿಸುವುದು ತಪ್ಪು. ಹಾಗಾಗಿ ಇನ್ನು ಮುಂದೆ ನನ್ನನ್ನು ಆ ರೀತಿಯಲ್ಲಿ ಕರೆಯಬೇಡಿ ಎಂದು ಅವರು ತಿಳಿಸಿದ್ದಾರೆ.
ಕೆಲ ವರ್ಷಗಳ ಹಿಂದೆಯೇ ಚಂಡೀಗಢ್ ಹೈ ಕೋರ್ಟ್ನ ಬಾರ್ ಅಸೋಸಿಯೇಷನ್ ತಮ್ಮ ಸದಸದ್ಯರಿಗೆ ನ್ಯಾಯಾಮೂರ್ತಿಗಳನ್ನು ಮೈ ಲಾರ್ಡ್ ಎಂದು ಸಂಬೋಧಿಸಬೇಡಿ ಬದಲಾಗಿ ಮೈ ಹಾನರ್ ಅಥವಾ ಸರ್ ಎಂದು ಸಂಬೋಧಿಸಿ ಎಂದು ಹೇಳಿತ್ತು. ಆದರೆ ಕೆಲ ವಕೀಲರು ಇದುವರೆಗೂ ಮೈ ಲಾರ್ಡ್ ಎನ್ನುವ ಪದ್ಧತಿಯನ್ನೇ ಮುಂದುವರೆಸಿಕೊಂಡು ಬಂದಿದ್ದು ಇದೀಗ ಅದನ್ನು ನಿಲ್ಲಿಸುವಂತೆ ನ್ಯಾಯಮೂರ್ತಿಗಳೇ ತಿಳಿಸಿದ್ದಾರೆ.
ನ್ಯಾಯಮೂರ್ತಿ ಮುರುಳೀಧರ್ (58) ಅವರು ಮಾರ್ಚ್ 6ರಂದು ಪಂಜಾಬ್ ಮತ್ತು ಹರಿಯಾಣ ಹೈಕೋರ್ಟ್‌ನ ನ್ಯಾಯಾಧೀಶರಾಗಿ ಪ್ರಮಾಣ ವಚನ ಸ್ವೀಕರಿಸಿ ಸೇವೆ ಸಲ್ಲಿಸುತ್ತಿದ್ದಾರೆ. (ಏಜೆನ್ಸೀಸ್)
ಮಾರ್ಗ ಮಧ್ಯೆ ಕಾರು ನಿಲ್ಲಿಸಿ ಮೂತ್ರ ವಿಸರ್ಜನೆ ಮಾಡುತ್ತಿದ್ದ ಪಾನಮತ್ತನಿಗೆ ಡಿಢೀರ್ ನಶೆ ಇಳಿಸಿದ ಘಟನೆ ಇದು