ಜಪಾನ್: ಕೋವಿಡ್ ಸಾಂಕ್ರಾಮಿಕ ಜನರಲ್ಲಿ ಭಯ ಹಾಗೂ ಆತಂಕವನ್ನು ಸೃಷ್ಟಿ ಮಾಡಿತ್ತು. ಜನರು ಆರೋಗ್ಯ ಕಾಪಾಡಿಕೊಳ್ಳಲು ಹಲವು ಮಾರ್ಗಗಳನ್ನು ಅನುಸರಿಸಿದ್ದಾರೆ. ಸೋಂಕು ದೇಹ ಸೇರದಂತೆ ಮುಖವನ್ನು ಮುಖವಾಡಗಳ ಹಿಂದೆ ಮರೆಮಾಚಿಕೊಂಡು ಕೆಲವರು ಮೂರು ವರ್ಷಗಳ ನಂತರ ಮತ್ತೆ ನಗುವುದು ಹೇಗೆ ಎಂದು ಮರೆತಿದ್ದಾರೆ. ನಗುವುದನ್ನು ಕಲಿಸಲು ಜಪಾನಿಯರು ತಜ್ಞರಿಗೆ ಹಣ ನೀಡುತ್ತಿದ್ದಾರೆ.
ಜಪಾನ್ನಲ್ಲಿ ನಗುವುದು ಮತ್ತು ಹಲ್ಲುಗಳನ್ನು ತೋರಿಸುವುದು ಇಲ್ಲಿ ಕಡಿಮೆಯಾಗಿದೆ. ಇಲ್ಲಿ ಜನರು ಹೆಚ್ಚು ಬಾಯಿ ತೆಗೆಯದೆ ಜಪಾನಿ ಭಾಷೆಯಲ್ಲಿ ಮಾತನಾಡಬಹುದು. ಸ್ಮೈಲ್ ಎಜುಕೇಶನ್ ಟ್ರೇನರ್ ಅಸೋಸಿಯೇಷನ್ನ ಕೀಕೊ ಕವಾನೊ ಅವರ ಪ್ರಕಾರ, ಸಾಂಕ್ರಾಮಿಕ ರೋಗದ ನಂತರ ಅದು ಸಂಪೂರ್ಣವಾಗಿ ನಿಂತುಹೋಯಿತು. ಹೀಗಾಗಿ ಈ ಕಂಪನಿ ಜನರಿಗೆ ನಗಲು ತರಬೇತಿ ನೀಡುತ್ತಿದ್ದಾರೆ.
ಸ್ಮೈಲ್ ಟ್ರೈನರ್ ಹೇಳಿದ್ದೇನು?:
ಜನರು ಈಗ ಸ್ಮೈಲ್ಗಾಗಿ ತರಬೇತಿ ಪಡೆಯುತ್ತಿದ್ದಾರೆ. ಯಾರಾದರೂ ತಮ್ಮ ಮುಖವಾಡವನ್ನು ತೆಗೆದರೂ, ಮುಖದ ಕೆಳಗಿನ ಭಾಗವು ತೋರಿಸಲು ಬಯಸುವುದಿಲ್ಲ ಎಂದು ನಾನು ಜನರಿಂದ ಕೇಳಿದ್ದೇನೆ. ಜನರು ಸಾಂಕ್ರಾಮಿಕ ರೋಗಕ್ಕೆ ಮೊದಲು ಹೇಗೆ ನಗುತ್ತಿದ್ದರೋ ಅದೇ ರೀತಿಯಲ್ಲಿ ಮತ್ತೆ ನಗಲು ಬಯಸುತ್ತಿದ್ದಾರೆ. ಜನರು ಇಲ್ಲಿಗೆ ಬಂದು ತರಬೇತಿ ತೆಗೆದುಕೊಳ್ಳುತ್ತಿದ್ದಾರೆ ಎಂದು ಸ್ಮೈಲ್ ಟ್ರೈನರ್ ಮಿಹೋ ಕಿಟಾನೊ ಹೇಳುತ್ತಾರೆ.
ಸ್ಮೈಲ್ ಫೇಶಿಯಲ್ ಮಸಲ್ ಅಸೋಸಿಯೇಷನ್ ಕಂಪನಿ ಇಲ್ಲಿಯವರೆಗೆ ಈ ಕಂಪನಿಯು 4000 ಜಪಾನಿಯರಿಗೆ ಮತ್ತೆ ನಗುವುದನ್ನು ಕಲಿಸಿದೆ. ಕಂಪನಿಯು ಈ ಯೋಜನೆಯಿಂದ ಒಳ್ಳೆಯ ಆದಾಯವನ್ನು ಗಳಿಸುತ್ತಿದೆ.
ಇದನ್ನೂ ಓದಿ: ಕೆ.ಎಲ್. ರಾಹುಲ್ಗೆ ಶಸ್ತ್ರಚಿಕಿತ್ಸೆ ಯಶಸ್ವಿ: ಆದಷ್ಟು ಬೇಗ ಮತ್ತೆ ಮೈದಾನಕ್ಕಿಳಿಯಲು ನಿರ್ಧಾರ
ಸ್ಮೈಲ್ ತರಬೇತಿ: ಸ್ಮೈಲ್ ತಜ್ಞರು ಜನರಿಗೆ ನಗುವುದು ಹೇಗೆಂದು ಕಲಿಸಲು ವ್ಯಾಯಾಮವನ್ನು ನೀಡುತ್ತಾರೆ. ಕೆನ್ನೆಯ ಸ್ನಾಯುಗಳನ್ನು ಹೊಂದಿಕೊಳ್ಳುವಂತೆ ಮಾಡಲಾಗುತ್ತದೆ. ಇದರಿಂದ ಹಲ್ಲುಗಳನ್ನು ತೋರಿಸಲು ಸಹಾಯ ಮಾಡುತ್ತದೆ.
ಜಪಾನ್ನಲ್ಲಿ ಕರೊನಾ ಸಂಬಂಧಿತ ನಿರ್ಬಂಧಗಳನ್ನು ತೆಗೆದುಹಾಕಲಾಗಿದೆ. ಆದರೆ ಈಗಲೂ ಕೆಲವರು ಮಾಸ್ಕ್ ಹಾಕಿಕೊಂಡು ಓಡಾಡುತ್ತಿದ್ದಾರೆ.