ಶ್ರೀದೇವಿ ಮಗಳು ಜಾಹ್ನವಿ ಕಪೂರ್ ಇನ್ಸ್ಟಾಗ್ರಾಂನಲ್ಲಿ ಯಾವಾಗಲೂ ತಮ್ಮ ಫೋಟೋಗಳು ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಅವರ ಫೋಟೋಗಳಿಗೆ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿರುತ್ತಾರೆ ಮತ್ತು ಪ್ರತಿ ಸಾವಿರಾರು ಲೈಕ್ಸ್ ಬೀಳುತ್ತಿರುತ್ತವೆ.
ಇದನ್ನೂ ಓದಿ: ಸುದೀಪ್ ಯಾಕೆ ಒಪ್ಪಲಿಲ್ಲ ಎಂದು ಗೊತ್ತಿಲ್ಲ: ಸುಧಾಕರ್
ಶುಕ್ರವಾರ ಸಹ ಜಾಹ್ನವಿ ತಮ್ಮದಂದು ಫೋಟೋ ಹಾಕಿಕೊಂಡಿದ್ದಾರೆ. ಹೀರ್ಸ್ ಲುಕಿಂಗ್ ಅಟ್ ಯು ಕಿಡ್ ಎಂಬ ಕ್ಯಾಪ್ಶನ್ ಸಹ ಆ ಫೋಟೋಗೆ ಅವರು ಹಾಕಿಕೊಂಡಿದ್ದಾರೆ. ಈ ಫೋಟೋ ಸದ್ಯಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಜನಪ್ರಿಯವಾಗಿದ್ದು, ಒಬ್ಬ ಅಭಿಮಾನಿಯಂತೂ 10ಕ್ಕೆ 11 ಮಾರ್ಕ್ ಕೊಟ್ಟಿದ್ದಾರೆ. ಇನ್ನೂ ಹಲವರು ರೆಡ್ ಹಾರ್ಟ್ ಎಮೋಜಿಗಳನ್ನು ಹಾಕುವ ಮೂಲಕ ಜಾಹ್ನವಿ ಅವರ ಫೋಟೋ ಮೆಚ್ಚಿಕೊಂಡಿದ್ದಾರೆ.
ಎಲ್ಲಕ್ಕಿಂತ ಮಜವೆಂದರೆ, ಒಬ್ಬರ ಕಮೆಂಟ್ ಮತ್ತು ಜಾಹ್ನವಿ ಅದಕ್ಕೆ ನೀಡಿರುವ ಪ್ರತಿಕ್ರಿಯೆ. ಕಿಡ್ ಎಂದು ಬರೆದಿರುವುದನ್ನು ನೋಡಿ, ಯಾರ ಮಗು, ನಿಮಗೆ ಮಗು ಬೇಕಾ ಎಂದು ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ, ಯೆಸ್ ಎಂದು ಜೋಕ್ ಮಾಡಿದ್ದಾರೆ ಜಾಹ್ನವಿ. ಆಕೆಯೇನೋ ತಮಾಷೆಗೆ, ಮಗು ಬೇಕು ಎಂದು ಹೇಳಿಕೊಂಡಿರಬಹುದು. ಆದರೆ, ಇಂಟರ್ನೆಟ್ನಲ್ಲಿ ಜಾಹ್ನವಿಗೆ ಮಗು ಬೇಕಂತೆ ಎಂದು ಸಾಕಷ್ಟು ಸುದ್ದಿಯಾಗಿದೆ.
ಇದನ್ನೂ ಓದಿ: ‘ಕೆಲಸವಿಲ್ಲದೆ ಇರೋದು ಹಿಂಸೆ’: ಲಾಕ್ಡೌನ್ನಲ್ಲಿ ಸಂಜನಾ ಅರಿತ ಸತ್ಯ
ಇನ್ನು ಇತ್ತೀಚೆಗೆ ಜಾಹ್ನವಿ ಕಪೂರ್ ಅವರ ಮನೆಯ ಮೂವರು ಕೆಲಸದವರಿಗೆ ಕರೊನಾ ಪಾಸಿಟಿವ್ ಪತ್ತೆಯಾಗಿತ್ತು. ಆ ನಂತರ, ಜಾಹ್ನವಿ ಕಪೂರ್ ಕುಟುಂಬದ ಯಾವ ಸದಸ್ಯರಿಗೂ ಸಮಸ್ಯೆ ಇಲ್ಲ ಎಂದು ಹೇಳಲಾಗಿತ್ತು. ಮೇ 22ಕ್ಕೆ ಪಾಸಿಟಿವ್ ಎಂದು ಆಸ್ಪತ್ರೆಗೆ ದಾಖಲಾಗಿದ್ದ ಅವರ ಮನೆಯ ಮೂವರು ಕೆಲಸಗಾರರ ಕರೊನಾ ಪರೀಕ್ಷೆ ನೆಗೆಟಿವ್ ಬಂದಿದ್ದು, ಸದ್ಯ ಜಾಹ್ನವಿ ಕಪೂರ್ ಮತ್ತು ಆಕೆಯ ತಂದೆ ಖ್ಯಾತ ನಿರ್ಮಾಪಕ ಬೋನಿ ಕಪೂರ್ ನಿಟ್ಟುಸಿರು ಬಿಟ್ಟಿದ್ದಾರೆ.