ಲಾಸ್ ಆಂಜಲೀಸ್: ಕಳೆದೊಂದು ತಿಂಗಳಿನಲ್ಲಿ ‘RRR’ ಖ್ಯಾತಿಯ ನಿದೇರ್ಶಕ ಎಸ್.ಎಸ್. ರಾಜಮೌಳಿ ಒಂದಲ್ಲ ಒಂದು ಸುದ್ದಿಯಲ್ಲಿದ್ದಾರೆ. ಮೊದಲು ಗೋಲ್ಡನ್ ಗ್ಲೋಬ್ನಲ್ಲಿ ಚಿತ್ರದ ಹಾಡಿಗೆ ಪ್ರಶಸ್ತಿ ಸಿಕ್ಕಿತು. ಆ ನಂತರ ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್ ಸಮಾರಂಭದಲ್ಲಿ ಅತ್ಯುತ್ತಮ ವಿದೇಶಿ ಚಿತ್ರ ಪ್ರಶಸ್ತಿ ಸಿಕ್ಕಿತು. ಈಗ ಈ ಸಮಾರಂಭದಲ್ಲಿ ನಡೆದ ಒಂದು ಸ್ವಾರಸ್ಯಕರ ಸಂಗತಿಯೊಂದು ಬೆಳಕಿಗೆ ಬಂದಿದೆ.
ಇದನ್ನೂ ಓದಿ: ಇನ್ನು ದಪ್ಪ ಆಗಬಾರದು ಎಂದು ವಿಜಯ್ ಸೇತುಪತಿ ತೀರ್ಮಾನ … ಯಾಕೆ ಗೊತ್ತಾ?
ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್ ಸಮಾರಂಭದಲ್ಲಿ ಹಾಲಿವುಡ್ನ ಜನಪ್ರಿಯ ನಿರ್ದೇಶಕ ಜೇಮ್ಸ್ ಕ್ಯಾಮರಾನ್ ಸಹ ಹಾಜರಿದ್ದರು. ಕಳೆದ ತಿಂಗಳಷ್ಟೇ ಬಿಡುಗಡೆಯಾದ ‘ಅವತಾರ್ 2’ ಚಿತ್ರವು ಈ ಪ್ರಶಸ್ತಿ ಕಣದಲ್ಲಿತ್ತು. ಈ ಸಂದರ್ಭದಲ್ಲಿ ಕ್ಯಾಮರಾನ್ ಮತ್ತು ರಾಜಮೌಳಿ ಭೇಟಿಯಾಗಿದೆ. ಅಷ್ಟೇ ಅಲ್ಲ, ಕ್ಯಾಮರಾನ್ ತಮ್ಮ ಪತ್ನಿಗೆ ‘RRR’ ಚಿತ್ರವನ್ನು ನೋಡಲು ರೆಕಮಂಡ್ ಮಾಡಿದರಂತೆ.
ಈ ಮಧ್ಯೆ, ಹಾಲಿವುಡ್ಗೆ ರಾಜಮೌಳಿ ಹೋಗಬಹುದು ಎಂದು ಸುದ್ದಿ ಇದೆ. ಈ ಕುರಿತು ಮಾತನಾಡಿರುವ ಕ್ಯಾಮರಾನ್, ‘ನಿಮಗೇನಾದರೂ ಹಾಲಿವುಡ್ನಲ್ಲಿ ಚಿತ್ರ ಮಾಡುವ ಯೋಚನೆ ಇದ್ದರೆ ಬನ್ನಿ, ಮಾತಾಡೋಣ’ ಎಂದು ಆಫರ್ ನೀಡಿದ್ದಾರೆ.
ಇದನ್ನೂ ಓದಿ: ‘ಪಠಾಣ್’ ಹೊಸ ದಾಖಲೆ; ಮೊದಲ ದಿನವೇ ಎರಡು ಲಕ್ಷ ಟಿಕೆಟ್ ಸೋಲ್ಡ್ ಔಟ್!
ಬರೀ ಚಿತ್ರವನ್ನಷ್ಟೇ ಅಲ್ಲ, ಚಿತ್ರದ ‘ನಾಟ್ಟು ನಾಟ್ಟು’ ಹಾಡನ್ನು ಸಹ ಮೆಚ್ಚಿಕೊಂಡಿರುವ ಕ್ಯಾಮರಾನ್, ಸಂಗೀತ ನಿರ್ದೇಶಕ ಎಂ.ಎಂ. ಕೀರವಾಣಿ ಅವರ ಬೆನ್ನುತಟ್ಟಿದ್ದಾರೆ.