ವಾಷಿಂಗ್ಟನ್: ವಾಣಿಜ್ಯ ವಹಿವಾಟಿಗೆ ಪ್ರಸ್ತುತ ಆನ್ಲೈನ್ ವೇದಿಕೆ ಅತಿ ಮುಖ್ಯ ಎಂಬುದು ಸಾಬೀತಾಗಿರುವ ಅಂಶ. ಹೀಗಾಗಿ ಹೆಚ್ಚು ಹೆಚ್ಚು ಕಂಪನಿಗಳು ಇ-ಕಾಮರ್ಸ್ಗೆ ಹೆಚ್ಚು ಆದ್ಯತೆ ನೀಡುತ್ತಿವೆ. ಇದೀಗ ಫೇಸ್ಬುಕ್ ಕೂಡ ಇದರತ್ತ ಗಮನ ಹರಿಸಿದೆ ಎಂಬುದು ಇನ್ನಿಲ್ಲದ ಕುತೂಹಲಕ್ಕೆ ಕಾರಣವಾಗಿದೆ.
ಹೌದು.. ಫೇಸ್ಬುಕ್ ಶಾಪ್ಸ್ ಓಪನ್ ಆಗಲಿದೆ. ನಮ್ಮ ‘ಲೈಕ್’ಗಳನ್ನು buyಗೆ ಮಾರ್ಪಾಡಿಸಲು ಕಂಪನಿ ಯೋಜನೆ ರೂಪಿಸಿದೆ. ಇ-ಕಾಮರ್ಸ್ನ ದೈತ್ಯ ಕಂಪನಿ ಅಮೆಜಾನ್ಗೆ ಟಕ್ಕರ್ ಕೊಡಲು ಎಲ್ಲ ರೀತಿಯಿಂದಲೂ ಸಜ್ಜಾಗುತ್ತಿದೆ.
ಇದನ್ನೂ ಓದಿ; ರಸ್ತೆಯಲ್ಲಿ ಸಿಕ್ಕ 75 ಲಕ್ಷ ರೂ. ಪೊಲೀಸರಿಗೊಪ್ಪಿಸಿ ಪ್ರಾಮಾಣಿಕತೆ ಮೆರೆದ ದಂಪತಿ..!
ಫೇಸ್ಬುಕ್ ಹಾಗೂ ಇನ್ಸ್ಟಾಗ್ರಾಂ ಬಳಕೆದಾರರನ್ನೇ ಗುರಿಯಾಗಿಸಿಕೊಂಡು ವಾಣಿಜ್ಯ ವಹಿವಾಟಿಗೆ ಕಂಪನಿ ಮುಂದಾಗಿದೆ. ಇದಷ್ಟೇ ಅಲ್ಲ, ವಾಟ್ಸ್ಆ್ಯಪ್ ಹಾಗೂ ಮೆಸೆಂಜರ್ನಲ್ಲೂ ಕೂಡ ಇದನ್ನು ಪರಿಚಯಿಸಲಿದೆ. ಜಾಗತಿಕವಾಗಿ ಇದರ ಸ್ವರೂಪ ಹೇಗಿರಲಿದೆ ಎಂಬುದು ಇನ್ನಷ್ಟೇ ತಿಳಿದು ಬರಬೇಕಿದೆ.
ಫೇಸ್ಬುಕ್ ಜಗತ್ತಿನಲ್ಲಿಯೇ ಅತಿದೊಡ್ಡ ಸಾಮಾಜಿಕ ಜಾಲತಾಣದ ಆ್ಯಪ್ ಆಗಿದೆ. ಇದಲ್ಲದೇ. ಇನ್ಸ್ಟಾಗ್ರಾಂ, ವಾಟ್ಸ್ಆ್ಯಪ್, ಮೆಸೆಂಜರ್ ಮೊದಲಾದ ಆ್ಯಪ್ಗಳನ್ನು ತನ್ನ ಬತ್ತಳಿಕೆಯಲ್ಲಿ ಹೊಂದಿದೆ. ಇವೆಲ್ಲವುಗಳನ್ನು ಬಳಸಿಕೊಂಡು ಬಳಕೆದಾರರಿಗೆ ಆನ್ಲೈನ್ ಶಾಪಿಂಗ್ ಸೌಲಭ್ಯ ಕಲ್ಪಿಸಲು ಮುಂದಾಗುತ್ತಿದೆ. ಇದಕ್ಕಾಗಿ ‘ಫೇಸ್ಬುಕ್ ಶಾಪ್ಸ್’ ತೆರೆಯಲಿದೆ. ಇಲ್ಲಿ ಯಾವುದೇ ವಸ್ತುವನ್ನು ಮಾರಾಟ ಮಾಡಲು ವಹಿವಾಟುದಾರರಿಗೆ ಅವಕಾಶ ಕಲ್ಪಿಸಲಿದೆ. ಇದು ಅಕ್ಷರಶಃ ಅಮೆಜಾನ್ ವರ್ಸ್ಸ್ ಫೇಸ್ಬುಕ್ ಆಗಿರಲಿದೆ ಎಂದೇ ವಿಶ್ಲೇಷಿಸಲಾಗುತ್ತಿದೆ.
ಇದನ್ನೂ ಓದಿ; ಈ ವರ್ಷ ನರ್ಸರಿ ಸ್ಕೂಲ್ ತೆರೆಯಲ್ವಾ…? ಆಡ್ಮಿಷನ್ ಮಾಡಿಸ್ಬೇಕೋ ಬೇಡ್ವೋ?
ಸದ್ಯ ಸಣ್ಣ ಉದ್ದಿಮೆದಾರರು ಸಂಕಷ್ಟದಲ್ಲಿದ್ದಾರೆ. ತಮ್ಮ ವಹಿವಾಟುಗಳನ್ನು ಮುಚ್ಚುತ್ತಿದ್ದಾರೆ. ಹೆಚ್ಚಿನವರು ತಮ್ಮ ವಹಿವಾಟುಗಳನ್ನು ಆನ್ಲೈನ್ಗೆ ತರಲು ಬಯಸುತ್ತಿದ್ದಾರೆ. ಶಾಪಿಂಗ್ಅನ್ನು ಸರಾಗವಾಗಿಸಿ ಸಣ್ಣ ಉದ್ದಿಮೆದಾರರಿಂದ ಹಿಡಿದು ಜಾಗತಿಕ ಬ್ರ್ಯಾಂಡ್ವರೆಗಿನ ಎಲ್ಲ ಉತ್ಪನ್ನಗಳನ್ನು ನಮ್ಮ ಆ್ಯಪ್ಗಳ ಮೂಲಕ ಗ್ರಾಹಕರ ಜತೆ ಸಂಪರ್ಕ ಕಲ್ಪಿಸುವುದು ನಮ್ಮ ಉದ್ದೇಶವಾಗಿದೆ ಎಂದು ಫೇಸ್ಬುಕ್ ತಿಳಿಸಿದೆ.
ಈಗಾಗಲೇ ರಿಲಯನ್ಸ್ ಜಿಯೋ ಫ್ಲಾಟ್ಫಾರ್ಮ್ನಲ್ಲಿ ಫೇಸ್ಬುಕ್ 43 ಸಾವಿರ ಕೋಟಿ ರೂ. ಗೂ ಅಧಿಕ ಹೂಡಿಕೆ ಮಾಡಿದೆ. ಇದು ಕಂಪನಿ ವಾಣಿಜ್ಯ ವಹಿವಾಟಿನ ವಿಸ್ತರಣೆ ಭಾಗವಾಗಿದೆ. ಕೋವಿಡ್ ಕಾರಣದಿಂದಾಗಿ ಜಾಹೀರಾತು ಆದಾಯದಲ್ಲಿ ಭಾರಿ ಇಳಿಕೆಯಾಗಿರುವುದರಿಂದ ಇತರ ಅವಕಾಶಗಳತ್ತ ಕಂಪನಿ ಕಣ್ಣುಹಾಕಿದೆ.
ಬೇಬಿ ಪೌಡರ್ನಿಂದ ಕ್ಯಾನ್ಸರ್ ವಿವಾದ; ಅಮೆರಿಕ, ಕೆನಡಾದಲ್ಲಿ ಮಾರಾಟ ನಿಲ್ಲಿಸಿದ ಜಾನ್ಸನ್ ಆ್ಯಂಡ್ ಜಾನ್ಸನ್