ಜೈಪುರ: ಐಪಿಎಲ್ ಸೀಸನ್ಗಳು ಬದಲಾಗುತ್ತಿವೆ ಆದರೆ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡದ ಕತೆ ಮಾತ್ರ ಬದಲಾಗುತ್ತಿಲ್ಲ. ಇದುವರೆಗೂ 16 ಸೀಸನ್ ಮುಗಿದಿದ್ದರೂ ತಂಡದ ಪ್ರದರ್ಶನ ಮಾತ್ರ ಇನ್ನೂ ಬದಲಾಗಿಲ್ಲ. ಎಂದಿನಂತೆಯೇ ವಿರಾಟ್ ಕೊಹ್ಲಿ ಏಕಾಂಗಿಯಾಗಿ ಹೋರಾಡುವುದನ್ನು ಮತ್ತು ಇತರ ಬ್ಯಾಟ್ಸ್ಮನ್ಗಳು ಹೀನಾಯ ಪ್ರದರ್ಶನ ನೀಡುತ್ತಿರುವುದನ್ನು ನಾವು ಸಾಕ್ಷಿಯಾಗಿದ್ದೇವೆ.
ಪ್ರಸಕ್ತ 17ನೇ ಸೀಸನ್ನಲ್ಲಿಯೂ ಆರ್ಸಿಬಿ ತನ್ನ ಸಂಪ್ರದಾಯವನ್ನು ಮುಂದುವರಿಸುತ್ತಿದೆ. 5 ಪಂದ್ಯಗಳಲ್ಲಿ ಕೇವಲ ಒಂದು ಜಯದೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ ಏಳನೇ ಸ್ಥಾನದಲ್ಲಿದೆ. ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಸೋತ ನಂತರ, ಟೀಮ್ ಇಂಡಿಯಾದ ಮಾಜಿ ಸ್ಫೋಟಕ ಆಟಗಾರ ವೀರೇಂದ್ರ ಸೆಹ್ವಾಗ್ ಆರ್ಸಿಬಿ ತಂಡದ ಕೆಲ ಆಟಗಾರರ ಬಗ್ಗೆ ಕಟುವಾದ ಕಾಮೆಂಟ್ಗಳನ್ನು ಮಾಡಿದ್ದಾರೆ.
ಈ ಸೀಸನ್ನಲ್ಲಿ ಆರ್ಸಿಬಿ ಮತ್ತೊಂದು ಸೋಲನ್ನು ಎದುರಿಸಿದೆ. ನಿನ್ನೆ ನಡೆದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ವಿರುದ್ಧದ 6 ವಿಕೆಟ್ಗಳಿಂದ ಸೋತಿತು. ವಿರಾಟ್ ಕೊಹ್ಲಿ ಶತಕ ಬಾರಿಸಿದರೂ ತಂಡವನ್ನು ಗೆಲ್ಲಿಸಲು ಸಾಧ್ಯವಾಗಲಿಲ್ಲ. ಈ ಹಿನ್ನೆಲೆಯಲ್ಲಿ ವೀರೇಂದ್ರ ಸೆಹ್ವಾಗ್ ಆರ್ಸಿಬಿಯ ಸಿವಿದೇಶಿ ಬ್ಯಾಟ್ಸ್ಮನ್ಗಳನ್ನು ತಮ್ಮದೇ ಶೈಲಿಯಲ್ಲಿ ವ್ಯಂಗ್ಯ ಮಾಡಿದ್ದಾರೆ. ಕೋಟಿಗಟ್ಟಲೆ ಹಣ ತೆಗೆದುಕೊಳ್ಳುತ್ತಿದ್ದಾರೆ, ಆ ಹಣಕ್ಕಾದರೂ ನ್ಯಾಯ ಒದಗಿಸಿ ಎಂದು ಕೊಂಚ ಖಾರವಾಗಿಯೇ ಪ್ರತಿಕ್ರಿಯಿಸಿದ್ದಾರೆ.
ಆರ್ಸಿಬಿ ವೈಫಲ್ಯದ ಬಗ್ಗೆ ವೀರೇಂದ್ರ ಸೆಹ್ವಾಗ್ ಹೇಳಿದ್ದೇನೆಂದರೆ, ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅದ್ಭುತವಾಗಿ ಬ್ಯಾಟ್ ಮಾಡಿದರು. ಆದರೆ ಅವರಿಗೆ ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಕ್ಯಾಮರೂನ್ ಗ್ರೀನ್ ಅವರಂತಹ ಆಟಗಾರರಿಂದ ಯಾವುದೇ ಬೆಂಬಲ ಸಿಗಲಿಲ್ಲ. ಮೇಲಾಗಿ ದಿನೇಶ್ ಕಾರ್ತಿಕ್ ಬ್ಯಾಟಿಂಗ್ಗೆ ಬಂದಿಲ್ಲ. ಮಹಿಪಾಲ್ ಲಮ್ರೋರ್ ತಂಡದಲ್ಲಿ ಇರಲಿಲ್ಲ. ಇದರಿಂದ ಆರ್ಸಿಬಿ ಕೊನೆಯಲ್ಲಿ ಮುಗ್ಗರಿಸಿತು. ಆದರೆ, ಮ್ಯಾಕ್ಸ್ವೆಲ್ ಮತ್ತು ಗ್ರೀನ್ನಂತಹ ಆಟಗಾರರು ತಮಗೆ ಸಿಗುತ್ತಿರುವ ಹಣಕ್ಕೆ ನ್ಯಾಯ ಸಲ್ಲಿಸಬೇಕು. ಅವರು ತಮ್ಮ ಸಾಮರ್ಥ್ಯವನ್ನು ತೋರಿಸಬೇಕು. ಈ ಪಂದ್ಯದಲ್ಲಿ ಆರ್ಸಿಬಿ ಇನ್ನೂ 20 ರನ್ ಗಳಿಸಬೇಕಾಗಿತ್ತು. ಕೊಹ್ಲಿ ಕೂಡ ಸ್ಟ್ರೈಕ್ ರೇಟ್ ಹೆಚ್ಚಿಸಬಹುದಿತ್ತು. ಆದರೆ ಇತರ ಬ್ಯಾಟ್ಸ್ಮನ್ಗಳ ಸಹಕಾರದ ಕೊರತೆಯಿಂದಾಗಿ ಕೊಹ್ಲಿ ಅವರು ಸ್ವಲ್ಪ ಒತ್ತಡದಲ್ಲಿ ನಿಧಾನವಾಗಿ ಬ್ಯಾಟ್ ಮಾಡಿದರು ಎಂದು ವೀರು ಭಾಯ್ ಹೇಳಿದರು.
ಈ ಪಂದ್ಯದಲ್ಲಿ ವಿರಾಟ್ ಅವರ ನಿಧಾನಗತಿಯ ಬ್ಯಾಟಿಂಗ್ ಅನ್ನು ಸ್ವಾರ್ಥಿ ಎಂದು ಟೀಕಿಸಲಾಗಿದೆ. ಆದರೆ, ಸೆಹ್ವಾಗ್ ಕೊಹ್ಲಿ ಬ್ಯಾಟ್ ಬೀಸಿ, ವಿದೇಶಿ ಆಟಗಾರರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಸೆಹ್ವಾಗ್ ಅವರ ಕಾಮೆಂಟ್ಗಳ ಬಗ್ಗೆ ನಿಮ್ಮ ಅಭಿಪ್ರಾಯಗಳನ್ನು ಕಾಮೆಂಟ್ಗಳ ರೂಪದಲ್ಲಿ ನಮ್ಮೊಂದಿಗೆ ಹಂಚಿಕೊಳ್ಳಿ. (ಏಜೆನ್ಸೀಸ್)
ಕೊಹ್ಲಿ ಕುರಿತು ಅಪಹಾಸ್ಯ ಮಾಡಲು ಹೋಗಿ ಟೀಕೆಗೆ ಗುರಿಯಾದ ಪಾಕ್ ಕ್ರಿಕಟಿಗ
ಆರ್ಸಿಬಿ ಸೋಲಿನ ನಡುವೆಯೂ ಹಲವು ದಾಖಲೆ ಬರೆದ ವಿರಾಟ ಕೊಹ್ಲಿ: ಐಪಿಎಲ್ನಲ್ಲಿ ಅನಪೇಕ್ಷಿತ ದಾಖಲೆ