ನವದೆಹಲಿ: ಕರೊನಾ ಸೋಂಕು ಹರಡುವಿಕೆ ಪ್ರಮಾಣ ತೀವ್ರಗೊಂಡ ಬೆನ್ನಿಗೆ ಅಂತಾರಾಷ್ಟ್ರೀಯ ವಿಮಾನ ಹಾರಾಟ ಇನ್ನೂ 20 ದಿನಗಳ ಇರಲ್ಲ ಎಂದು ಕೇಂದ್ರ ಸರ್ಕಾರ ಶುಕ್ರವಾರ ಘೋಷಿಸಿದೆ. ನಾಗರಿಕ ವಿಮಾನ ಯಾನ ಕಚೇರಿಯ ಡೈರೆಕ್ಟರ್ ಜನರಲ್ ಪ್ರಕಟಿಸಿರುವ ಸುತ್ತೋಲೆ ಪ್ರಕಾರ, ಇಂಟರ್ನ್ಯಾಷನಲ್ ಕಮರ್ಷಿಯಲ್ ಪ್ಯಾಸೆಂಜರ್ ಫ್ಲೈಟ್ಗಳ ಹಾರಾಟವನ್ನು ಜುಲೈ 15ರ ಮಧ್ಯರಾತ್ರಿ ತನಕ ಅಮಾನತುಗೊಳಿಸಲಾಗಿದೆ.
ಈ ಆದೇಶಕ್ಕೆ ಸಂಬಂಧಿಸಿ ಸ್ಪಷ್ಟೀಕರಣವನ್ನೂ ಪ್ರಕಟಿಸಿರುವ ಇಲಾಖೆ, ಸದರಿ ಆದೇಶ ಕೇವಲ ಪ್ರಯಾಣಿಕ ವಿಮಾನಗಳಿಗೆ ಮಾತ್ರವೇ ಅನ್ವಯ. ಎಲ್ಲ ರೀತಿಯ ಕಾರ್ಗೊ ವಿಮಾನಗಳು ಎಂದಿನಂತೆಯೇ ಹಾರಾಟ ಮುಂದುವರಿಸಲಿವೆ ಎಂದು ಹೇಳಿದೆ.
ಇದನ್ನೂ ಓದಿ: ಬೆಳಗ್ಗೆ ನಡೆಯಬೇಕಿದ್ದ ಮದುವೆ ರಾತ್ರೋರಾತ್ರಿ ರದ್ದು, ವಧು-ವರ ಒಂದಾಗುವ ಕ್ಷಣಕ್ಕೆ ಭಂಗ ತಂದಿದ್ದೇನು?
ಪ್ರಯಾಣಿಕ ವಿಮಾನ ಹಾರಾಟದ ನಿರ್ಬಂಧವನ್ನು ಕೆಲವು ಮಾರ್ಗಗಳಲ್ಲಿ ಸಡಿಲಿಸಲಾಗಿದೆ. ಈ ಸಂಬಂಧದ ನಿರ್ಧಾರವನ್ನು ಆಯಾ ಅಧಿಕಾರಿಗಳು ಸಮಯ ಸಂದರ್ಭಕ್ಕೆ ತಕ್ಕಂತೆ ವಿವೇಚನಾಯುಕ್ತವಾಗಿ ತೆಗೆದುಕೊಳ್ಳಲಿದ್ದಾರೆ ಎಂದು ಸುತ್ತೋಲೆ ತಿಳಿಸಿದೆ. (ಏಜೆನ್ಸೀಸ್)