ಮುಂಬೈ: ಭಾರತದ ಕುಬೇರ ಮುಖೇಶ್ ಅಂಬಾನಿ ಪುತ್ರಿ ಇಶಾ ಅಂಬಾನಿ ಮತ್ತು ಅಳಿಯ ಆನಂದ್ ಪಿರಮಲ್ ಅವರು ಶುಕ್ರವಾರ ಆಯೋಜಿಸಿದ್ದ ವರ್ಣಮಯ ಹೋಳಿ ಪಾರ್ಟಿಗೆ ಕೆಲ ಬಾಲಿವುಡ್ ಸ್ಟಾರ್ಗಳು ಆಗಮಿಸಿ ರಂಗು ಚೆಲ್ಲಿದರು.
ಪ್ರಿಯಾಂಕಾ ಚೋಪ್ರಾ ಹಾಗೂ ಪತಿ ನಿಕ್ ಜೊನಸ್(ಜೋನಾಸ್), ಜಾಕ್ವೆಲಿನ್ ಫರ್ನಾಂಡೀಸ್, ವಿಕ್ಕಿ ಕುಶಾಲ್, ಮಾಧುರಿ ದೀಕ್ಷಿತ್, ಕತ್ರಿನಾ ಕೈಫ್ ಮತ್ತು ರಾಜ್ಕುಮಾರ್ ರಾವ್ ಸೇರಿ ಇನ್ನಿತರ ನಟ-ನಟಿಯರು ಕಾರ್ಯಕ್ರಮಕ್ಕೆ ಆಗಮಿಸಿದ್ದರು.
ಹೋಳಿ ಹಬ್ಬವನ್ನು ಪತ್ನಿ ಪ್ರಿಯಾಂಕಾ ಜತೆಯಲ್ಲಿ ಸಂಪೂರ್ಣವಾಗಿ ಎಂಜಾಯ್ ಮಾಡಿರುವ ನಿಕ್, ಇದೇ ಖುಷಿಯಲ್ಲಿ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ವರ್ಣರಂಜಿತ ಫೋಟೋ ಮತ್ತು ವಿಡಿಯೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ.
ಹೋಳಿ ಸಂಭ್ರಮ ಬಗ್ಗೆ ಅಭಿಪ್ರಾಯ ಹಂಚಿಕೊಂಡಿರುವ ನಿಕ್, ಇದು ನನ್ನ ಮೊದಲ ಹೋಳಿ ಸಂಭ್ರಮವಾಗಿದೆ. ನನ್ನ ಎರಡನೇ ತವರು ಭಾರತದ ಅತ್ಯದ್ಭುತ ಜನರೊಂದಿಗೆ ಹೋಳಿ ಸಂಭ್ರಮ ತುಂಬಾ ಖುಷಿಕೊಟ್ಟಿತು ಎಂದಿದ್ದಾರೆ. (ಏಜೆನ್ಸೀಸ್)