ಇತ್ತೀಚೆಗೆ ಯಾವುದೇ ವಿಚಾರಗಲೇ ಆಗ್ಲಿ ಕ್ಷಣಾರ್ಧದಲ್ಲೇ ಸೋಶಿಯಲ್ ಮೀಡಿಯಾದಲ್ಲಿ ಕಾಣ ಸಿಗುತ್ತೆ. ಅದರಲ್ಲೂ ಸೋಶಿಯಲ್ ಮೀಡಿಯಾದಲ್ಲಿ ಜನರು ಫಾಲೋವರ್ಸ್ ಪಡೆಯೋಕೆ ಏನಾದರು ವಿಭಿನ್ನವಾದುದನ್ನ ಮಾಡುತ್ತಲೇ ಇರ್ತಾರೆ.
ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಇನ್ಫ್ಲುಯೆನ್ಸರ್ ಆಗಿರುವ ಯುವತಿಯೊಬ್ಬಳು ಮ್ಯಾಟ್ರಿಮೋನಿಯಲ್ ಸೈಟ್ನಲ್ಲಿ ಮಾಡಿರುವ ಪೋಸ್ಟ್ ಒಂದು ಎಕ್ಸ್(ಟ್ವಿಟ್ಟರ್) ಖಾತೆಯಲ್ಲಿ ದೊಡ್ಡ ಮಟ್ಟಿನಲ್ಲಿ ವೈರಲ್ ಆಗಿದೆ.
ರಿಯಾ ಎಂಬ ಮಹಿಳೆ ಮ್ಯಾಟ್ರಿಮೋನಿಯಲ್ ಜಾಹೀರಾತನ್ನು ಹಂಚಿಕೊಳ್ಳುವ ಮೂಲಕ ತನ್ನ ಜೀವನ ಸಂಗಾತಿಯಲ್ಲಿ ಯಾವ ಗುಣ ಅಥವಾ ಆತ ಏನೆಲ್ಲಾ ಕಲಿತಿರಬೇಕು ಎಂಬ ವಿಚಾರಗಳನ್ನ ಹಂಚಿಕೊಂಡಿದ್ದು, ಸದ್ಯ ಯುವತಿಯ ಪೋಸ್ಟ್ಗೆ ನೆಟ್ಟಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ.
ಹಾಗಿದ್ರೆ ಯುವತಿಯ ಪೋಸ್ಟ್ನಲ್ಲಿ ಏನಿದೆ?
ರಿಯಾ ಕೊಟ್ಟ ಮ್ಯಾಟ್ರಿಮೋನಿಯಲ್ ಜಾಹೀರಾತಿನ ಪೋಟೋವನ್ನ ಆಯುಷಿ ಗುಪ್ತಾ ಎಂಬ ಮಹಿಳೆ ಎಕ್ಸ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಇದರಲ್ಲಿ ನಾನು ಮದುವೆಯಾಗುಲು ಬಯಸುವ ಯುವಕ ನನ್ನ ಜತೆಯಲ್ಲಿ ರೀಲ್ಸ್ ಮಾಡಬೇಕು. ನಾವಿಬ್ಬರೂ ಜತೆಯಾಗಿ ಮದುವೆಯ ಬಳಿಕ ರೀಲ್ಸ್ ಮಾಡುವ ಇಚ್ಛೆಸುತ್ತೇನೆ. ಅಲ್ಲದೆ ಪ್ರೀಮಿಯರ್ ಪ್ರೊ ಎಡಿಟಿಂಗ್ ಮಾಡೋದು ಆತನಿಗೆ ತಿಳಿದಿರಬೇಕು ಎಂದು ಜಾಹೀರಾತಿನಲ್ಲಿ ಬರೆದಿದ್ದಾಳೆ. ಜತೆಗೆ ಆಕೆಯ ಇ-ಮೇಲ್ ಐಡಿಯನ್ನೂ ಹಾಕಿ ಆಸಕ್ತರು ಇದಕ್ಕೆ ಮೇಲ್ ಮಾಡಿ ಎಂದು ಉಲ್ಲೇಖಿಸಿದ್ದಾರೆ.
ಸದ್ಯ ರಿಯಾ ಜಾಹೀರಾತಿಗೆ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಪ್ರತಿಕ್ರಯಿಸಿದ್ದು, ನೀನು ಜೀವನ ಸಂಗಾತಿಯನ್ನು ಹುಡುಕುವುದಕ್ಕಿಂತ ವಿಡಿಯೋ ಎಡಿಟರ್ ಮತ್ತು ಕ್ಯಾಂಪೇನ್ ಮ್ಯಾನೇಜರ್ ಅನ್ನೇ ಹುಡುಕಿಕೋ ಎಂದು ಕಾಮೆಂಟ್ ಮಾಡಿದ್ದಾರೆ.