ಜಕಾರ್ತ: ಮಗುವಿನ ಬೆನ್ನುಮೂಳೆ ಮತ್ತು ಮೊಸಳೆಯ ನಾಲಿಗೆಯಿಂದ ತಯಾರಿಸಿದ ಕೈಚೀಲವನ್ನು (ಹ್ಯಾಂಡ್ ಬ್ಯಾಗ್) ಇಂಡೋನೇಷ್ಯಾದ ಫ್ಯಾಶನ್ ಡಿಸೈನರ್ 5 ಸಾವಿರ ಡಾಲರ್(3,81,912 ರೂ.)ಗೆ ಮಾರಾಟ ಮಾಡುತ್ತಿದ್ದಾರೆ.
ಅರ್ನಾಲ್ಡ್ ಪುಲ್ಟ್ರಾ ಎಂಬ ಬಾಲಕ ಇಂಡೋನೇಷ್ಯಾದಲ್ಲಿ ಇನ್ಸ್ಟಾಗ್ರಾಂನ ಶ್ರೀಮಂತ ಬಾಲಕ ಎಂದೇ ಪ್ರಖ್ಯಾತಿಯನ್ನು ಹೊಂದಿದ್ದಾನೆ. ಹ್ಯಾಂಡ್ ಬ್ಯಾಗ್ ಅನ್ನು ಬಾಲಕನೇ ವಿನ್ಯಾಶಗೊಳಿಸಿದ್ದು, ಈ ವಿಲಕ್ಷಣ ಉತ್ಪನ್ನವು ಕೆನಡಾದ ವೈದ್ಯಕೀಯ ಹೆಚ್ಚುವರಿಯ ನೈತಿಕ ಸಂಪನ್ಮೂಲವಾಗಿದೆ ಎಂದು ಸ್ಪಷ್ಟನೆ ನೀಡಿದ್ದಾನೆ.
ಇದೇ ರೀತಿಯ ಬ್ಯಾಗ್ ಅನ್ನು ಈ ಹಿಂದೆ ಲಾಸ್ ಏಂಜಲೀಸ್ನಲ್ಲಿ ತಯಾರಿಸಲಾಗಿತ್ತು. ಇದೊಂದು ಆದರ್ಶ ತುಣುಕು ಎಂದ್ಹೇಳಿ 2016ರಲ್ಲಿ ಮಾರಾಟ ಮಾಡಲಾಗಿತ್ತು. ಬ್ಯಾಗ್ ಅನ್ನು ಸಂಪೂರ್ಣ ಮೊಸಳೆಯ ನಾಲಿಗೆಯಿಂದಲೇ ಮಾಡಲಾಗಿತ್ತು.
ಸದ್ಯದ ಬ್ಯಾಗ್ ಕೂಡ ಮೊಸಳೆಯ ನಾಲಿಗೆಯಿಂದಲೇ ಮಾಡಲಾಗಿದ್ದು, ಇದಕ್ಕೆ ಮಗುವಿನ ಬೆನ್ನು ಮೂಳೆಯನ್ನು ಹ್ಯಾಂಡಲ್ ಆಗಿ ಬಳಸಲಾಗಿದೆ. ಈ ಬಗ್ಗೆ ಅರ್ನಾಲ್ಡ್ ಪುಲ್ಟ್ರಾ ಎಂಬ ಇನ್ಸ್ಟಾಗ್ರಾಂ ಖಾತೆಯಲ್ಲಿಯೂ ಮಾಹಿತಿ ನೀಡಲಾಗಿದೆ. ಆದರೆ, ಇನ್ಸ್ಗ್ರಾಂ ಖಾತೆ ವೈಯಕ್ತಿಕವಾಗಿ ನಿರ್ವಹಿಸುತ್ತಿಲ್ಲ ಎಂದು ವೆಬ್ಸೈಟ್ವೊಂದಕ್ಕೆ ಪುಲ್ಟ್ರಾ ತಿಳಿಸಿದ್ದು, ನಿಜವಾಗಿಯೂ ಮಗುವಿನ ಬೆನ್ನು ಮೂಳೆಯನ್ನೇ ಬಳಸಿದ್ದೀರಾ ಎಂಬ ಪ್ರಶ್ನೆಗೆ ಖಚಿತಪಡಿಸಲು ನಿರಾಕರಿಸಿದ್ದಾರೆ.
ಆದರೂ, ಬ್ಯಾಗ್ನಲ್ಲಿರುವ ಹ್ಯಾಂಡಲ್ ಮಗುವಿನ ಬೆನ್ನಮೂಳೆಯದ್ದಾಗಿದೆ ಎಂದು ತಜ್ಞರು ವಿಶ್ಲೇಷಿಸಿದ್ದಾರೆ. ಆದರೆ, ಮೂಳೆಗಳು ಕೆನಡಾದ ವೈದ್ಯಕೀಯ ಮೂಲಗಳು. ಮಾನವ ಮಾದರಿಗಳನ್ನು ಮಾರಾಟ ಮಾಡುವ ಪರವಾನಗಿ ಹೊಂದಿದ ಕಂಪನಿಯೊಂದು ವೈದ್ಯಕೀಯ ವಿಜ್ಞಾನದ ಪ್ರಯೋಗಕ್ಕಾಗಿ ಹೆಚ್ಚುವರಿ ಮಾದರಿಗಳನ್ನು ಕಾಣಿಕೆಯನ್ನಾಗಿ ನೀಡುತ್ತಾರೆ ಎಂದು ಪುಲ್ಟ್ರಾ ತಿಳಿಸಿದ್ದಾರೆ. (ಏಜೆನ್ಸೀಸ್)